|
Re: جنٌي جن الزول يقول رايد فلانة .. وينقسم نصين؟؟؟ (Re: مهاجر)
|
طبعا كنت منتظر انطباعات اول خمسة اشخاص لكن بدون جدوي
طبعا الموضوع سببوا واحد قاتل روحوا ساكت بحب واحدة وما قادر يقول ليها وعامل فينا عمايل
وحالتوا وصلت الي حالة من الضعف وعدم الاكل وبعد الشغل حاضن المسندة ويبكي وشوية يخنق اقرب زول ليهوا
ما اردت ان اقوله هنا ان الشاب السوداني ليس لديه اي شجاعة لابداء مشاعره للانسانة التي اختارها بقلبه وعقله. مشاعرنا جافة صراحة تحتاج الي ري قوي وتشجيع اكثر من صديقك او من البنت التي اخترتها
حكاية صاحبي دا اعتبرها تخلف لان سببه هو عدم الاستعداد للزواج الان واسباب اسرية اخري والعمر كمان ماشي اذن ماهي الفائدة تطير البنية ويشيب هو ويصلع وتبقي حالتوا ايييييييييييييييك
سؤالي الي اي شاب لماذا لا تكون شجاعا وتقدم نفسك .. وتكون عندك شوية كلام معسول علي الدوام باللسان وليس علي الورق وبعدوا يكون نسيان
السؤال الثاني لماذا تموت فيكم المشاعر والكلام الجميل بعد الارتباط( كأنوا الواحد اشتري حاجة وخلاص بقت حقتوا)
السؤال الثالث ليه الخجل
سؤالي للبنات ودا موجود ما تجي واحدة تقول لي مافي ليه كل واحدة عندها واحد تاني احتياطي( يعني بتنشن علي اتنين وفي بنات اكثر من اتنين)
ليه انتوا ما بتشجعوا الشاب علي الكلام الحلو دوما واستمرار المحبة بينكم بس خلاص خطوبة وانتهي الفيلم وبعدها نقاش في امور الحياة فقط
يعني من خلال الملاحظة انوا الازواج السودانيين ( حياتهم مركبة علي- زواج اطفال وتأسيس بيت والباقي الله كريم وفي هذه المراحل يشيخ الشكل والقلب معا) اتمني لكم حياة زوجية سعيدة واحد شاف التعاسة باهمال
|
|
|
|
|
|
|
|
|