|
Re: ** واحدة من ثمار القرارات السعودية بالنسبة (Re: عادل ابراهيم احمد)
|
تحياتي الأخ عادل ابراهيم أحمد وشكرا من يمين القلب الى شماله على هذه المداخلة الرائعة والتي تطابقت انسجتها تماما مع فصيلة دم هذا البوست قصة رائعة بكل معنى الكلمة
Quote: حباب ابو حراز ..
في رجوعه خير له .. فتلك هي المنح من قلب المحن والنعم من قلب النقم ..
وربنا كريم واجواد ..
ذكرتني قصتك هذه قصة لطيفة حدثت في قطر في الثمانينيات شبيهة :
كان هنالك سوداني يعمل بالجيش ويذهب كل سنة في اجازة قصيرة ..
تنقضي ما بين واجب وزيارات للاهل ومشغوليات..
وفي مرة من المرات جلس 6 اشهر مرة واحدة متواصلة .. ضاربا عرض الحائط بانتهاء اجازته وغاب فيها عن العمل ..
وبطبيعة القانون العسكري عدت حالته هروب عن العمل وعمم على اسمه بالمنافذ والمطار ..
ثم انه بعد 6 اشهر رجع للدوحة ومن المطار خمشوهو الجماعة بتاعين الشرطة العسكرية واودعوه السجن الحربي..
ثم بعد يوم او يومين عرضوهو على قائد الجيش في محكمة عسكرية وكان القائد اظن ان اسمه الشيخ محمد بن عبد الرحمن آل ثاني ..
وكان رجلا صارما شديدا وعسكري رفيع الطراز ..
أها الرجل العسكري المسجون جاء مخفورا لمكتب القائد وفي حراسته عسكريين .. ثم وقف انتباه ووراءه الحرس ..
فوجد القائد متحفزا ومعه رائد يقرا لائحة الاتهام بصوت عال : غياب بدون عذر لمدة 6 شهور ..
هنا انتفض القائد وضرب الطاولة في غضب : يا عسكري كيف تتغيب 6 اشهر .. ؟
اجاب العسكري : يا سيادتك انا غيبني عذر قوي ..
القائد بغصب : عذرك شنو ..؟..اتكلم
العسكري : يا سعادتك انا ما بقدر اتكلم قدام العساكر ديل .. القائد بغضب : حرس انصراف .. فعمل الحرس خلف دور وخرجوا من المكتب ..
القائد بغضب : ها .. ايش عذرك يا عسكري؟
العسكري : والله يا سعادتك برضو ما بقدر اتكلم الا معاك انت فقط ؟؟
الرائد بغضب : انضبط يا عسكري .. تبغيني اطلع انا بعد ؟
القائد يهديء من الرائد : خلاص يا ابوفلان .. لو سمحت خلنا نشوف ايش سالفة هذا الزول .. تكفى خلنا بروحنا نشوف اخرته.. الرائد يخرج بغضب الى الخارج ..
وبعد ان اصبح القائد والعسكري السوداني لوحدهما شبك القائد اصابعه وانحنى للامام على مكتبه الضخم "ناهرا" العسكري : تكلم ..ايشعندك؟ ايش غيبك 6 شهور ؟
العسكري خائفا : والله يا سيادتك انا زول متزوج لي 5 سنوات .. وكل مرة تدوني اجازة شهر امشي تضيع كلها والمرة ما تحمل ..
اجي راجع أهلي و زملائي اضحكوا علي وكلهم بي اولادهم ..
أها المرة دي قلت والله لو ما حملتها واتأكدت ما ارجع للدوحة ..
القائد ضاحكا : اها ان شاء الله حملتها وتاكدت ؟
العسكري : الحمد لله ..
يحكي لي من اخبرني بالقصة أن القائد الصارم هذا ضحك حتى نزلت دموعه ثم نادى على الرائد الذي دخل مسرعا مندهشا ثم اخد منه الملف وكتب قراره :
يطلق سراحه فورا ويحسب له الغياب اجازة بدون راتب
اها يا عزيزي ابوحراز نعمة الذرية لا تعادلها نعمة الريالات ..
ولو استقبل كثير من المغتربين ما استدبروا من امرهم لما اغتربوا اصلا ..
احتراماتي |
ذكرتني طرفة قريبة في احد اجازاتي للسودان لدينا جار { أضانو تقيلة جدا} يعني اطرش الا ربع والجماعة في الديوان قالوا لي بارك لجارك دا لأنه اتزوج قبل شهرين وحكي لي اخي ان جارنا لديه قطعة ارض خطة اسكانية وقال لي هو الآن طالع من معمعة العرس وبيكون مفلس جدا وانت قلت عاوز ليك ارض كدي حاول معاهو يمكن يبيعها ليك بسعر رخيص
اها طبعا بصوت عالي لامن غنم الفريق قامن جاريات وقلت ليهو { اها القطعة بتاعت بري بتبيعها } آآآآآآآآآآآآآآآآآآآآآآآآآآآآآآآآآآ قلت شنو ؟؟ قلت ليك القطعة بتاعت بري عاوز اشتريها آآآآآآآآآآآآآآآآآآآآآآآآآآآآآآآآآآآآآ 00 ما سمعتك قلت شنو ياخي القطعة الفي بري عاوز اشتريها منك ؟؟ فكان رده والله لسه { ما حملت قالوا عندها التهابات } !!!!!! غايتو من داك اليوم حلفت ما اشتري أي قطعة وليكن مايكون !!!
