|
أبــــــــــــــــــــــــــــــــواب
|
الصورة لطلال عفيفي ------------------------------------------ باب الامل مفتوح
سودانيزون لاين ------------------------------------------ ود باب السنط والدكة والنفاج
والحوش الوسيع للساكنين افواج
واللمة التى ربت جنا المحتاج
والنار الدغش
والريكة جنب الصاج
والسكسك المنضوم
حول الجبينة نجوم
والفنجرية تقوم
تقهوج الحجاج
طق طرق يا بن
القهوه كيف ومزاج
طق طرق يا بن
خلي النعدل الراس
ونحصل الترماى
محجوب شريف ----------------------------------------------------------
تاكيت الباب واستنيتك صيفين وشتاء ورشة مطره نجلاء عثمان التوم ----------------------------------------
على بابك نهارات الصبر واقفات بداية الدنيا هن واقفات وكم ولهان وكم طائر بعد نتف جناحو وراك لملم حر ندامتوا وفات قطع شامة هواك من قلبوا إلا هواك نبت تاني وعلى بابك وقف تاني الغمائم شآكىغبن الليل مسافر فيها وحداني .. وبدون جنحين .. يغنيك الهناء المافي يغنيك رهافة حسو يفنى على جليد امالو يحلم بالشتاء الدافي وقدر ما يمشى في سور الزمن خطوات يلاقى خطى السنين واقفات على بابك يلاقى هواك .. نبت تاني وملا الساحــات عبد القادر الكتيابي -----------------------------------
مين القال انو الحق ليو بابين اكيد للصدق مليون باب باب الخير باب الرافة بالمسكين باب مفتوح لا بقفل بامر الوالي ولا العالي متين يا ناس يسكن في بيوتنا الود ويفرش في ظلالنا الوعد وننسي سكة السجان والاخوان والشيخان نكتب في بيوتنا كلام من التوراة ومن القرآن نقول يوم الخلاص قرب ويرجع تاني اسماعيل يرفع راية استقلال ونتحرر من الطغيان والسجان والبمبان والهتيفة والعسكر نقولوا سلام سلام للحق سلام لعامة السودان سلام للشرفاء والطيبيبن سلام ممتد سلام ممهور بدم الشعب والمسكين والتربالي والغناي سلام للغد سلام للمد سلام للنيل سلام يا طابية امدرمان سلام بحري سلام مروي سلام سنكات سلام مدني سلام ملكال سلام دارفور سلام لي وحدة السودان
محمد ابوالقاسم ---------------------------------------- لو وشوش صوت الريح بالباب يسبقنا الشوق قبل العينين ونعاين الشارع نلقاهوا تاية في دموع المغلوبين اسحاق الحلنقي ---------------------------------------- هنالك ابواب اخري .....
[ram]http://www.sudaneseonline.com/ss/mustafaseeda7med/3lay_Babak.rm[/ram]
نقلاء من موقع الراكوبة
|
|
|
|
|
|
|
العنوان |
الكاتب |
Date |
أبــــــــــــــــــــــــــــــــواب | محمد ابو القاسم | 04-09-07, 04:26 PM |
Re: أبــــــــــــــــــــــــــــــــواب | محمد ابو القاسم | 04-09-07, 04:45 PM |
Re: أبــــــــــــــــــــــــــــــــواب | محمد ابو القاسم | 04-09-07, 04:52 PM |
Re: أبــــــــــــــــــــــــــــــــواب | هاشم أحمد خلف الله | 04-09-07, 05:16 PM |
Re: أبــــــــــــــــــــــــــــــــواب | محمد ابو القاسم | 04-09-07, 05:21 PM |
Re: أبــــــــــــــــــــــــــــــــواب | أيمن عادل أمين | 04-09-07, 07:09 PM |
Re: أبــــــــــــــــــــــــــــــــواب | محمد ابو القاسم | 04-10-07, 07:38 PM |
Re: أبــــــــــــــــــــــــــــــــواب | محمد ابو القاسم | 05-04-07, 06:33 PM |
Re: أبــــــــــــــــــــــــــــــــواب | عاصم ابوبكر حامد | 05-04-07, 06:44 PM |
Re: أبــــــــــــــــــــــــــــــــواب | محمد ابو القاسم | 05-04-07, 06:50 PM |
Re: أبــــــــــــــــــــــــــــــــواب | Mamoun Ahmed | 05-04-07, 07:15 PM |
Re: أبــــــــــــــــــــــــــــــــواب | محمد ابو القاسم | 05-04-07, 07:57 PM |
Re: أبــــــــــــــــــــــــــــــــواب | Raja | 05-04-07, 07:51 PM |
Re: أبــــــــــــــــــــــــــــــــواب | محمد ابو القاسم | 05-04-07, 08:00 PM |
|
|
|