اقتباس المشاركة الأصلية كتبت بواسطة الجرارى مشاهدة المشاركة:والله العظيم الناس بقت ماعرفة الحاصل ولا البحصل بس ربنا لطيف خبير 0000000البحيرنى لما يقولو ليك بكرة احلى انا حتى الان ماعرفت بكرة دى ياتا0000000000000الا كان باكر البقولوها لينا زمان لما تغلط يقولوا ليك باكر نهارة القيامة بودوك النار{5}و لكن كيف لنا يا جراري ، أن نبرئ فعائل أيدينا و حصائد ألسنتنا؟! علما أنه: { كما تكونوا يولى عليكم}[}گلمتان خفيفتان على اللسان{]{... ثقيلتان في الميزان ، حبيبتان للرحمن.. سبحان الله و بحمده ؛ سبحان الله العظيم} و لكن, للأسف، مغبون فيهما كثير، عدا من رحم ربي من بني الإنسان}.¶ ألا رحم الله شيخنا ، فقيد العلم و الدعوة / محمد سيد حاج. و من روائع قفشاته أنه قال: إنو كان في شيخ ناذر ليه مليون، كلف بيه واحد يمشي يديه لأي بني آدم يلقاه حامد شاكر . فمشى يكوس ما خلى حد: المزارع يشكي من سنتو الصافقة و مسورو الخافس و شارباه العندت؛ و سيد الرزق السعيتو ماسكا الجرب و المراح كلو غارز عدمان طنوب اللبن البعشي الجهلا ؛ و أصحاب الأملاك تقول أگل السوسة و العافية مدسوسة؛ و لا سواقين الرگشات الكرامة مديوسة: يشكو و يبكو من ناس المحلية ، موقفين حالم و مانعهن يطلعو الگباري؛ ياخ حتى بتاع التوابير/ الأزيار تلقاه يقول: {... هو في تين؟!}.¶ قام زولك راجع بخفي حسنين لصاحب المال، و هو عشمان في الحافز لروحو. فداك سألو: طيب و إتا ذاتك حالك كيف آللخو؟! فقام دقس قال ليه: و الله يا شيخنا زي الزفت. قالها، و هو شبه ضامن لاستحقاقه القريشات {تميرات فوق راس فكي مفترس} . و لكن الرجل قال ليه: { حتى أنت يا بروطص، ما ليك في الطيب نصيب؟!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دفع الله ود الأصيل
فيس بوك
تويتر
انستقرام
يوتيوب
بنتيريست