|
|
 Re: أوع تودى عربيتك لميكانيكى سودانى خصوصا اذا كان معرفة (Re: يازولyazoalيازول)
|
الأعزاء الكرام
سلام
استميحكم عزرا بالتداخل معكم فى هذا الموضوع.. لانو اولا راس السوط هبشنى, وتانيا اغلبكم جايين تتفاصحوا هنا فى اعتقادكم انكم بلا رقيب وممكن تتقولوا على فئه بدون ماترد على ترهاتكم العجيبه دى ...وطبعا لازم تستحملونى انا متهم ..كان عندى ورشه (كهرباء عربات..وكهرباء عامه) فى المنطقه الصناعيه الجديده امدرمان(زقلونا) فى الفتره من1992الى 1995وعشان مافى زول يغالطنى بالتحديد كانت جوار ورشة المكنيكى المشهور (تنقو)وبتاع الإسبيرات الخرده المشهور برضو (صلاح جلد) ولمزيد من التأكد يوجد شهود هنا....الشاهد.. انتو أول حاجه العرفكم شنو بالعربات الجاى من حفير مشو واللفظتو المدينه لاطرافها مشى السعوديه جاب ليه جنيهين تلاته واشترا ليه عربيه(سيارتى) وداير يقدل بيها, وماعارف هى ذاتها شنو! وبتشتغل كيف كان لمبة (المقنيته) ولعت تلقاه يعمل نايم, والله عداد الزيت فى الزيرو مايجيب خبر لغاية ما المكنه تلحق (الزينين) ويجى للمكنيكى دايرها تكون حاجه بسيطه ودايرو..فى نفس الوقت يصلحها ليه سريع, وكان قال ليه العطل كبير يزعل ويعتبروا داير يغشه.. واهم حاجه مابكون عندو قروش كافيه للتصليح وحكاية التبسيط دى عندها علاقه بعقلنا الجماعى (المهبب) -الى حين إشعار أخر- تبسيط مخل فى اى حاجه سعادتو راكب العربيه لايصينها ولايهتم بيها لو باظت يعتبر الموضوع بسيط يمشى لى صاحبو عشان يصلحهاليه ويركب تانى( يتفوجج) والله الواحد لو مازعلان يحكى ليكم حكاوى يشيب لها الولدان عن (إستنكاح)اصحاب العربات وحقارتهم للعمل اليدوى إستهبالهم فى أكل عرق المكنيكيه والكهربجيه ودايرين اى حاجه ملح بدون فهم او تقدير لقيمة العمل الفنى وتعقيداته..انت كان ما مستهبل تمشى لى صاحبك ليه ؟ ماتشوف السوق وتجمع معلومات كافيه؟ وتكون فكره بسيطه عن الأسعار والاسبيرات قبل ماتقرر تصلحها بعدين هى ماكارو حصان وعجلات وسوط العربيه حاجه مكلفه كان فى السودان والله فى اى حته تانيه ...أذكر فى زمن الصادق المهدى الأخير أحضرت محافطة الخرطوم- والله ناس المرور ما عارف- بيت خبره يابانى لتقييم اوضاع المرور الخانقه وقتها اهم حاجه قالوها الناس ديل ان أكثرمن 50% من أصحاب العربات لايمتلكون القدره الماديه !!الضروريه لتسيرها.. والقصه ما جالونين بنزين (وعر)..وكمان قالوا ان جميع شوراع العاصمه لاتصلح لمرور ذلك العدد الكبير من العربات الصغيره وأوصوا بارجاع (الترماج) الى الخدمه, وزيادة البصات الكبيره فى النقل العام, وحتى التاكسى قالوا من الأفضل إدخاله فى نظام استثمار للشركات الكبيره تستجلب عربات جديده بمواصفات ممتازه يعمل بها السائقون كملاك مع هذه الشركات بدل (الكركعوبات )الماشه فى الطريق دى فى ذلك الوقت واظنها حتى الأن ..