قوقـــل ... قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ

Quote: وغرضي من العودة هنا: ياخي حكاية تشيل في نفسك دي ما كويسة، أنا (حاتم إبراهيم، ودا اسمي) والله ما بعرفك ولا سعيت للاتصال بيك ولا بتجمعني معاك أي اهتمامات. حصل تداخل خاطيء منك وقدمت اعتذار لاحق عنه، ولاحظ في وقتها الناس عابت عليك التلميح بتاعك. وأنا قبلت الاعتذار وانتهى الموضوع قبل سنتين. فأملي إنك ما تكون حانق لاعتقادك أنك قدمت اعتذار لشخص ما بتعرفه، ما ضروري أبداً ممكن تصدم بكتفك شخص في الطريق العام وتعتذر وانت ماشي بس ما ممكن ترجع تاني وتقول لنفس الشخص دا: أنا سحبت اعتذاري وداير أصدمك تاني! من حق الجميع مناقشة أي موضوع عام، بس لما يكون البوست مدخل لتجميع الحانقين ومن ثم الانجرار للشتيمة وغيرها من الكلام غير اللائق دا يبقى شيء يتطلب المواجهة منك شخصيا، ومع أنك طلبت الكلام بالمفتوح إلا أني أجلت المواجهة لعلمي ويقيني أنك لا تقصد الشر أو تنويه بخلاف آخرين أعرفهم بس انت كمان قصرت شديد هنا، بل أبديت سعادتك بكل المتداخلين ذوي الغرض، وأهي مداخلاتك قاعدة! فبنفس عباراتك القلتها يوم المكالمة (this has to come to an end) خلينا نكون مجرد أعضاء هنا نتبادل الاحترام وثق في قدرتي على الاستمرار في الطريق دا لو انت أبديت الرغبة وتصرفت على أساسه بما يكفل مراعاة الاتفاق خلاف ذلك صدقني، عندي أكثر من طريقة للرد على المثابرة دي. مع خالص الود والاحترام.