إنتظام دارفوري..تفاهم دارفوري كردفاني.. و الكرة داخل ملعب حكومة السجم!

Quote: تراجي مصطفي سؤال.. متين ووين أنا كنت ناطق .. أو ضمن مجموعة ناطقة .. بأسم كردفان؟ و بكل اسف ما تحاولين فعله هنا هنا ضرب من أفعال الطابور الخامس.. الذي يسعى لبذر الفتنة بين الناس.. ومحاولاتك البائسة للشقاق بين اهل كردفان فيما بينهم.. اسوة بدق الصفايح الذي كنت تمارسينه في قضية دارفور لحد ما سقطتي حجر ابوها بجعيرك الفارغ..فقط تأكدي .. هذا لن يمر في حاجات كردفان.. لأن ما يقوله الشحتو في سقط لقط.. نفس البيقولو أي مزارع أو راعي في ربوع كردفان..و نفس البيقول فيهو الصادق عيسى حمدين.. يا هو الفاهمو البحيرواي في الخليج..و غيره في امريكا الشمالية و اوربا و استراليا..و الحكامة الشباية في الفرشاية (لو بتعرفي الفرشاية)..دي واحدة التانية.. الناس الذكرتيهم ديل ناس وجعة حقيقية ( يعني ما بدأوا يعرفوا حقوقهم مع ظهور الكي بورد.. بل كانوا في قلب المعارك قبل ظهور النت في السودان و العالم) .. يعني مافي واحد فيهم شاف كردفان و هو صغير او في اجازة من اجازات النزهة و الصيف و غيره من ملاهي الدنيا الكتيرة.. ديل ناس حق اصيل مش ناس حق بالوكالة أو من منازلهم.. و لو كنت حريصة على قضايا الهامش .. كما تدعين جعيرا و نفيخا فارغا.. كنت قلتي قولا حسنا.. او انطميتي .. لحد ما الريح ترسى على بر و بعد داك تشوفي ليك درب مأكلة أو نافذة ظهور.. المحزن .. يا تراجي .. حتى خطاب الشباب هنا انساق لأكاذيب المركز و مروجيها من امثالك(بالمناسبة انتي و امثالك نسخة جديدة لإعادة انتاج المركز و بكل تدليسه)..و بكل براءة بدأوا يتحدثوا عن كردفان و دارفور .. ككيانات مختلفة و متنافرة..و أنا عشت في كردفان و دارفور.. و يوم واحد ما سمعت بحاجة اسمها اختلاف بين دارفور و كردفان.. الآ في هذا الزمن الأشوه.. زمن الزواحف السامة التي تدب بين الناس بالفتنة و الفرقة .. اسوة بما تفعله حكومة الجبهة الإسلامية..وربابئبها من التنظيمات الأخرى.. صدقيني غرب السودان.. كيان واحد .. من قبل ما تجي انتي للحياة ..و تبدى نضالك البلا فهم..و نضال اهلنا حاضر.. منذ صخرة دكتور ادهم السوداء..مرورا بحركة الأب فليب عباس في 27مايو 1969..و التي كان مفترض حدوثها و لكن انقلاب جعفر نميرى سبقها..و ارتال الشهداء.. محمد شايب فضل الله.. عباس برشم.. حماد الإحيمر ..عبد الرحمن شامبي..كنونة حماد.. حسن حسين عثمان.. محمد نور سعد..و غيرهم و غيرهم من النجوم التي اقعد غبش الرؤية تذكرهم..و ذلك فعل من افعال المحو ..و انت جزء من اداوته يا صديقة.. يبقى .. لن اقول لك اعتذري.. او اصفك بالكذب.. لكن فقط كوني متناسقة و منضبطة مرة واحدة في اقوالك .. و انتي عاملة فيها مناضلة..و وريني وين و متين أنا كنت ناطق بأسم كردفان في المنبر ده؟ و عدم اجابتك بيعني تفسير واحد لا غير .. انك جاية هنا عشان تبدي فتنة جديدة بين شرفاء كردفان.. Quote: وهذا الجزء اهداء للناطقين باسم كردفان بالمنبر معتز تروتسكي كبر بريمه تبلدينا عبدالرحمن عزاز: عاش السودان موحدا بكل ثقافاته و الوان طيفه.. ولا نامت اعين المتسلقين و المتسلقات..و طحالب الزمن العنة.. كبر