ومع ذلك هاك يانبذ فى المكنيكيه ههههههههههه.. ووصيه طريفه قالوها نقولها ليكم ان شاء الله ماتنفعكم1- ماتشترى عربيه مستعمله مطلقا الا اذا كنت قادرفعلا على إصلاح الاعطال البسيطه فيها بنفسك2-لازم تشترى معاها معدات أساسيه للصيانه,3- إنتبه وبشده للعلامات الموجوده فى الطبلون أمامك وتابع الصيانه, غيار الزيوت والمصافى فى مواعيدها(تقول لى مين والله مين ياعمر) ..... المهم ياساده فى العاصمه السودانيه هناك ثلاثه مناطق صناعيه الخرطوم وهى الاقدم وبحرى وامدرمان...وهذه لو تعلمون مناطق صناعيه للابداع والفن تجسدعظمة الحرفى السودانى وابداعه المشهود له حتى على مستوى العالم ..ولو ماقنعان من خيرا فيكم كنت اجتهد واجيب ليكم مايثبت ذلك ....المهم لكل قاعده شواذ كما يقولون قد تكون بعض الروايات هنا صحيحه مع الشك فيها...طبعا
مع تحياتى
وكتر خيرك وبارك الله فيك ياود شيخ الدين
|
|
 
|
|
|
|
|
| العنوان |
الكاتب |
Date |
 أوع تودى عربيتك لميكانيكى سودانى خصوصا اذا كان معرفة | يازولyazoalيازول | 12-05-05, 05:59 AM |
 Re: أوع تودى عربيتك لميكانيكى سودانى خصوصا اذا كان معرفة | Eng. Mohammed al sayed | 12-05-05, 06:48 AM |
| Re: أوع تودى عربيتك لميكانيكى سودانى خصوصا اذا كان معرفة | wadalzain | 12-05-05, 08:47 AM |
| Re: أوع تودى عربيتك لميكانيكى سودانى خصوصا اذا كان معرفة | نجود حسن عبد الرحمن | 12-05-05, 08:53 AM |
| Re: أوع تودى عربيتك لميكانيكى سودانى خصوصا اذا كان معرفة | saif massad ali | 12-05-05, 09:17 AM |
| Re: أوع تودى عربيتك لميكانيكى سودانى خصوصا اذا كان معرفة | garjah | 12-05-05, 09:41 AM |
| Re: أوع تودى عربيتك لميكانيكى سودانى خصوصا اذا كان معرفة | Marouf Sanad | 12-05-05, 10:39 AM |
| Re: أوع تودى عربيتك لميكانيكى سودانى خصوصا اذا كان معرفة | Tumadir | 12-09-05, 10:46 PM |
| Re: أوع تودى عربيتك لميكانيكى سودانى خصوصا اذا كان معرفة | عمر الفاروق | 12-05-05, 12:02 PM |
| Re: أوع تودى عربيتك لميكانيكى سودانى خصوصا اذا كان معرفة | عصام دهب | 12-05-05, 12:38 PM |
| Re: أوع تودى عربيتك لميكانيكى سودانى خصوصا اذا كان معرفة | Eng. Mohammed al sayed | 12-05-05, 02:01 PM |
| Re: أوع تودى عربيتك لميكانيكى سودانى خصوصا اذا كان معرفة | على عجب | 12-08-05, 02:46 AM |
| Re: أوع تودى عربيتك لميكانيكى سودانى خصوصا اذا كان معرفة | صلاح الدين عبدالله محمد | 12-09-05, 11:04 PM |
| Re: أوع تودى عربيتك لميكانيكى سودانى خصوصا اذا كان معرفة | عمر ادريس محمد | 12-10-05, 05:43 PM |
|
| |
عمر ادريس محمد
فيس بوك
تويتر
انستقرام
يوتيوب
بنتيريست