|
Re: إعلان عن وظيفة رئيس جمهورية شاغـرة (Re: shiry)
|
عزيزتي الرائعة السيدة رئيسة الجمهورية المعظمة المبجلة العادلة الورعة التقية الجميلة الحازمة المؤمنة شيري حفظها الله و أطال في عمرها و عمر ذريتها كي يحكمونا من بعدها كما يحدث دوما
أول البكاء: الي : شيري الخربت وحدة كراسي الحافلة
Quote: وذات فجأة انجرفت الحافلة وتراقصت ثم رجتنا بعنف لمسافة ، ثم استقرت في جريتها بعد ان حدفت بالولد الكمساري فوق منتصف الظلط . وهو متهاوي الى الارض بعنف ، كان لا يزال في قبالتي ، كانت عيناه تنظران لي ، قرأت فيهما اسفه .. خوفه . اعتذاره .. أمنياته التي لم يجد وقتا ليرتبها.. وعوده لامه بان يحافظ على نفسه . وعوده لاخته بان ياتيها بسندوتيش البيرقر ..ملامته لسائق الحافلة كيف امكنه ان يتخلى عنه وهو الحريص على سلامة حافلته ..وعوده لفرده بان يلتقيهم في سينما القاعة في فلم تسعة ... رأيت حزمات من احلامه المستحيلة تتساقط على الظلط وتتكسر حتى تنطفئ في سواده . وتتلاشي .. واستقر هو تحت سيارة اخرى جاءت من الخلف كانت تحاول تفاديه
|
في نفس اللحظة اللي وصلت فيها الي الحتة دي ... كان حمزة سليمان عندي بيغني في الجزء اللي بيكتلني من الأغنية .. لمن يا طبل والخرطوم غائبه وامدرمان والنيلان يختلفان والاطفال فى الخيران الحرب الدمار الجوع .. بكيت زي الطفل .. يمكن ناس كتار بيعتبروني لسه طفل .. لكن أنا مصر أقول بكيت زي الطفل .. لأني بكيت زي الطفل عارفة يا شيري .. أول ما رجعت السودان قبل شهور مضت .. كانت معجزة مني اني أركب مواصلات في أول ساعة أصل فيها الي أرض الوطن .. الجميع طبعا بيعتبرني ولد مغترب حاؤجر عربية أو حأركب تاكسي أو ركشة .. لكن لما ركبت الحافلة و قلت السلام عليكم .. و ردت علي الحافلة بالكامل و عليكم السلام و رحمة الله .. حسيت بي نفسي ما ضيعت أي سنة من عمري .. كانت بمثابة : اهلا بيك في السودان يا مودك .. لكن الكمساري ضيع الاحساس ده مني لما جاء بشر لي بي يدو جنب وشي ... قطع حبل ذكرياتي .. و انصدمت لما لقيت انو المواصلات بقت بي 500 جنيه .. 500 جنيه دي أجبرت مصطفي سيد أحمد انو يلحن بي نفسو .. لكن لما نزلت في حلتنا بعداك واجهتني كتلة من الظلام .. حسيت بي اني في بلد الظلام .. و الشموع البعيدة اتعبت عيوني من النظر اليها .. لما دخلت المنزل حسيت بي نفسي ما مودك .. حسيت بالبيت بكي و أنا قلبي جافي عليهو ما بكيت لي حالتو .. عارفة زي الكمساري ده .. أنا لو بقيت رئيس في يوم ما .. حأعمل ليهم جميعا نصب تذكارية .. نصب لكادحين مجهولين .. الله يرحم البلد
Quote: نستخرج المخدر من بين خبايا شعر رأسنا . اصلا من يجرؤ على تفتيش بنتين مهترشتين مجنترتين ، ومن هو ذا الذي يملك الذكاء حتى يتوقع اننا نخبئ في رأسينــا سلاح تغيير نظام الحكم .. الحكم والسلطه .. يالهذا السحر . والحظ |
