|
|
 Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الأخ الرائع الساحر
لك التحية ولكل من شارك في هذا البوست
والشيء الذي أود أن أضيفه هو ياجماعة لو جينا للصراحة إنه الولد الكبير ده عليه مسؤليات جسام وهو لا شك عمود إرتكاز الأسرة وتلقى أسرته في السودان عانت ماعانت لغاية الولد ده ما كبر واتخرج من الجامعة وجاته فرصة الإغتراب والسفر من أجل تحسين وضع الأسرة ، فهل أول ما يعمل ليه قرش قرشين طوالي يفكر في العرس
يا جماعة نكون واقعيين وكلنا عايشين ظروف الغربة والمعاناة الفيها من تجديد إقامة وكفيل وضرائب وما شابه ذلك والحقيقة الناس كلها عرفاها إنو الإغتراب ذاتو بقى خشم بيوت ، يعني حتى الناس في السودان مصنفيين المغتربين تصنيف حسب بلد الإغتراب نفسها
وثاني جاجة : تلقى الأسرة عايشين في بيت بتاع إيجار والبنت الصغيرة أو الولد على وشك إنه يمتحن وعاوز مصاريف وكسوة والبنت في الجامعة قربت تتخرج عاوزة تلبس قدام صاحباتها حاجة كويسة تليق بها كبنت جامعية و و و و و و و و ومن الاحتياجات التي لا تنتهي في السودان
والولد طبعا قد ارتبطت بفتاة معينة في السودان وقبل ما يسافر يكون وعدها عد الحر بأن حيتزوجها في أقرب فرصة وربطوا أمورهم على ذلك وهي فضلت منتظرة أقرب الفرصة هذه ، وقد تطول وقد تقصر على حسب الظروف ، والبنت أهلها ضاغطين عليها من جهة (أها مشى ونساك ) شفتي جواب ما داير يرسلوا ليك ، خلي الجواب ده التلفون الرخيص ده ما داير يكلف نفسه ويسأل عنك ؟؟؟ وما شابه ذاك
فالمعادلة يا أخوتي صعبة جداً وليست بهذه السهولة
والبلد هنا حالها ماشي من سيء لأسوأ
وطبعا إذا حاول إنو يتزوج ويرسل للعروس تجي تعيش معاه هنا واطته صبحت ؟ ليه لأنه عندما يكون هنا عزابي ممكن يسكن ليه مع جماعة شباب ويتقاسموا الإيجار فيما بينهم وبتكون عليه المصاريف أقل
وإذا جاءت هنا بيكون عاوز يأجر شقة كويسة وإذا لا قدر الله مرضت فالله قال بقوله ( شيء مستشفيات وشيء علاجات وشيء تحاليل ) ومن نصف الاسبوع بيكون قطع وبيكون جاري في درب الديون !!!!!! وياهو الما عمل ليه قرش
أما إذا فكر يخليها في السودان فدي مشكلة أكبر لأنها عاوزة مصاريفها تصلها شهريا ولازم يتصل عليها بين كل فترة والأخرى
وأنا طبعا ما من أنصار إنه الواحد يتزوج ويخلي زوجته بعيدة عنه (لأنه أصل الزواج إنها تكون قريبة منك حتى يتم الاستقرار المطلوب )
والمهم هذه بعض هترشة أخوكم الجعلي
وطبعا كلنا ضايقنها
الجعلي
|
|
 
|
|
|
|
|
| العنوان |
الكاتب |
Date |
 هو اهلهوا شافوا منو شنو الولد ده عايز يعرس ؟؟ | الساحر | 09-23-02, 06:55 AM |
| هو اهلهوا شافوا منو شنو الولد ده عايز يعرس ؟؟ | garjah | 09-23-02, 07:26 AM |
| Re: هو اهلهوا شافوا منو شنو الولد ده عايز يعرس ؟؟ | banadieha | 09-23-02, 07:27 AM |
| Re: هو اهلهوا شافوا منو شنو الولد ده عايز يعرس ؟؟ | ensana | 09-23-02, 07:38 AM |
| Re: هو اهلهوا شافوا منو شنو الولد ده عايز يعرس ؟؟ | الساحر | 09-23-02, 09:47 AM |
| Re: هو اهلهوا شافوا منو شنو الولد ده عايز يعرس ؟؟ | الجعلي | 09-23-02, 12:49 PM |
| Re: هو اهلهوا شافوا منو شنو الولد ده عايز يعرس ؟؟ | الجعلي | 09-23-02, 12:54 PM |
| Re: هو اهلهوا شافوا منو شنو الولد ده عايز يعرس ؟؟ | الساحر | 09-23-02, 03:33 PM |
| Re: هو اهلهوا شافوا منو شنو الولد ده عايز يعرس ؟؟ | faisal44 | 09-23-02, 06:14 PM |
 Re: هو اهلهوا شافوا منو شنو الولد ده عايز يعرس ؟؟ | الساحر | 12-02-02, 10:44 AM |
| Re: هو اهلهوا شافوا منو شنو الولد ده عايز يعرس ؟؟ | رقم صفر | 12-02-02, 10:53 AM |
| Re: هو اهلهوا شافوا منو شنو الولد ده عايز يعرس ؟؟ | الساحر | 12-02-02, 11:05 AM |
| Re: هو اهلهوا شافوا منو شنو الولد ده عايز يعرس ؟؟ | الساحر | 04-17-03, 01:08 PM |
| Re: هو اهلهوا شافوا منو شنو الولد ده عايز يعرس ؟؟ | alsngaq | 04-18-03, 07:36 PM |
|
| |
فيس بوك
تويتر
انستقرام
يوتيوب
بنتيريست