|
الــــزوجــة التــانيـة
|
قالو..... الله يكفينا شر قالو وقلنا...... واحد طوالي مربي لمرتو الزلعة..... طوالي شابكها داير اعرس تاني داير اعرس تاني....والمرا تسوي لو في امشي اعرس كان داير....وانت زاتك البترضى بك منو؟ غيري انا؟.مسوي صلعتك دي؟......الناس ديل كانو قاعدين برا السودان..وهم بيقولو في نضمهم دا....... الراجل اخد اجازة ونزل السودان....... وجاء راجع..... دق الباب.... المرا فتحت الباب... الزول دخل....ووراهو طوالي .... عروس جديدة من الورقة..... المرا شافتها.... وفتحت خشمها مخلوعة.....واردولووووووووووووب....وقعت غمرانه من طولها......العروس مسيكينة دخلت في ضفورها.....و الراجل يشيل ويصحي في المرا الغمرت دي.... شي بصل...وشي نشادر....وشي كلونيا..... المرا يا الله فتحت عويناتها.....والراجل داير يموت من الضحك..... يا وليه. استهدي بالله وقولي بسم الله. قومي غسلي وشيكي دا بموية.. ومسحي كريعاتك ديل بدهينة.. البنت دي عروس صاحبنا عثمان..... وهو حسي جايي يسوقها... كلمني وانا في السودان... قال لي جيبها معاك.....المرا عاينت لو ماها مصدقة.... عثمان جا وساق عروسو .. الولية.... تاني غمرت....المرة دي من الفرح........ دا حين ان مرتك قالت لك عرس....اوعك تصدقها... كضابات.... يقولن كدي وهن في الطراوة.... يمين كان ساكت شافتك بتنضم مع واحدة تانية...........النار تولع فيها.....وتمد قدومها وتتماسخ عليك.... الغريبة في واحدات عاملات فيها متدينات يقولن لك الراجل محللاتلو اربعة.....لكن مو راجلي
|
|
|
|
|
|
|
العنوان |
الكاتب |
Date |
الــــزوجــة التــانيـة | سجيمان | 04-26-03, 04:53 AM |
Re: الــــزوجــة التــانيـة | ود العجمى | 04-26-03, 08:39 AM |
Re: الــــزوجــة التــانيـة | سجيمان | 04-26-03, 10:10 AM |
Re: الــــزوجــة التــانيـة | cola | 04-26-03, 10:47 AM |
Re: الــــزوجــة التــانيـة | سجيمان | 04-26-03, 01:07 PM |
Re: الــــزوجــة التــانيـة | bit barber | 04-26-03, 09:44 PM |
Re: الــــزوجــة التــانيـة | سجيمان | 04-27-03, 05:52 AM |
Re: الــــزوجــة التــانيـة | Noon3 | 04-27-03, 07:53 AM |
Re: الــــزوجــة التــانيـة | garjah | 04-27-03, 08:55 AM |
Re: الــــزوجــة التــانيـة | bit barber | 04-27-03, 09:29 PM |
|
|
|