|
الشــــــــــــــــــول
|
عند المشرع القدامى وفوق قيف ود عمر ومربط الدوامى ود المك وقف ازكر و يعاين والنيل متل سيفا للعروض صائن شوف الكرده والعشر والصفصاف كيف باين
اتلفت يمين و شمال وبقيت اصيح واقول الشول اضبح ليك بقره ولاتور الشول اضبح ليك بقره ولاتور يا ناس الشول ابى ما يرد ابى ما يقول تور تور تور ود المك وقف مزهول الشول يا ناس رحل مع السمحين والزينين الشول ساب الضفاف والطين الشول حالف ستين يمين تانى ما يبين وسالت على خد الولد دمعه وفى الحلق عبره وفى الفواد حسره على زمن الصفاء والوفره حليل اللمه والصفقة واللعبه والسره حليل الحمره والحميض حليل المقد والدفره حليل الباجه والغابه حليل الهجليجه والسدرة حليل ام بق بق والسبروق صوت السقده والرزه الجايه بقوق حليل ابو خريس والبهم والواسوق حليل الحجره والكونيه يا الرفاعى البى ما يروق حليل سرمه حليل الشمه حليل حاج ملود وابو النجا والسوق حليل ود التاى سديد الراى حليل الضامر ود رزيق والقمارى البسوى القوق حليل الكده والضقل والجنوى ديل فوق ديل حليل ام ماوديعه ادينى وديعه شيلى وديعه حليل شليل حليل طاب معناك بلى ما جاك يكف شينتك مليح بلحيل فخرنا اسامى قفرنا الدقناوى والترير هنومه ودابى الليل حليل الدرت والفليله والقرقار والقفر والتقه والحقنه ملانه عدار حليل الطيوب والطنوب حليل الدوبايه والمسدار حليل الشوره والمطمورة حليل فضاوة البال حليل خاله ست الزمام خاله خالك منو خاله خالى الامام خاله وره وقدام خاله ست الدفيس خاله مشيه ورقيص خاله سوى الترير خاله حليل الارباب ود حماد وجيب الدار نبكيك يا زمن حزنانين عليك ضايقين المر على زمن المحنه الفات وحالنا البقى ما بيسر يبكوك الشيوخ والسبحه والابريق يبكوك الجنيات والصفقه والكوريق يبكنك الخالات والعمات وحسنات الفريق سلام كتير يا اهلنا لنيل بلدنا وقمرنا سلام لطين الجروف سلام لبترولنا واملنا سلام للسمحه شمس الفريق سلام للسلام وفى بلدنا وانشاء الله السلام فى بلدنا انشاء الله السلام فى بلدنا وليد ال قسم السيد لندن 24 يناير 95
|
|
|
|
|
|
|
العنوان |
الكاتب |
Date |
الشــــــــــــــــــول | waleed500 | 05-02-02, 04:30 PM |
هو أشول ده منو؟ | منوت | 05-02-02, 04:55 PM |
Re: هو أشول ده منو؟ | waleed500 | 05-02-02, 05:04 PM |
Re: هو أشول ده منو؟ | waleed500 | 05-02-02, 05:07 PM |
Re: هو أشول ده منو؟ | wa7shny | 05-02-02, 05:33 PM |
Re: هو أشول ده منو؟ | waleed500 | 05-02-02, 05:43 PM |
Re: هو أشول ده منو؟ | EMU إيمو | 05-02-02, 06:07 PM |
Re: الشــــــــــــــــــول | بنت الاحفاد 2001 | 05-02-02, 08:19 PM |
Re: الشــــــــــــــــــول | wa7shny | 05-02-02, 08:30 PM |
Re: الشــــــــــــــــــول | waleed500 | 05-03-02, 06:30 PM |
Re: الشــــــــــــــــــول | wadazza | 05-03-02, 06:42 PM |
Re: الشــــــــــــــــــول | waleed500 | 05-03-02, 06:47 PM |
Re: الشــــــــــــــــــول | wadazza | 05-03-02, 06:56 PM |
تشكرات و سلامات يا جماعه | منوت | 05-03-02, 07:39 PM |
Re: تشكرات و سلامات يا جماعه | gazalalmasalma | 05-03-02, 07:47 PM |
Re: تشكرات و سلامات يا جماعه | waleed500 | 05-03-02, 08:00 PM |
Re: تشكرات و سلامات يا جماعه | waleed500 | 05-03-02, 07:55 PM |
Re: تشكرات و سلامات يا جماعه | rummana | 05-03-02, 08:23 PM |
Re: تشكرات و سلامات يا جماعه | waleed500 | 05-03-02, 08:45 PM |
Re: تشكرات و سلامات يا جماعه | rummana | 05-03-02, 09:33 PM |
و كيف حياه بتاع غابه | منوت | 05-03-02, 10:08 PM |
Re: و كيف حياه بتاع غابه | waleed500 | 05-03-02, 11:27 PM |
Re: الشــــــــــــــــــول | OmDur | 05-04-02, 01:49 AM |
Re: الشــــــــــــــــــول | waleed500 | 05-04-02, 04:47 PM |
|
|
|