يا أخينا أنا ما بتكلم عن اللوجستكس بتكلم عن الدايناميكس، يعني هل بتصدق إنو في طفل ممكن يسقط من الطابق السادس وأثناء سقوطه يمر على الطابق الرابع ويمسك فيهو (بطريقة ما) بحيث يظهر بالصورة المعروضة في الفيديو؟
05-30-2018, 08:05 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
"يعني هل بتصدق إنو في طفل ممكن يسقط من الطابق السادس وأثناء سقوطه يمر على الطابق الرابع ويمسك فيهو (بطريقة ما) بحيث يظهر بالصورة المعروضة في الفيديو؟"
يا سيدى لا اصدقها ولا أكد بها.. لانى لا اصدق ولا أكذب الا بدليل. قلت ذلك مرارا وتكرارا ولكنك لا تتابع ما اكتب. انت حتى الان لم تأت بار نظرية عن ماذا حدث. لا أكذبها لانه كما قلت لك اليوتيوب مليان بحوادث للأطفال نجوا منها. ولا اصدقها لانى لم ارها بعينى سواء فى باريس او الفيديو. الفرق بيننا إننى لا أرفض الرواية حتى ياتى من يكذبها بدليل قاطع.. وحتى الان لم تفعل..
05-31-2018, 06:49 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
طيب، دا تفسيري لسؤالي أنا ذاتي البيقول: السؤال: كيف يمكن سحب طفل على ماسورة يمسك بها بيد واحدة بدون أن يسقط مع أن السحب تم من اليد الممسكة بالماسورة؟
الإجابة بتتطلب عرض الفيديو أدناه بالسرعة البطيئة (0.25)، كيف؟ 1- اضغط على النجمة 2- اختر (speed) 3- اختار أبطأ واحدة، العليا فوق
أنسوا ولدنا (المتسلق) دا، اللعبة كلها في أنو الناس حتركز معاهو، لكن انتو ركزوا على الجار فوق والبت الجمبو، وانسوا أي حاجة تانية وياريت تقفلوا الصوت بتاع الفيديو لأنو حيكون مزعج في سرعة العرض البطيئة.
لا يمكن سحب الطفل جانبياً إلا بشنكل تاني مثبت في ضهرو، منطقة الكمر ومربوط بسلك!
في الثانية [1] البت واقفة بحيث مافي زول شايف يدها، لاحظوا منطقة الكمر في ضهر الطفل
في الثانية [2] بدأ شد الطفل بواسطة البت
في الثانية [3] هنا بالضبط حتشوفوا البنطلون بتاعو من وراء مال لجهة الشد، يعني لجهة البنت وبدأ هو يتمسك بالماسورة، تصرف فطري
في الثانية [4-5] بدأ الطفل يتحرك باتجاه الجار في نفس الوقت يقوم الجار يمد يدو عشان يتلقاهو
في الثانية [7-8] حتشوفوا رجلين الطفل الاتنين مالن لجهة اليسار، دي هنا فيزياء، قصور ذاتي، لأنو النصف العلوي اتسحب لليمين، والبت جات قريب ووقفت في ضهر الجار، لاحظوا يدها اليسار أعلى الماسورة
في الثانية [9-10] البت بتجر بيدها اليمين المخفية وراء حاجز البلكونة، لكن بتمرر السلك بيدها اليسار الظاهرة، عشان كدة يدها اليسار في وضع موازي لمسار السلك البتشد فيهو، وقفوا الفيديو في الثانية [10] وشوفوا براكم
في الثانية [11-14] يستمر الشد والبت خلاص لصقت في ضهر الجار تماماً والطفل بقى في متناول الجار ومسك يدو، مافي زول يعاين للمتسلق يا أخوانا بشتت انتباهك!
في الثانية [15] هنا يادوب ظهرت يد البت اليمين، آخر نص متر في السلك الكانت بتشد فيهو، خلاص حتعمل الفنشنغ
في الثانية [16] هنا الطفل من الشد ميل عديدل
في الثانية [17] البت مدت يدها عديييل عشان تفك الشنكل، فكتو، وطوالي مالت وراء الجار عشان ترمي باقي السلك، شفتو كيف! الفطرة الطبيعية للمرأة أنها تراقب نهاية الحدث بخوف ودي أهم لحظة في كل العملية، مافي أي شيء بيخليها ترجع وراء الراجل وتدنقر، مافي!
السبعطاشر ثانية دي يستحيل الناس تنتبه ليها بسرعة العرض العادية ومع التركيز على المتسلق.
يبقوا شنكلين، الأول بتاع الشد والشنكل التاني مثبت مشعوق في الماسورة ومربوط بسلك في مريلة الطفل (صديري مجهز للغرض تحت الملابس).
وعندكم الصور تحت لمزيد من التوضيح، مشكور يا ناصر أمين على الصورة.
طريقة الشد
ميلان الطفل مع كل شدة
___ نحنا كان قمنا كعبين
===========
مامادو دا لو بيتكلم إنجليزي برشوا ليكم إيميل، المافي شنو؟
في أي سؤال يا ود البشرى ومنير؟
___ محمد شيخ دا اقتنع بكلامي لكن (كراهة) ساكت ما داير يقبلو.
05-31-2018, 06:55 AM
جلالدونا
جلالدونا
تاريخ التسجيل: 04-26-2014
مجموع المشاركات: 9398
"حيجي أبو الريش ويقول: ما عندك أي دليل مادي على وجود سلك. هههههه"
لا ما حاقول ما عندك دليل لانو دى قلتها كتير.. لكن طريقتك دى عندها تفسير واحد. هو إنك جعلى وفى بنوت وراك قاعدات يزغردن كلما نزلت بوست. اعذرك تماما ولو فى محلك ما بتراجع.. عملتها وقفة للبطان.
ههههههه
05-31-2018, 09:53 AM
Abureesh
Abureesh
تاريخ التسجيل: 09-22-2003
مجموع المشاركات: 30182
الطفلة دى يا حاتم وقعت من طيارة .. موش وقعت بس.. الطيارة انفجرت فى الجوى وهى اتجدعت بكرسيها المربوطة فوقو.. وواقعة بكرسيها دا ميلين حتى وصلت الأرض. لاحظ سرعة الهواء والضغط الجوى وقلة الأوكسجين.. كل الركاب ماتوا بمن فيهم والدتها. وبعد هبطت على الارض مشت فى غابات الامازون ايام عديدة على رجليها وبفردة حذاء واحدة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة