|
Re: أكاد أستفرغ أحشائى !!! (Re: Abu Eltayeb)
|
عزيزى وأخى الغالى , زكريا سعيد : هذا المستوى من الطرح , من سجيمان !! وغير
سجيمان , تقهقر مزرى , ورِده كبيره عن قيم مدنيه عُليا ... وعرض واهى وغير مؤسس
لقضايا,العالم فرغ منها , وتفرغ لهموم وقضايا أكبر ... ولأفكار وعلوم , ومجالات
أعمق وأوسع , وهو يستقبل عنان السماء , وينطلق إلى ما فوق الآفاق !!! وجماعتنا
ديل لسه ما زالوا يرزحون تحت هذا النطاق الضيق !! " نحن من وين؟! وإنتو من وين؟
وإنتو منو ونحن منو !!! وجدودنا وجدودكم !!! يعنى هسى دلوقت العالم المتمدن ده
كلو يخلى أشغالو !!! ويقعدو الناس يفندو فى أنسابم وأعراقم , وماهية أجدادم؟!!
وعملو شنو وسوو شنو ؟!! وبعدين شنو هى دى الآيدولوجيه العبقريه المزهله الكان
عليها الزبير باشا ؟!! البتستاهل الكلام ده كلو !!!
عزيزى سعيد , مستوى الطرح مش غير موفق وبس !!! غير معقول أصلاً من سجيمان ومن
غير سجيمان , وكل المتحاورين فى هذا الإتجاه , الذين يلقون بالكلام عل عواهنه !!!
جلابه !! ونيام نيام !! وسحاحير !! وبعاعيت !! ... كلام , سخيف , مزرى , ساقط وفى
الوحل !!! ولا يجب أن يصدر أبداً مِن من يفترض فيهم الثقافه والعلم والمعرفه !!!
أفتكر أنو حبوباتنا الزمان القُدام ,حتى الما متعلمات, يترفعن عن مثل هذا الكلام!
أخى زكريا, أتمنى أن يتغمدنا الله بواسع رحمته, ويردنا إلى محجتِنا البيضاء !!!
مامون
|
|
|
|
|
|