الى سيف الدين على (( أحد مقدمي برنامج عالم الرياضة بالتلفزيون ))

Quote: قبل فترة ليست بالقصيرة و عند تكوين الهيئة القومية للاذاعة و التلفزيون طل علينا السيد أمين حسن عمر فى مؤتمر صحفى (مؤتمر الكشة) و قال اى واحد ما عندو شهادة تانوية ما عايزيين نشوفو فى الحيشان دى ... و بعد ظهور القائمة كانت مليئة بالأسماء الفاقعة مرارتنا بدءا بعبدالرحمن عبدالرسول و الرشيد بدوى عبيد و سيف الدين على و كل الحرس القديم بتاع عالم الرياضة...و كان ما أخاف الكضب كمال حامد زاااتو معاهم و فجأة ظهرت الأجوادية و طل علينا أمين حسن عمر مرة أخرى و قال كلمة عمرى ما بنساها .. (رغم انى بكره الزول ده عمى)..المهم قال فى السودان الزول بتعين فى الوظيفة عشان هو محتاج ليها مش عشان الوظيفة محتاجاهو !!!!! و عادو ليفقعو مراراتنا من جديد... أما سيف الدين على فحكايتو حكاية..و خاصة ضيفو المحفوظ المدرب القومى كما يحلو لسيف أن يسميه( نقد)... و يقال ان كمال حامد يصر على أن يقدم سبف البرنامج فى غيبتة حتى يقول الناس أخير الجن البنعرفو... و حتى ادارة التلفزيون تعرف انو سيف تعبان بدليل لما يكون فى ضيف مهم(زى حلقة كمال شداد و الوزير) جابو واحد أقل فقعا للمرارة(رضا مصطفى الشيخ) أما سيف على فالتلفزيون متمسك به لأنه محتاج للوظيفة (على رأى أمين حسن عمر) و بعدين الزول ده لو فنشو يشتغل شنو ؟؟؟ و الله الا بوليس حركة لأنو فاقع مرارتنا بحركة اليديين...