|
لمتين اندهلك وتصدى
|
لمتين اندهلك وتصدى ويبادر صوتى اغانيكى القاك حنينة وبتهدى الناس البايسة حواليكى تسقيهم من موية الفرحة والضحكة سراعا بتجيكى يكفينى احبك واتطامن والنهر الطيب يكفيكى يوماتى اجيلك متغرب ارتاج فى جمة واديكى وابداك قصايد ولهانة بتكاتل فى الحزن الفيكى بالبى تماما بتصبر والمنك اقالدو وافديكى طربان وبونس فى النجمة فى الضلمة الحالكة اغنيكى المعنى الاول ايامك والنابض فيكى معانيكى بلقاك قصادى ومزدانة بالروح والفرح الحاويكى بهواك تماما ومغبر بالريح الكاتمة بواديكى متصبر بكتب فى باكر القاكى جهارا اسميكى ياواحدة على القلب المتدردر ياشايفة مصيري بعينيكى ارتاح من غيبتكى بلقاكى واواعد طيبتك اهنيكى بالنفس الطالع متكمل بالناس الطاردة اعاديكى بالضى الواقد فى صدرك بالروح الفينى ومن قلبى يمكن ميعادى يكفيكى مااظن وهواك مكملنى والهمس الفينى يناجيكى القاك فى الخاطر زغرودة وابداك من تانى اناديكى واقولك نصبر شان باكر يغشانا وخيرو مغطيكى اتمهلى انتى هواى وحدك بلقاك فى باكر اوفيكى متطامنة تلملمى شطانك شان ارسي فى قلب مؤانيكى واجيلك شايل خير وافر وبالفرح البى اناديكى
|
|
|
|
|
|
|
العنوان |
الكاتب |
Date |
لمتين اندهلك وتصدى | zumrawi | 01-07-04, 05:24 AM |
Re: لمتين اندهلك وتصدى | abas | 01-07-04, 06:34 AM |
Re: لمتين اندهلك وتصدى | zumrawi | 01-07-04, 06:39 AM |
Re: لمتين اندهلك وتصدى | abas | 01-07-04, 06:42 AM |
Re: لمتين اندهلك وتصدى | THE RAIN | 01-07-04, 08:27 AM |
Re: لمتين اندهلك وتصدى | هدهد | 01-07-04, 09:07 AM |
Re: لمتين اندهلك وتصدى | zumrawi | 01-07-04, 09:15 AM |
Re: لمتين اندهلك وتصدى | Ibrahim Algrefwi | 01-07-04, 03:10 PM |
Re: لمتين اندهلك وتصدى | zumrawi | 01-07-04, 06:51 PM |
Re: لمتين اندهلك وتصدى | Agab Alfaya | 01-08-04, 06:27 AM |
Re: لمتين اندهلك وتصدى | zumrawi | 01-08-04, 06:53 AM |
Re: لمتين اندهلك وتصدى | HOPEFUL | 01-18-04, 05:57 AM |
|
|
|