|
|
|
|
|
|
|
العنوان |
الكاتب |
Date |
** واحدة من ثمار القرارات السعودية بالنسبة لنا كسودانيين ** | ابوحراز | 07-26-17, 07:36 AM |
Re: ** واحدة من ثمار القرارات السعودية بالنسبة | مني عمسيب | 07-26-17, 07:48 AM |
Re: ** واحدة من ثمار القرارات السعودية بالنسبة | ابوحراز | 07-26-17, 08:37 AM |
Re: ** واحدة من ثمار القرارات السعودية بالنسبة | walid taha | 07-26-17, 07:49 AM |
Re: ** واحدة من ثمار القرارات السعودية بالنسبة | صبري طه | 07-26-17, 08:04 AM |
Re: ** واحدة من ثمار القرارات السعودية بالنسبة | عبدالمنعم الطيب حسن | 07-26-17, 08:25 AM |
Re: ** واحدة من ثمار القرارات السعودية بالنسبة | ابوحراز | 07-26-17, 10:34 AM |
Re: ** واحدة من ثمار القرارات السعودية بالنسبة | ابوحراز | 07-26-17, 10:03 AM |
Re: ** واحدة من ثمار القرارات السعودية بالنسبة | ابوحراز | 07-26-17, 08:52 AM |
Re: ** واحدة من ثمار القرارات السعودية بالنسبة | متوكل حسن | 07-26-17, 09:20 AM |
Re: ** واحدة من ثمار القرارات السعودية بالنسبة | ابوحراز | 07-26-17, 11:01 AM |
Re: ** واحدة من ثمار القرارات السعودية بالنسبة | عادل ابراهيم احمد | 07-26-17, 09:27 AM |
Re: ** واحدة من ثمار القرارات السعودية بالنسبة | ابوحراز | 07-26-17, 11:40 AM |
Re: ** واحدة من ثمار القرارات السعودية بالنسبة | ياسر منصور عثمان | 07-26-17, 09:43 AM |
Re: ** واحدة من ثمار القرارات السعودية بالنسبة | Hatim Alhwary | 07-26-17, 10:45 AM |
Re: ** واحدة من ثمار القرارات السعودية بالنسبة | ابوحراز | 07-27-17, 05:49 PM |
Re: ** واحدة من ثمار القرارات السعودية بالنسبة | ابوحراز | 07-27-17, 06:23 AM |
Re: ** واحدة من ثمار القرارات السعودية بالنسبة | ابوحراز | 08-08-17, 06:43 AM |
Re: ** واحدة من ثمار القرارات السعودية بالنسبة | Khalid Elsayed | 07-26-17, 10:48 AM |
Re: ** واحدة من ثمار القرارات السعودية بالنسبة | ياسر منصور عثمان | 07-26-17, 11:14 AM |
Re: ** واحدة من ثمار القرارات السعودية بالنسبة | علي محمد الفكي | 07-26-17, 11:21 AM |
Re: ** واحدة من ثمار القرارات السعودية بالنسبة | willeim andrea | 07-26-17, 02:57 PM |
Re: ** واحدة من ثمار القرارات السعودية بالنسبة | Abu Baker Ahmed Abdel Rahman | 07-26-17, 04:26 PM |
Re: ** واحدة من ثمار القرارات السعودية بالنسبة | ابوحراز | 08-17-17, 06:00 PM |
Re: ** واحدة من ثمار القرارات السعودية بالنسبة | ابوحراز | 08-07-17, 11:56 AM |
Re: ** واحدة من ثمار القرارات السعودية بالنسبة | ابوحراز | 07-28-17, 08:30 AM |
Re: ** واحدة من ثمار القرارات السعودية بالنسبة | ابوحراز | 07-27-17, 05:56 PM |
Re: ** واحدة من ثمار القرارات السعودية بالنسبة | محمد فاروق عبدالله | 07-26-17, 04:40 PM |
Re: ** واحدة من ثمار القرارات السعودية بالنسبة | محمد عمر جبريل | 07-26-17, 04:54 PM |
Re: ** واحدة من ثمار القرارات السعودية بالنسبة | حمد عبد الغفار عمر | 07-26-17, 05:58 PM |
Re: ** واحدة من ثمار القرارات السعودية بالنسبة | ahmedona | 07-26-17, 06:35 PM |
Re: ** واحدة من ثمار القرارات السعودية بالنسبة | ابوحراز | 08-19-17, 07:44 PM |
Re: ** واحدة من ثمار القرارات السعودية بالنسبة | عمر السلمة | 07-26-17, 07:31 PM |
Re: ** واحدة من ثمار القرارات السعودية بالنسبة | Yasir Elsharif | 07-26-17, 11:23 PM |
Re: ** واحدة من ثمار القرارات السعودية بالنسبة | ياسر منصور عثمان | 07-27-17, 11:53 AM |
Re: ** واحدة من ثمار القرارات السعودية بالنسبة | مني عمسيب | 07-27-17, 12:13 PM |
Re: ** واحدة من ثمار القرارات السعودية بالنسبة | ابوحراز | 07-30-17, 06:17 PM |
Re: ** واحدة من ثمار القرارات السعودية بالنسبة | Ahmed Alim | 08-08-17, 10:55 AM |
Re: ** واحدة من ثمار القرارات السعودية بالنسبة | almulaomar | 08-08-17, 07:29 AM |
Re: ** واحدة من ثمار القرارات السعودية بالنسبة | ابوحراز | 09-10-17, 08:28 PM |
|
|
|