جزّار مدريد!

Quote: بالرغم من كل شيء ومن اصرار المدريديستا على الرؤية عبر المنظار الابيض فقط لكن هذا أمر اتفهمه الى حد ما واتقبله. لكن ما هالني حقا و ما قدرت ابلعه هو تعليق ايقونة الموضوعية في المنبر وفي الفيس بووك حبيبنا البروف امين!! معقولة يا بروف وانت المعروف بموضوعيتك و عقلانيتك تنظر للامور بالطريقة دي! زيك وزي اي مدريدي ترك موضوعيته في البيت وما عنده غير هلا مدريد، ديل ياخ لو راموس كان سل سكين عديل وجقد صلاح كان قالوا ل ليه صلاح ما عمل حسابه وبعد عن السكين! احبطتني يا بروف 😐

هسي ده شكر ولا نبذ

عاين يا باش ... أنا مبلغ علمي من الصواب الآتي :

- الحادثة دي بكل تفاصيلها وقعت على بعد خطوات من الحكم و فاول ما حسبو ...خليه كرت .

- محمد حيدر جاب البتاعة دي بتفاصيل أدق من دقيقة و بصورها و وراك إنو صلاح هو من بدأ الالتحام .

- جمال الشريف قال نفس كلام محمد حيدر ده و بنفس منطقو .

- القصة دي إلتحام عادي في مباراة مهمة و حصل في كسر من الثانية ... البقرأ تعليقاتك إنت و و المصريين و مواسير كاتلونيا و من تبعهم بغير إحسان يقول إنو راموس طلع مطواة و غزاها لصلاح في قلبو !

- الموضوع - في تقديري - محض جرسة و عدم قدرة على تقبل الهزيمة لانو إنجاز الريال غير مسبوق و طفا العملتو برشلونة في الدوري ... فلازم كان يكون في شماعة و سبب .

- في مباراة بايرين ميونخ ... المدافع ركب لويس فازكيس الركوب الواحد ده في خط ستة و الحكم حسبها ... لكن لانها كانت في الدقيقة 94 و كانت آمال الكتلان إنو البايرين يطلع الريال خاصة إنو الريال كان مغلوب اربعة صفر ... قالوا الكورة ما بلنتي و التحكيم دايما في صالح الريال و هكذا أوهام ... فقط لانها ما على هواهم خاصة بعد ما منو نفسهم بهزيمة الريال و طلوعو من البطولة ... نفس الشئ هنا ..البداية القوية لليفربول طمعت أعداء الريال ( اللهم 90% من سكان الكرة الأرضية اليوم داك ) في هزيمة الريال ... عشان كدا أول ما حصلت الحادثة ... بدت المؤامرة الكونية دي ...والله بقرأ التعليقات و بتحير بس !

- في كرة القدم ... الهزيمة الحقيقية هي عدم تقبل الهزيمة !