عارفة كل ما أجي مسافر من مطار الخرطوم . بخاف ينادو اسمي .. محمد قسم الباري المرجو مراجعة مكتب الأمن .. لكن في شيئ غريب بيحصل معاي في جميع المطارات بلا استثناء ... أنا بيقربوا يشرحوني .. أول ما أجي ماري في الآلة ديك .. بيييييييييييب .. و انذارات حمراء كأني شايل قنبلة .. يجيني ليك العسكري العجوز .. أقلع حزامك .. أقلعو .. أقلع جزمتك .. أقلعها .. أقلع ساعتك ... أقلعها .. خت اي شيئ حديدي هنا .. بخت ليهو أي شيئ حديدي .. و برضو الانذار كما هو .. بيفتشوني بالآلة ديك بتاعة الحديد .. بتقعد تسكسك من رأسي لحدي رجلي تحت .. لما أنا ذاتي بقيت بخاف لكن حظي كان كويس المرة الفاتت و أنا طالع من السودان .. فتشتني عسكرية .. رغم انها شينة و مكشرة .. لكن برضو أرحم بالنسبة لي انو تفتشني بت .. فلا تأملي في انهم ما يكتشفوا الغاز في شعرك .. لأنو الناس ديل قادرين حتي علي اكتشاف معدنك .. و المثال بتاعي ده كافي
Quote: رئيسة رسمية لشعب السودان البطل
|
أيها الشعب السوداني البطل .. و خطبه ركيكة .. بعدها تقعدي تسمعي التهليل و التكبير .. السودانيين ديل حيتعلموا بتين انهم بيتغشوا ؟
Quote: عزل الرئيس البشير وتجريده من كل الصلاحيات والسلطات الممنوحة الممنوحة له وتكوين محاكم عاجلة وعادلة بنهاية هذا اليوم . وينفذ بعده قراري
|
ألا يذكرك هذا بمحاكمات سابقة حدثت في السودان .. كانت مجرد غطاء شرعي لتنفيذ أوامر من فوق ؟ .. لكن صدقيني الناس ديل محتاجين محاكمات زي دي .. يكون الأمر فيها للشعب
Quote: على ان لا يتعدى عمر اعضائه الثالثة والعشرين |
يعني أنا بنفع ؟ .. أنا اقل من العمر ده بي 6 سنوات .. تفتكري خلال الستة سنوات الجاية دي ممكن يحصل نوع من التغيير ؟
Quote: وعلى كثرتهم وانتشارهم في الدهاليز والاقاليم والامصار والثغور والقصور ومنابر المساجد ومنابر الجامعات والثرايا والمرايا ويخيرون بين الموت والاعتراف بنفاقهم وكذبهم وتدليسهم ونصبهم وسراقهم ولصوصيتهم وغتاتهم وحين يعترفوا في محاكمة تذاع على الهواء مباشرة وعلى فضائيات العالم يحكم عليهم مئتين جلدة ثم يعدموا شنقا ويصلبوا .. |
كلهم حيعترفوا يا شيري .. لأنو الزول لما ما يكون عندو مبدأ .. ما بيلقي مبدأ عشان يثبت عليهو
أريتك كان أختي .. كان هترشت معاكي .. لقيت لي زولة تعمل لي شاي أريح أمي شوية من عمل الشاي .. و فوق ده كان حألقي نفوذ .. مش أخو الرئيسة المبجلة المعظمة العادلة الورعة التقية الجميلة الحازمة المؤمنة ؟ أحكي ليك دي .. لو بريتك شديد قولي ووب علي حأوقف طوالي .. زمان لما كنت صغير شديد كنت مهووس بالكوي .. اكتشفت متعة كوي الملابس .. قلت ليهم أنا عاوز لي أخت .. قاموا اتكيفوا مني شديد .. اتخيلوني عشان ألعب معاها أو عشان تمشي معاي الروضة .. لكن عرفوا سبب اني داير أخت لما سألوني : و حتسميها منو يا مودك ؟ - كوايـــــــــــة - ليه ؟ - عشان تكوي لي هدومي و أدقها لو كاوتني طبعا حوشنا كلو ضحك .. ده لما كان عندنا حوش أصلا .. قبل ما تشردنا الحكومة دي في دول العالم الزمن داك أنا كنت عنصري اتجاه البنات مش ؟ لكن ما تخافي هسعدي بتمني أعيش في مدرسة بنات من شدة ما بقيت ما عنصري معاهم أنا بـــــــــــــــــراي و عيان الليلة أبريني انتي شوية .. عشان أنا تعبت كل الحب مــــودك
