|
Re: التلفزيون و الدراما المرض .... (Re: محمد ابراهيم قرض)
|
العزيز/ محمد ابراهيم قرض
رمضان كريم يا زول
يا قرض يا اخوي نرجو منك عدم قرض هؤلاء القوم بنقرة كيبورد ... الناس ديل عملوا ما يستطيعون عمله ... يعني تلك هي قدراتهم ... يعملوا ليكم شنو ؟ الناس ديل مارين بظروف قاهرة لا يعلم بها الا الله ... فليس هنالك اي مبرر لتوجيه اللكمات لهم .
و بعدين حتي لا يكون كلامك معمما قول لينا انت رأيك في موضوع من المواضيع التي تناولها ناس الدراما و لكنهم اخطأوا في كذا و كذا ... بينما كان يجب عليهم ان يفعلوا كذا و كذا ... مش تردمهم بالجملة و تمشي ... الكلام ده اعوج كتير و الله.
مافي دراما في الدنيا بتقوم بروس ... و ما في دراما من غير امكانيات مادية و غير مادية ... و ما في دراما بتقوم علي مسألة علوق الشدة ... يعني ناس ادارة التلفزيون يجمعوا كل اهل الدراما في رمضان و يوفروا ليهم حق الملاح و المواصلات و يفطروهم في التلفزيون!! ... عشان ينتجوا دراما للناس ... في مشروع سموه ناس التلفزيون بالمشروع التجريبي!! ... يا ناس خافوا الله في ناس الدراما ديل.
يا قرض ما تمشي تشوف مسلسل اولاد الشوارع و تجي تقارنوا ببدرية الاستثمارية ... فلكل عمل ظروفه و كل ناس بينتجوا حسب قدرتهم... طبعا هنالك قدرات سودانية كتيرة جدا اكلها الزمن و اكلها اناس اخرون.
نحن اناس يفتخر البعض منا باننا اصبحنا نصنع سلاح قوي جدا يمكن استخدامه لمنازلة بعضنا البعض ... هذه هي الدراما التي نبدع فيها... دراما الموت... فالاولوية الان لدراما الموت ... لذلك يجب علينا الا نظلم هؤلاء الدراميين/ات... كتر خيرهم كتير ... و الله ما قصروا و صنعوا من الفسيخ شربات... يسوا ليكم شنو... يقعوا في رقابهم يكسروها كش... ما هو نبيل متوكل ما قصر في صورة و بس و جمال حسن سعيد في شبابيك ... و ده هو حال الشارع... كل زول عمل قدرتو و زيادة .
سلام يا محمد.
|
|
|
|
|
|