هاجر سيد احمد .....(حمدا لله على السلامة)..

Quote: حقو تعرفى إنك إنتى خمرة الحلم المعتق فى خوابى الإنتظار وإنك الوردة الرقيقة التنفث العطر المضمخ بى طيوب الإنبهار وإنك الشمس العفية التطرد الظلمات جدارة وتجلب النور والنهار وإنك افراح المدينة وإنك الموج والسفينة وإنك المدوالمنار وإنك الابنوس صلابة والنخيل العالى قامة وإنك الند والبهار وإنك النجم البلالى ويرقب الكون من علالى يطرز اطراف المدار ويهدى ليك منديل منور لو غلب شوقك دموعك وهد من صبرك جدار صونى فى قلبك أملنا أصلو بعد الحزن فرحة والبعد لحظات قصار ياما نرسم بكرة جنة لوحة مليون ميل مربع وابتساماتك إطار حبيبتى الصغيرة هاجر لا تخافى تعلمين قلوبنا حولك ترعاك وتعلن أن سنهزمها المنافى وسنرميها وراء الظهر أيام الضلالات العجاف هى أثمان سندفعها طواعية ونمضى فى دروب الحلم نرصفه جمالا وقوافى لا تخافى لك فى احداقنا ما تشتهين من الضفاف هشام سيد أحمد العزيز الزميل كتة لك يا حبيبنا كل ما فى القلب من الدفء هده مشاركة فى البوست الحميم المعنون لهجورة البت الحديقة القصيدة الاولى قديمة مند أيام روسيا لو تدكر ولكنى أعتقد أنها مناسبة فى هده المناسبة .نطالب بأن تكونوا بخير دائما وقبلاتى لملوزى الحلوة وتقبلوا اشواق رشاد وحبها الاكيد