|
|
 يا رب لا تحرم بيت من الشاي
|
الشاي أو الشاهي اسم صيني يطلق على شجرة تؤخذ أوراقها وتجفف ويصنع منه المشروب المعروف اليوم .. الشاهي عرف قديما قيل في القرن الثالث الميلادي .. وذكر أن أول من عرفه الصينيون لكن أبو هنود يقولون لا إننا نعرفه قبلهم . وأنا توي صغير مالحقت عليهم و لا أدري من الصادق …موطن هذا النبات شرق آسيا .. وتنمو الشجرة إلى ارتفاع قدره يصل إلى تسعة أمتار .. ولكن في مزارعه الخاصة يقلم فلا يرتفع أكثر من متر ونصف …ويقال انه وصل لبريطانيا عام 1660م . ويقال ان شجرته تظل مدة خمسين عاما ..وتقطف الأوراق باليد …. يعني على ورقة ورقة كنهم يخرفون نخل …واحسن شي الورق اللي في علو الشجرة …ويقومون وينشرون الورق الين يذبل وييبس ..والشاي الأسود تخمر الأوراق مرة ثانية بعدما تبيبس ثم تجفف .. أما الشاهي الأخضر فيوضع مباشرة بعد القطف …. ونكهة الشاهي سببها زيت طيار … وخاصية التنبيه فيه لوجود مادة مثل الكافيين اللي في القهوة ….
== يمديكم على اللي فوق
خلصنا من حكي الكتب وبدا الهرج من الراس … الشاهي هو المشروب المتفق عليه عند معظم الشعوب وخاصة في هالديرة …. ويقولون أنه يقعد الراس … يعني يصحي الواحد … وأشوف الطلاب أيام الاختبارات كل واحد معه هالزمزمية ولتح ….. وهو عادة يتعودها الانسان في حياته ويجعل نفسه أسيرا لها فتجد أن بعض الناس مايعرف يسوي شي في يومه الين يشرب بريق شاهي …. وبعض الناس مايشربونه أبد ولا ضرهم .. فالمسألة تعود …. وكان الشاهي عند الأولين لهم طعم ومذاق لأنهم مايشربونه دايم ويسمونه (( الحلو )) … وللناس أمزجة مختلفة في رب الشاهي .. فبعضهم يحبه خفيف وبعضهم يحبه تقيل … وبعض الناس يشربه بدون (( سكر )) مرّ .. وخاصة مرضى السكر … ونجد غالب التجار مايشربونه الا مــرّ …
قبل مايعرف الشاهي في نجد كان واحد جايب من الحجاز ( بعير ) محمل كراتين شاهي …. ومعه جماعته ويمشون على هالبعارين وهم ما يعرفون الشاهي … ويشوفون هالرجال حريص على هالحمل .. ونشدوه وش معه هيل الا قهوة والا (( خام )) أي قماش …. قال هذا شاهي .. قالوا وشو الشاهي .. وعلمهم به .. قال واحد الله يغربلك ماتستحي على وجهك جايب شاهي .. وش ينبغى به إنما هو يحـمر الماء …
= = = = = = =
والشاهي منول مانعرف الا أبو جبل والا ربيع وطلع لنا هالحين أشكال وأنواع ينقلب راسك اذا بغيت تشتري وكل يمدح نوع … ومنول مانعرف الا شاهي الورق (( تلقيمه )) وطلع هالحين أنواع مثل اللبتون .. أكياس صغار لها خيط … وحتى اللبتون يقولون أهل الصنف أنه ثلاثة أنواع حسب التعبئة … شي معبأ في عمان ونوع معبأ في بريطانيا وشي معبأ في جدة … أنا ما أدري أسمع بس …
والغريب أن الناس بعضهم يشرب شاهي ولا يشرب قهوة .. ومع ذلك يقولون للواحد اقلط تقهو … ويجيبون له شاهي بس .. حتى اذا قضت البيالة وبغى يلزم عليه . قال له تقهو يارجال …(( حاقرين الشاهي وهم يلتحون منه الين يطيح غطا البريق ..
= = = = = =
الشاهي صديق خاص للعزوبية وأهل البلوت ( ووو ) وعند مشاهدة المباريات .. وينفع العزوبي الكسول بريق شاهي وخبزة تمييس واللهم لك الحمد .. حتى البزران يغطون فيه البسكوت ….
وعلى طاري البسكوت مرة واحد شاف جدار طين مايل .. قال كنه قرص بسكوت مغطوط في شاهي (( هذه خاصة بكبار السن ... قد لايفهمها الاطفال
مع اني والله ليس من كيفي الشاي
|
|
 
|
|
|
|
|
| |
انور عمر
فيس بوك
تويتر
انستقرام
يوتيوب
بنتيريست