محمود محمد طه : في ذكراه : 18 يناير 2017

Quote: : يوم كان جلسة زحممممممة!!! الأستاذ قال: ما في واحد يوسع لينا الصالون دا !! .... حكي قال عن اثنين من الصوفية (أحدهم لعله الشيخ الطيب وهو المضيف كما ذكرني به الأخ إبراهيم ذو النون وذكر الأخر ولكن نسينا اسمه) قال الأستاذ : الصوفية كانت بيناتم مشاغلات لطيفه ... الشيخ الطيب عزم " فلان " ليحضر عنده ليلة، قال ليهو خير، لكن مابجي براي... يجوا معاي الحيران.... قال ليهو مرحب بيك وبيهم ... فقال الأخر لكن ما بدور واحد منهم يقعد برة الديوان ... كلهم لازم يقعدوا جوة الديوان ... فقال له مرحب قبولاً للتحدي .... تحرك ذلك الشيخ ومعه أعداد كبيرة من حيرانو بنوباتهم والرايات وعندما قربوا من الحلة ، رآهم حيران الشيخ الطيب ، وجروا حدثوا الشيخ ، مشفقين ( أبوي الشيخ الضيوف وصلوا ، وعددم كبير بالحيل ) ... قال الأستاذ: نهض الشيخ ولبس توبو ، ووقف عند باب الديوان، وعند وصولهم بدا يرحب بهم واحد واحد يسلّم على الواحد ويدخلو الديوان وهو يقول مرحب مرحب ، وكان عددم كبير شديد ، وامتلا الديوان وهو يقول مرحب مرحب و جدران الديوان ، بدأت تتحرك ، تتوسع ، تتوسع ، حتى دخلوا جميع الناس ، وما جلس زول برة .. فقال الأستاذ: هسع دايرين ، زول يوسع لينا الصالون دا