|
|
 كان نضمت معاهم بالدارجى
|
أكان قلت ليهم ، يا جماعة صلوا على النبى ، يخوانا ناس بكرى بغروكم السلام وبسعل عنكم ضُمة بالواحد ، وبقول لكم المرحوم الخاتم ود عدلان ، فات يا ناس راح فى حق الله ، اترحموا عليه واذكرو فى دعاكم ، وخلى شيتن كتير فى الأرشيف ، أها الجماعة فكرو قالوا الشىء الكتير ده ما أخير يلمو ، يسوو فى كتاب ، ويطبعو ويحددو لى سعر ، يعنى المعنى عشرين دولار ، وجماعتنا جت يشترو ان شا الله بالغصب ، الزول مو اخوكم؟ ويلمو القريشات ديل كلها ويدوها لى اولادو عملن فيشان الله شان يساعدهم من غدر الزمان ويطمنهم ويوريهم الدنيا بخير واخوان الخاتم قاعدين ما راحو لسع وواقفين مع اخوهم المرحوم يجعل الجنه مثوا ووحات الله المرحوم ما محتاجلكم بس امر الواجب بقول كده
دحين يا جنيات سوو لكم كشف كلكم سجلو اساميكم والعندو اصحاب بعرفو لى نضم الخاتم وبفهمو جيبوهم خلوهم يشترو حت كان بالغصب ، انتو مو اخوان؟؟؟؟ ووحات الله ورسول الله تلقوه جت فى ميزان حسناتكم شيتن لامن تقيل ، واتذكرو الموت البقى يلفح لفح ، واحد فيكم ضامن يومو؟؟؟ ساونّها لى كلها سجار وصعود
الله قال فى محكم التنزيل يضاعف لى من يشا ، يعنى المعنى انكربوا والباخد واحد ياخد عشرة ، كتير؟؟؟ المعصور اليجيب الوحيد ده إعطا القليل أخير من مافى كلو كلو دى شينة تب
انتو آناس ود الفاضل ده ما قال جاى ، خبارو الزول؟؟؟؟
نسيت اقولاّ كُم ، ود الفاضل البقولولو بشرى ، الجنا الدكتور ده ، كلفوه كمان الجماعة ووراه شيتن كتير ، امانا الجنا مو محبوب ، خلق الله لامين فى زى الجراد ، يناضم ديل يسالم ديل يقدم ديل ، والعجب الموبايض ساعا واااااااااااحدة ما بهجُد ، اها الجماعة اللييييييل امريكا قالو يدرعوها فوقو تب ، الجنا مو فصيح النضمى ده سيدو وحبانو كتار ، اها قال جايينا فى بكانّا ده ، علا كان ضِهب من فجتكم دى يمكن يجى بعد شويه لسا بدرى ظنيت معا الرفاعى
انت يا الزين العصيده دى سوتا حبوبتك؟؟؟؟
أمانا حبوبتك ما نجيضه
يا زول هوى امسك الجنا ده ما يجرى على الشارع الناس دى طايره طير
إدريس ، قالوا لى عيالك جو؟ عشان كده سويت لك كضيمات
صدّيق ، قوم آزول ، شيل الورقة دى لفّبا على خيانك ديل والغائب يكلم الحاضر ، وضرورى من تكتبو لى تلفوناتكم والعندو موبايض برضو اليكتبو وما تتاخرو من اول الشهر ، بشوف الجماعة ديل مستعجلين بالحيل وخير البر عاجلو
هيا يخوانا سمو ، العشا
دايرين دى ، ولاّ أستغفر الله لى ولكم؟؟؟؟؟
|
|
 
|
|
|
|
|
| العنوان |
الكاتب |
Date |
| كان نضمت معاهم بالدارجى | يازولyazoalيازول | 06-01-05, 01:00 AM |
 Re: كان نضمت معاهم بالدارجى | Sidig Rahama Elnour | 06-01-05, 01:23 AM |
 Re: كان نضمت معاهم بالدارجى | يازولyazoalيازول | 06-01-05, 01:45 AM |
| Re: كان نضمت معاهم بالدارجى | يازولyazoalيازول | 06-01-05, 04:09 AM |
| Re: كان نضمت معاهم بالدارجى | almohndis | 06-01-05, 05:07 AM |
| Re: كان نضمت معاهم بالدارجى | humida | 06-02-05, 09:13 AM |
| Re: كان نضمت معاهم بالدارجى | humida | 06-03-05, 05:37 AM |
| Re: كان نضمت معاهم بالدارجى | humida | 06-03-05, 05:37 AM |
| Re: كان نضمت معاهم بالدارجى | Tumadir | 06-03-05, 05:49 AM |
| Re: كان نضمت معاهم بالدارجى | Bushra Elfadil | 06-03-05, 07:30 AM |
| Re: كان نضمت معاهم بالدارجى | humida | 06-03-05, 09:50 AM |
| Re: كان نضمت معاهم بالدارجى | KOSTA | 06-03-05, 02:39 PM |
| Re: كان نضمت معاهم بالدارجى | Bushra Elfadil | 06-03-05, 10:07 PM |
|
| |
يازولyazoalيازول
فيس بوك
تويتر
انستقرام
يوتيوب
بنتيريست