|
|
|
|
|
|
|
العنوان |
الكاتب |
Date |
إعلان عن وظيفة رئيس جمهورية شاغـرة | shiry | 01-25-03, 03:42 PM |
Re: إعلان عن وظيفة رئيس جمهورية شاغـرة | shiry | 01-25-03, 03:44 PM |
Re: إعلان عن وظيفة رئيس جمهورية شاغـرة | shiry | 01-25-03, 03:45 PM |
Re: إعلان عن وظيفة رئيس جمهورية شاغـرة | shiry | 01-25-03, 03:46 PM |
Re: إعلان عن وظيفة رئيس جمهورية شاغـرة | shiry | 01-25-03, 03:47 PM |
Re: إعلان عن وظيفة رئيس جمهورية شاغـرة | shiry | 01-25-03, 03:48 PM |
Re: إعلان عن وظيفة رئيس جمهورية شاغـرة | shiry | 01-25-03, 03:49 PM |
Re: إعلان عن وظيفة رئيس جمهورية شاغـرة | shiry | 01-25-03, 03:51 PM |
Re: إعلان عن وظيفة رئيس جمهورية شاغـرة | shiry | 01-25-03, 03:52 PM |
Re: إعلان عن وظيفة رئيس جمهورية شاغـرة | serenader | 02-04-03, 08:05 AM |
Re: إعلان عن وظيفة رئيس جمهورية شاغـرة | Tumadir | 01-25-03, 03:58 PM |
Re: إعلان عن وظيفة رئيس جمهورية شاغـرة | shiry | 01-25-03, 04:12 PM |
Re: إعلان عن وظيفة رئيس جمهورية شاغـرة | Hozy | 01-25-03, 04:48 PM |
Re: إعلان عن وظيفة رئيس جمهورية شاغـرة | shiry | 01-25-03, 05:12 PM |
Re: إعلان عن وظيفة رئيس جمهورية شاغـرة | Modic | 01-25-03, 05:35 PM |
Re: إعلان عن وظيفة رئيس جمهورية شاغـرة | shiry | 01-25-03, 11:25 PM |
Re: إعلان عن وظيفة رئيس جمهورية شاغـرة | Modic | 01-26-03, 01:04 PM |
Re: إعلان عن وظيفة رئيس جمهورية شاغـرة | Modic | 01-26-03, 01:08 PM |
Re: إعلان عن وظيفة رئيس جمهورية شاغـرة | Modic | 01-26-03, 04:23 PM |
Re: إعلان عن وظيفة رئيس جمهورية شاغـرة | omdurmani | 01-26-03, 07:31 AM |
Re: إعلان عن وظيفة رئيس جمهورية شاغـرة | omdurmani | 01-26-03, 07:32 AM |
Re: إعلان عن وظيفة رئيس جمهورية شاغـرة/ قول يا لطيف | serenader | 01-26-03, 06:08 PM |
Re: إعلان عن وظيفة رئيس جمهورية شاغـرة | serenader | 01-26-03, 06:10 PM |
Re: إعلان عن وظيفة رئيس جمهورية شاغـرة | HAMZA SULIMAN | 01-26-03, 06:29 PM |
Re: إعلان عن وظيفة رئيس جمهورية شاغـرة | مشتاق | 01-26-03, 06:40 PM |
Re: إعلان عن وظيفة رئيس جمهورية شاغـرة | Modic | 01-26-03, 06:50 PM |
Re: إعلان عن وظيفة رئيس جمهورية شاغـرة | Abdel Aati | 01-27-03, 01:53 PM |
Re: إعلان عن وظيفة رئيس جمهورية شاغـرة | shiry | 01-29-03, 00:36 AM |
Re: إعلان عن وظيفة رئيس جمهورية شاغـرة | Hozy | 01-30-03, 09:12 PM |
Re: إعلان عن وظيفة رئيس جمهورية شاغـرة | shiry | 02-01-03, 04:09 PM |
Re: إعلان عن وظيفة رئيس جمهورية شاغـرة | Adil Osman | 02-01-03, 05:57 PM |
Re: إعلان عن وظيفة رئيس جمهورية شاغـرة | shiry | 02-04-03, 07:45 AM |
Re: إعلان عن وظيفة رئيس جمهورية شاغـرة | shiry | 02-04-03, 11:02 AM |
Re: إعلان عن وظيفة رئيس جمهورية شاغـرة | serenader | 02-05-03, 03:06 AM |
|
|
|