|
Re: هل أفكار السواد الأعظم ممن يكتبون في هذا المنبر سليمة? (Re: عادل محمد الصافي)
|
شوف يا عادل يا أخوي بعض الناس هنا لا تفرق بين الأنظمة الحاكمة والأحزاب السياسية كمراحل فانية من جهة وبين الوطن المليون ميل مربع كحقيقة باقية – وقد أجد العذر لهم في ذلك فمن يوم ما فتح الواحد عيونو على الدنيا دي وكل ما يحصل تغيير في نظام وغالباً ما يكون بالقوة – إنقلاب عسكري – تجد أن البيان الأول عبارة عن إستيكه في يد السيد قائد الإنقلاب داير يمسح كل شئ عمله النظام الكان حاكم قبل الإطاحة به وصفحة جديدة بيضاء ما فيها ولا حرف ، والمسح والتغيير ده كلو من أجل التغيير وبس ، لأنو أكيد النظام البائد بحسب البيان بتاع ناس الثورة (وهم عادة ما يسمون إنقلابيين إذا فشلوا) عمل حاجات يمكن أن تكون صاح ويمكن تطويرها وتنقيتها – لكين لا لازم حل الـ ... وحل الـ ... كلها لأنها مؤسسات إتعملت في العهد البائد. إنت عارف نحن حتى على مستوى علاقاتنا الخارجية بنتأثر بنوع النظام الحاكم يعني ما في ثوابت وما في برنامج قومي عشان كده حا نظل نتخبط هنا وهناك وكل نظام أو إنقلاب سوف يلعن الذي قبله وهكذا. لو كان في برنامج قومي معروف كان زمان وصلنا ليهو سواء بإنقلابات أو حكومات شبه ديمقراطية لكن المشكلة الكبري أن السودانيين لم يتفقوا ولم يناقشوا و يخططوا لوضع برنامج قومي يعتبر من الثوابت التي لا تتأثر بزوال وتغيير الأنظمة
|
|
|
|
|
|
|
|
|