|
Re: حج هذا العام مبالغة (Re: أحمد الشايقي)
|
🕋 🕋 * خالتو ليلي الدارتحج. *
خالتو ليلى الدار تحج.... تزرع نهار.. تقلى الجرم .. ماشي وسط الليل تفج.. كايسي الرزق .. رزق الحلال.. تعب الرجال.. عرق النضال.. في حر شديد كتاحة يوم ايام غبار .. وايام كمان زي التلج.. يااخوانا ماداير تحج...!!! خالتو ليلى ولا بتقول... للناس فتر! خالتو ليلى تصوم ستوت حتى الخميس ... في الليل تساهر وتنتظر فوق البرش وفي الوقفة تبكي وتتنخج.. تطرى المشوا وقطعوا البحر.. (ياحليلنا نحن متين نحج) لبيك ليك ياالله ليك ... وتااااني تبكي وتتنخج.. وخالتو ليلى تلم جنيه وتخت جنيه... دايرالا صبحا ينبلج.. وتلقالا فرصة تروح هناك.. ولمان قروشا خلاص كفت.. يامروي هووووي .. يامروي جيتك للجواز.. ياولادي داير امشي الحجاز وفي ايدا شايلي من الحراز.. ياحليلة تتوكا وتقيف .. (ياربي سهل يالطيف) وماشي بين الناس تفج.. خالتو ليلى الدار تحج... ويومين تلاتة وجاها زول شايل الجواز ... زغروتة بي صوتا اللي راح في تعب السنين.. ومرقة الليل والصباح... دا كلو عشان تحج... خالتو ليلى في يوما داك.. حست الكون يبتسم.. وبالا يادوووب استراح.. ايام تجهز شان تحج.. وياسلام .. تمشي المقام . احرام وزمزم والحمام... وتطوف كمان .. وفوق عرفةتنده تبتهل ياالله شكرك ياالسلام .. ونامت فرح خالتو ليلى من العشي... وحلمت كتير حلمت كتير.. بالكعبة... حلمت بالبقيع ... شبك النبي الهادي الشفيع.. والسعي والصفا والخلق... مرات تهرول ودار تفج.. وطافت كمان .. ودا طواف وداع... وحلمت تخمخم في السبح الطواقي لي ناس البلد ... وحاجات كتار للشفع اللسع (سغار)... والمساويك الكحل.. الجلاليب العمم.. طرح البنات.. وخالتو ليلى تبكي وتتنخج.. وايام مضت.. قالوا الناس تقدم للسفر. شالت قروشا العن سعاد وجاها الخبر... الحج مدبل مرتين يعني القروش العن سعاد لازم يكونن مرتين وازيد كمان.. لازم تخت قدر القروش الليها لمت من سنين .. خالتو ليلى اترايمت... وسنونا ترجف وتتكرج.. خالتو ليلى اقيفي فوق... نادت سعاد.. الحقوني انا ياخلوق... خالتو ليلى استغفرت .. يسألني الله اشهدت.. وفجأة الطير نزل غطاها هايج وداك يوج والحلي والحلال جميع متلمي تبكي وتتنخج.. ياحليلة حجت في الخيال والناس دي جات من كل فج... خالتو ليلى ماتت وودعت.. ماتت عشان عجزت تحج.. ياحليلة كانت دار تحج.. حقك معلق في الرقاب حيكومة كان ناس كتر والله يعيق الدار يضر.. ياحليلة ماتت لا حبوب تحمد الله ولا بنج... ويا خالتو ليلى مع السلام والنيي اقوى من العمل.. ربك كريم نيتك كفاك عزك صفاك كرمك نداك طهرك بهاك وياحليلو داك الخم مالنا وماشي قادل دار يحج والنارهناك محروسة وقادة وتقج.. وحاجة ليلى حجت في الخيال وماتت غلب ماتت عشان عجزت تحج.....
*عبدالقادر محمد عبدالقادر *مروي...7/7/2017الجمعة الساعة 9مساء
|
|
|
|
|
|
|
العنوان |
الكاتب |
Date |
حج هذا العام مبالغة | عبدالحفيظ ابوسن | 07-06-17, 07:35 PM |
Re: حج هذا العام مبالغة | sadig mirghani | 07-06-17, 07:37 PM |
Re: حج هذا العام مبالغة | عبدالحفيظ ابوسن | 07-06-17, 08:07 PM |
Re: حج هذا العام مبالغة | جلالدونا | 07-06-17, 08:24 PM |
Re: حج هذا العام مبالغة | عبدالحفيظ ابوسن | 07-06-17, 10:02 PM |
Re: حج هذا العام مبالغة | Haytham Ghaly | 07-06-17, 11:38 PM |
Re: حج هذا العام مبالغة | عبدالله عثمان | 07-07-17, 01:53 AM |
Re: حج هذا العام مبالغة | عبدالحفيظ ابوسن | 07-07-17, 03:34 AM |
Re: حج هذا العام مبالغة | عبدالحفيظ ابوسن | 07-07-17, 03:35 AM |
Re: حج هذا العام مبالغة | Muhib | 07-07-17, 10:44 AM |
Re: حج هذا العام مبالغة | عبدالله عثمان | 07-07-17, 02:25 PM |
Re: حج هذا العام مبالغة | Asim Ali | 07-07-17, 02:49 PM |
Re: حج هذا العام مبالغة | عبدالحفيظ ابوسن | 07-10-17, 08:26 AM |
Re: حج هذا العام مبالغة | عبد العزيز محمد عمر | 07-10-17, 09:52 AM |
Re: حج هذا العام مبالغة | البرنس ود عطبرة | 07-10-17, 10:12 AM |
Re: حج هذا العام مبالغة | عبدالحفيظ ابوسن | 07-10-17, 10:25 AM |
Re: حج هذا العام مبالغة | علي محمد الفكي | 07-10-17, 11:32 AM |
Re: حج هذا العام مبالغة | عبدالحفيظ ابوسن | 07-10-17, 11:40 AM |
Re: حج هذا العام مبالغة | أحمد الشايقي | 07-10-17, 12:23 PM |
Re: حج هذا العام مبالغة | عبدالحفيظ ابوسن | 07-10-17, 02:41 PM |
Re: حج هذا العام مبالغة | عبدالحفيظ ابوسن | 07-11-17, 09:36 PM |
Re: حج هذا العام مبالغة | عبدالحفيظ ابوسن | 07-12-17, 03:07 AM |
|
|
|