الله لا كسبك يا جني من قبيل كايس لي لحظة حرية عشان اقول ليك القالوا قباني لي احمد ساطور عليك دينك دة بوست بفتحو يوم جمعة!
فتحت البوست بالليل قبل النوم وشغلت الفيديو والمدام سامعة في البداية شغالة لي سجمي ! دي اسئلة شنو دي ! لما شرحت ليها فكرة البرنامج عجبتها وأصرت تدخلني الاستديو .. سؤال لصلاح الاحمر وسؤال لي :) ويا كافي البلا عندها عيون صقر بتشم الكذبة على بعد كيلومتر كل ما احاول ازوغها وافتح ليها فيديو تاني ترجعي للبرنامج .. في النهاية قالت لي سؤال وااااحد بس وبخليك : لو قالوا ليك بنديك الخمسمية ألف ريال دي كان خسرت ولا كسبت هل بتقبل تمشي البرنامج دة ؟ قلت ليها وحاتك ولا 10 مليون دولار ما تطلعني المسرح دة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة