تقول ليها داير اشوف ضفايرك راستا..وتشوف ضفايرها ممشوطة راستا..!! تزرك مطرة ورعد بين كلية القانون وكلية الآداب ..الوحدة الفرنسية..!! تقوم تقلع قميصك وتغطيها من المطرة..!!..وتاني يوم تلقاك، تملاك فقر ..وتحتج انو ليه ما قبلتها وكتين كانت محتاجة قبلة..؟؟!! تتقاسم معاها مصطفي سيداحمد..وبلال موسى..أي والله صحي...! ثم تكتب ليها (عينيك والمطرة المجنونة)..وتقوم تسب ليك لي سليفسيل جدودك...!! بعد السنين..تتذكرها (وهي ما غابت عنك لحظة)..و بتقول ليك: صحوة ضميرك..!!
ياربي اقول ليها بحبك..ولا اقول ليها حمى الضنك الماتفضل غيرك؟. بحبها يااااااااااااااااخ..وبحب تفاصليها..حنيتها..غيرتها..محبتها ..حاجاتها الجميلة المدهشة.. بحبها حتى لو قالت لي : صحوة ضميرك..وياريتها تقولها..يا ريت,,!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة