قبيلة سودانية تُعلن تقديمها (10) آلاف مقاتل للدفاع عن المملكة العربية السعودية

Quote: هوي يا زول كلامي واضح وموضوع البوست واضح جدا ما تقعد تلف الكلام وتفسرو بي مزاجك ، ما صدقت طبعا البشير ما رسل جنود لليمن عشان سواد عيون السعوديين ولا الاماراتيين ، البشير يبحث عن حل ضائقته في اي مكان وبأي ثمن وبمجرد ان شعر بأن السعودية لم تساعده في ازمة البترول دفع بإعلامه بترويج سحب الجنود والموضوع ابتزاز لا اكثر ولا اقل اي زول شايف نفسو رخيص هو حر ولو شجاع صحي يتكلم عن نفسو ، بس ما يلم الناس ساي وينحشر في نصهم

هسع في زول غالطك في الرخسة الرصمية يا عبدالله إدريس؟
ياها ديك موثقة ومثبتة وكل الناس "اتواضعت" عليها وعارفاها ومستنكراها
إلا سؤالنا ليك واضح وبين، الكعوجة ما حبابا:

----- ماذا ستقول الآن، و"العلاقة" بدت الآن أكبر وأوسع من مجرد الانكار؟ -----

يعني الرخصة فاحت وما عادت رسمية، شعبية أهلية يا أخينا، شن قولك، شعب رخيس ولا ما غالي؟

___
منو القاعد يلف هسع، حرر أفكارك وخليك شجاع زي باقي الناس

================

Quote: ما فهمتَ ؟ إنتو معانا في الإنحطاط الجماعي ده ، ولّا حاكمين المباراة ؟

كيف ما معاكم يا محمد محمد محمد!
معاكم ونص وخمسة بس بقلبنا ساكت، فالفرق أننا مجبورين نجاملكم
عشان ما ينعتونا (بالخروج على ثوابت الأمة) و(مخالفة الوعي الوطني)

===============

Quote: قول (انا) عشان تكون صادق مع نفسك يا معروف .....

حاااضر يا عادل حسين ششششششبطك!
أول ما أحس بأنو المكنة خفت والمصران قرب يفضى حأقرر أبقى زيك وأقولها.

___
يلعن أبو الكبسة البتذل "الرجال".


================

Quote: يا حاتم مش شايف كلامك دة قاسي وغير عادل

مرحبا أبوسن!
نعم اللفظ قاسي، لكنه لن يكون أقسى من شعور الذين ضحينا بهم ونضحي بهم الآن
الانحطاط مرحلة نمر بها فلدينا تعريفات محلية للطيبة والأمانة والشجاعة لا تشبه أبداً مثيلاتها في أي بقعة في العالم.

الانحطاط بدأ عندما قبلنا أن يموت بعضنا بواسطة بعضنا ونحن نسمع ونرى وبعضنا يبتسم
والانحطاط أثبتناه على أنفسنا وثلث البلد تضيع ولم يكلف أحدنا إضافة أسرة جنوبية لبيته
والانحطاط نراه هنا وبعضنا "يتبسم" لموت إخوته لأنه "ضمن" شهوراً إضافية تمكنه من إعادة حشو مصرانه الغليظ
ذات المشهد الذي تحدثت عنه جوي ديغرو، تتبسم الطفلة لشنق انسان أمامها




والانحطاط بلغ غايته وبعضنا يبوح (بأشواقه) في تأدية الخدمة الشريفة الممتازة دوناً عن سائر البشرية وبكل وضاعة
نعم، بدون شك، هذه بعض مكنونات أغلبنا، بعضنا عبر عنها بطريقة مختلفة ومتوارية وآخرون قالوها صراحة
نعم، يحدثونك عن الثقافة ويهللون لانضمام جوبا للجامعة ويطالبوننا بتعلم الأخلاق من الآخر
وبعضنا حاز لقب (محارب) عنوة واقتداراً وطفق يجند الناس للانخراط
والرجل هنا لم يفعل سوى الصياح بما يسر به البعض.

____
فقط قرع جرساً تواطأ الناس أن يطرقوه لحساً بالسنتهم.