( السِماك ) ----------- من يومي داك لليلة ما ارتاح السفر ! والليلة فوق الليلة شايلات القمر، فوق للسِماك ! ... ..... مرات يفوت .. ولمن يفوت ، أنا عمري فات ، وزمانو روَح في السراب واتلاشى غاب ! .. ..... مرات يغيب .. ولمن يغيب العمر بنتابو الخراب ،، و اتلاشى من طول الغياب ! ... ..... وأنا عمري كم ؟! ، ضهبن مشاويرو الطوال ،، ووقف وحيد ، يتشابا لى نجماً بعيد ،، يظهر غرب ويضوي فوق ناس الصعيد ! ... ..... أنا عمري ما عمر الشمش ، لمن تجي ولمن تغيب !.. وأنا عمري بيك ! .. النظرة من عينيكِ عيد ! .. عينيك بتضوي البلد ! نور بسمتِك عالم جديد ، وزمن جديد بيبشِر الناس بالخلود !... ..... وفي ظل هواك الدهر إيه ؟!! انسى التواريخ والسنين ، وأنسى الزمان الما حواك ، واخلد بروحي الما بتشيخ !!... ...... واتهنا بيك طول الزمان ،، اتغنى بى روعة بهاك ! ما إنت عالم من فرح ، وبهاكِ زي وردالخريف !! وهواكِ نهر من الخلود ، ماليهو قيف .. لمن يفيض زي البحيرة الفوقا نيل ،، ولمن يطل ، زي الملاك يوم الخليل ! واحسو زي ضل الزمان الرامي بى غيماَ بهيل ! ... ..... قلبي البريدك عارفو ما بهمل هواك ، صدقتو بى صدقو الأكيد ... كلمني يا روح الملاك .. وريني لو أقدر أقدم ليك وسام ، للروعة والعمر البهيج ! ،، وللمعاني الضاوية فيك ! ... وكفاية إنك ما نسيت أنا عمري بيك ! طبعاً إنت اخترتها اليوم داك . وأنا فرحت وقلت خلاص الموصلي حيغني ( للقمرة ) الفوق السماك !! ،،، على أي حال القمرة ذاتا قاعدة جنبي وبتعاين ليك !!!هرمنا ولكن قلوبنا لم ولن تهرم يا موصلي !! وكل يوم شبابا في ازدياد !!! (( الحب لا يهرم ولا يفنى ولا يموت !! )) ،،، ( الألحان العظيمة منجم نفيس لحفظ وتخليد الحياة !! ) ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة