جنوب السودان يتقدم بطلب رسمي للانضمام لجامعة الدول العربية

Quote: آراء أهل الجنوب دي مافي زول عمل ليها استقراء او استفتاء .. فمافي زول بيقدر يراهن على موافقة أو ممانعة شعب الجنوب .. في الانضمام لجامعة الوهم العربية قول حكومة الحركة الشعبية .. بيكون ده كلام مقبول أو حتى قول دي شرائح ونخب منتقاة .. من شعب الجنوب او حكومة دولة الجنوب للانصاف وكده .. بالنسبة للآراء الخاصة بالسياسييين أو نخب الشمال أو أي كان .. هل انت بتعتقد انه آراؤهم حتضيف لينا شيء جديد ؟.. هل ممكن تغير وجهة نظر زول عارف وفاهم الحاصل ؟ .. هل نحن جايين السودان ده زيارة ! ولا سياحة .. ماياها بلدنا العايشين فيها عمرنا ده كلو وعارفين الحاصل .. نخب شنو دي ؟ومنو دي ؟ البتقدر تأثر على أرائنا .. تقصد النخب العروبية في الشمال !! تأثر فينا كأعاجم !! .. ده اسمه كلام ده !! والله خذلتني شخصيا يادينق .. بي انقلابك ابو 180 درجة ده معقول !!.. فجاة تنقلب وتتبني خط ظللت تقف وتنافح ضده .. لمجرد أن تبنته حكومة دولة الجنوب الآن .. يأخ نحن بنكاتل لينا زمن عشان ناسنا في الشمال .. ينسوا حكاية عرب وعروبة دي ويتسحبوا من الجامعة .. تجي انت هسه تدافع عن انضمام دول جنوب السودان .. لجامعة الدول العربية ولتصبح دولة عربية !! ؟؟ يا مثبت العقل والدين يارب ... والله الاحباط الاصابني بيهو القرار ده ان صح .. يفوق احباط انفصال جنوب السودان .. نحن موقفنا ثابت يا دينق من قصة العروبة دي .. وهو الرفض القاطع وبلا أي زحزحة او تراخي .. أوبحث عن مصلحة أو جعلها خيار مرحلي .. نغمة العروبة الزائفة دي فيها سلب لحقوقنا ولهوياتنا .. ولن ندعمها كاثنيات غير عربية في البلد ده ما حيينا .. حتى لو يتشلع السودان ده حتة حتة .. مش زيك انت البتغير رايك عشان حكومة الحركة .. جايين يغشوها مرة تانية زي ماغشوها من قبل.. بوهم الانفصال الزائف بعدين انت شايل فيديو قرنق ده .. وحايم بيهو ليه ؟ مايقوله قرنق مضاد لما تريد .. حكومة الجنوب ان تفعله من انضمام لجامعة عربية.. لارابط ولا حتى من بعيد يربط بينها وبين .. شعب جنوب السودان قرنق بيقول ليك لن توحدنا .. العروبة ولن يوحدنا الدين ما يوحدنا هو سودانيتنا .. هل في زول عاقل ممكن يعتقد بموافقة جون قرنق بالانضمام .. لجامعة الدول العربية والله ده كلام مايخش طايوق زول .. خلي الطابق مستور يا دينق والله كان ما هبشتني بالاسم .. لما رددت على كلامك غايتو حقو تمش تفتش حلفاءك الجدد .. ناس بريمة وعبد الرازق الطالب العرب ليسوا باكثرية .. بل هم اقلية فنحن مع افريقية هذا البلد التي تعبر عنه .. وعن محيطه الصحيح ومع السودانوية التي قال بها قرنق .. فهي التي تجمع شعبه ولا شيء آخر .. انت ذاتك عملتها شينة يا دينق ولو اتضح انه ده كلام فاضي .. او اشاعة شيل شيلتك معانا .. ايه المصلحة في الانضمام لجامعة عربية .. ستجعل منك ومن دولتك ومن شعبك اضحوكة .. زي الحاصل لينا ده تمام ونفس المشكلة ستتكرر .. فتك بي عافية ..