|
لي شنو المظاهرات بتكون ايام الاربعاء..؟؟
|
بالله اخواننا المعارضين الله يديهم العافية قدر ما تهف ليهم وما يكون عندهم شغلة يقوموا يقولوا ليك إيه رأيكم عايزين نعما مظاهرات !! بيزكروني ايام الثانوي لمن كنا بنقرا في المعاهد مع الجكس بالله بس نخلص ليك درس المتواليات العددية وتووووووووشك نمشي للجكس نقول ليهم إيه رايكم عايزين نعمل رحلة بمناسبة انتهاء درس المتواليات .. إمكن الفرق بينا وبين المعارضة إنو نحن بنعمل الرحلة يوم الجمعة لكن سبحان الله بنتفق في المواعيد وهي غالباً بعد الساعة 8 صباحاً .. نحن بنختار يوم الجمعة لأنو إجازة ولأنو بيكون فيهو رحل كتيييرة مما يتيح لك إحتماليات تجكيس اكبر عدد ممكن فربما تصادف بنات بحري او بنات الخرطوم واضعف الايمان جكس الحلة .. طيب السر شنو إنو المعارضة كل ما تجي تطلع مظاهرات تقوم تقول يا جماعة يوم الاربعاء موعدنا !!!!!!! فكرت وقدرت ثم فكرت فقدرت فوجدت إنو المعارضة عندها حق في إختيار يوم الأربعاء أو زي ما بيقول صديقي مصعب عثمان: إتوفقوا في يوم الاربعاء ده .. لأنو فعلاً يوم الاربعاء ده في السودان بعدو الخميس والخميس بعدو الجمعة ومعظم المعارضين بيكونوا ساكنين في الخرطوم و300 كيلو مما يعني إنهم بيحتاجوا لي زوغة بعد الشغل عشان ياسفروا .. فعشان كده بيكون من المناسب إنو يطلعوا من يوم الاربعاء عشان يجروا معاها الخميس والجمعة ويجوا راجعين يوم السبت الصباح .. وبالمناسبة ده السبب البيخلي كل مظاهرات المعارضين تحظى بحضور ضعيييييييف جداً وعليه اقترح إنو يعملوا مظاهراتهم في السوق الشعبي الخرطوم عشان السوق العبي بيكون اكثر زحمة بالمعارضين ..
تخريمة : مظاهرات الاربعاء الفائت كان عدد المتظاهرين فيها 50 متظاهر ومتظاهرة معظمهم قاشرييييين ونضيفييييييين ..
|
|
|
|
|
|
|
العنوان |
الكاتب |
Date |
لي شنو المظاهرات بتكون ايام الاربعاء..؟؟ | عمر الفاروق | 09-09-06, 03:52 AM |
Re: لي شنو المظاهرات بتكون ايام الاربعاء..؟؟ | Bakhaf | 09-09-06, 05:08 AM |
Re: لي شنو المظاهرات بتكون ايام الاربعاء..؟؟ | عمر الفاروق | 09-09-06, 05:26 AM |
Re: لي شنو المظاهرات بتكون ايام الاربعاء..؟؟ | Bakhaf | 09-09-06, 05:30 AM |
Re: لي شنو المظاهرات بتكون ايام الاربعاء..؟؟ | محمد عادل | 09-09-06, 05:43 AM |
Re: لي شنو المظاهرات بتكون ايام الاربعاء..؟؟ | Bakhaf | 09-09-06, 05:48 AM |
Re: لي شنو المظاهرات بتكون ايام الاربعاء..؟؟ | نوسة | 09-09-06, 10:02 AM |
Re: لي شنو المظاهرات بتكون ايام الاربعاء..؟؟ | عمر الفاروق | 09-09-06, 11:02 AM |
Re: لي شنو المظاهرات بتكون ايام الاربعاء..؟؟ | ناذر محمد الخليفة | 09-09-06, 12:26 PM |
Re: لي شنو المظاهرات بتكون ايام الاربعاء..؟؟ | ناذر محمد الخليفة | 09-09-06, 12:30 PM |
Re: لي شنو المظاهرات بتكون ايام الاربعاء..؟؟ | عمر الفاروق | 09-10-06, 02:34 AM |
Re: لي شنو المظاهرات بتكون ايام الاربعاء..؟؟ | Bakhaf | 09-13-06, 03:11 AM |
Re: لي شنو المظاهرات بتكون ايام الاربعاء..؟؟ | عمر الفاروق | 09-13-06, 03:38 AM |
Re: لي شنو المظاهرات بتكون ايام الاربعاء..؟؟ | Bakhaf | 09-13-06, 04:04 AM |
|
|
|