|
مهزلة ...رجوع نظام الاقطاع للسودان
|
رايت فيما يري النائم وان كنت بكامل ادراكي عربة سندريلا الاسطورية بشكلها القرنبيطي المميز ..شفافة من الزجاج اللامع ..مزينة بالشرائط الزرقاء ..الاخاذة بعجلاتها الاربعة تجرها اربع من الخيول العربية الاصيلة .....تقف ............. .............
تقف وين؟؟؟؟...في بداية شارع (1) مع تقاطع شارع مدني امبارح بالليل الساعة 8 مساء وانا جاية فجاة منظر غريب العربة الخرافية الاسطورية تجرها الخيول ..في البداية افتكرتا نفسي في قصة من قصص المساء والا حاجة ..لكن اتاكدتا اني في السودان لما شفتا افراد ( شركة الهدف ) بلباسهم الازرق بكميات مهولة حول العربة ..اها ده شنو كمان ؟؟ براحة وقفتا وسالت واحد : ده شنو يا اخ؟ ده عرس واحدة بت عز- يلا ما علينا الناس في البلد دي بقت تعمل حاجات غريبة مشينا قدام شوية ..اعداد مهولة من شرطة العمليات تحلف تقول مظاهرات جامعة الخرطوم ..وكمية من ضباط وعساكر المرور ..يا جماعة حاصل شنو ؟؟ في نص دهشتي وقفني واحد : يا مدام لو سمحتي مدام ؟؟اكيد ما قاصد ؟؟شايفني خاتة ريشة في راسي وومتين لينا في السودان بيقولوا للنسوان مدامات ؟؟؟ في حاجة يا جنابو ؟- لا ابدا بس الباركن هناك وتدخلوا من الباب التاني - باركن شنو وباب شنو؟ هو في شنو ؟ - قصدي باب النادي ..مش داخلين العرس ؟ - بالله ؟؟هو ده عرس منو ؟ - اتغير وشو وركب لي وش جادي ..طبعا طلعتا ما من المعازيم ده عرس بت دكتور ابو بكر - بالله ..خلاص انا معدية بالشارع - معليش يا اخت ممنوع الشارع مقفول - اخت ؟؟؟هسي ما كنتا مدام ؟؟ بالله ..ده العرس البي اصالة !!بختكم والله - بختنا ؟؟هو احنا حنشوف شنو ؟هو الدخول بالبطاقة الممغنطة - ........... مصمصتا خشمي ورجعتا ..بالله السودان بقت فيهو حاجات زي دي زفة بعربة سندريلا و700 وحدة احتياطي مركزي و1000ضابط و عسكري مرور و 500 فرد هدف والدخول بالبطاقة الممغنطة و3500 مدعو من طبقة (كريم شانتي المجتمع المخملي )و ده كلو كوم والفنانة كوم تاني ..يعني الساعة اتقول ليك اصالة علي لي جري ..وتسرخ ..عيشني ثواني تلقي ليك الناس دي جبجبة وابو العريس يمسك ( صارقيلة ) وام العروس تديهو شبال اتخيلتا الحيحصل جوا واتمنيت اكون من المدعوين ومعاي شيري وابو حراز واساسي ............ سردي ده ليس من باب الحقد الطبقي لكن بس حبيت انقل ليكم جزء من مفارقات واقعنا البقي خليط من الخيال والاسطورة
ولكم تحياتي مراسلتكم من خلف سور مجري العيون
سكرا <\font>
|
|
|
|
|
|
|
العنوان |
الكاتب |
Date |
مهزلة ...رجوع نظام الاقطاع للسودان | سكرا | 01-21-03, 07:50 AM |
Re: مهزلة ...رجوع نظام الاقطاع للسودان | الجعلي | 01-21-03, 08:16 AM |
Re: مهزلة ...رجوع نظام الاقطاع للسودان | سكرا | 01-21-03, 08:24 AM |
Re: مهزلة ...رجوع نظام الاقطاع للسودان | وضاح | 01-21-03, 08:56 AM |
Re: مهزلة ...رجوع نظام الاقطاع للسودان | سكرا | 01-21-03, 09:25 AM |
Re: مهزلة ...رجوع نظام الاقطاع للسودان | عشة بت فاطنة | 01-21-03, 09:04 AM |
Re: مهزلة ...رجوع نظام الاقطاع للسودان | سكرا | 01-21-03, 09:32 AM |
Re: مهزلة ...رجوع نظام الاقطاع للسودان | tmbis | 01-21-03, 09:08 AM |
Re: مهزلة ...رجوع نظام الاقطاع للسودان | قرشـــو | 01-21-03, 09:26 AM |
Re: مهزلة ...رجوع نظام الاقطاع للسودان | سكرا | 01-21-03, 09:53 AM |
Re: مهزلة ...رجوع نظام الاقطاع للسودان | سكرا | 01-21-03, 09:41 AM |
Re: مهزلة ...رجوع نظام الاقطاع للسودان | Khaalaleyaal | 01-21-03, 10:02 AM |
Re: مهزلة ...رجوع نظام الاقطاع للسودان | سمندلاوى | 01-21-03, 10:06 AM |
Re: مهزلة ...رجوع نظام الاقطاع للسودان | سكرا | 01-21-03, 11:24 AM |
Re: مهزلة ...رجوع نظام الاقطاع للسودان | سكرا | 01-21-03, 11:39 AM |
Re: مهزلة ...رجوع نظام الاقطاع للسودان | وضاح | 01-21-03, 12:40 PM |
Re: مهزلة ...رجوع نظام الاقطاع للسودان | Khaalaleyaal | 01-21-03, 12:52 PM |
Re: مهزلة ...رجوع نظام الاقطاع للسودان | سكرا | 01-22-03, 06:14 AM |
Re: مهزلة ...رجوع نظام الاقطاع للسودان | أبوالزفت | 01-21-03, 12:57 PM |
Re: مهزلة ...رجوع نظام الاقطاع للسودان | atbarawi | 01-21-03, 03:35 PM |
Re: مهزلة ...رجوع نظام الاقطاع للسودان | sudani | 01-21-03, 06:07 PM |
Re: مهزلة ...رجوع نظام الاقطاع للسودان | منعم | 01-21-03, 06:36 PM |
Re: مهزلة ...رجوع نظام الاقطاع للسودان | سكرا | 01-22-03, 06:23 AM |
Re: مهزلة ...رجوع نظام الاقطاع للسودان | شدو | 01-22-03, 06:51 AM |
Re: مهزلة ...رجوع نظام الاقطاع للسودان | سكرا | 01-22-03, 07:02 AM |
Re: مهزلة ...رجوع نظام الاقطاع للسودان | bushramk | 01-22-03, 10:19 AM |
Re: مهزلة ...رجوع نظام الاقطاع للسودان | سكرا | 01-23-03, 06:26 AM |
|
|
|