حبيبنا..عمر نملة..الصديق الدايرين نصادقو رغم انفو..!! ما تستعجل يا صاحب..وانت زول قاعدين نقتدي بيهو كتير في ثقافة ضبط النفس (ولا انت نسيت فكرة الجري الرياضي ياعمر القاعد تمارسها في حياتك اليومية؟).. ابكر الطويل ..دي هويتو القاعدين نعرفو بيها..او المستنير..او دكتور النوق (البيطري) كما يعرفه بعض ناس المنبر..!!..ما تعصر عليهو يا عمر..صحيح الزول ده غياظ..لكن ضع في الإعتبار..انو داير يثبت حاجات بمنطقو الخاص ..وفاتت عليهو حتة (السوسيولوجيا القدينا بيها حاتم ابراهيم ذات بوست ساكس..فقام اعتبرها ثرثرة مثقافتية ساكت)...!
ما عندك مشكلة يا عمر..فوق لإحتقارك..انا القدامك ده ممكن اتف ليك في وش ابكر الطويل..واتصارع معاهو وارميهو ليك في التراب..وادوس على راسو في التراب..وصاحبك يقوم يطلعني كيت ساكت..ويقول لي : يا غرابي يا حاقد..شغلك ده هظار ساكت..لكن ممكن يحزن على فكرة احتقارك ليهو..!! عارف يا عمر نملة..ذات يوم..في حتة اسمها قاعة الشارقة بجامعة الخرتوم..الحتة ممكن تحددها وتشوفها بالجي بي اس..!!..كانت حفلة المغني فيها فنان سوداني اسمو مصطفى سيد احمد..وده مش مهم يا عمر..!!
كان في زول سوداني عادي وطيبان للغاية..ولمن كنا عيال وبنات الجامعة..بنتسابق لحيازة المقعد الأول..المعقد القريب من الفنان ،و هو مصطفى سيد احمد..كان صاحبنا يدشن ثقافة (الضهب) في ابهى تجلياتها..لم يسابقنا على المقعد الأول في مقاعد قاعة الشارقة البهية (قاعة ياعمر نملة ممكن تختبرنا فيها بالجي بي اس )..وكان دكتور ، كامل الدسم ، يا عمر نملة..دكتور بالباب العديل..تخصصو..استاذ ادب روسي..بيقعد ، وكل مسكنة في حافة مسرح الصالة قدام مصطفى سيد احمد..!! ونحن نسينا حكاية المتخصص والمؤهل في الأدب الروسي..واكتفينا بكلماته لمن قال لينا (حلوة عينيك)...!
الزول ده يا عمر نملة..احد المتداخلين في الخيط ده..!!!!
اعظم مدرس رأيته في حياتي..وانا عندي تجربة تفوق قرابة العشرين سنة في التعليم النظامي في امسودان..نفس الزول يا عمر نملة..قاعد قدامي ..وبيتفاهم مع الخلق هنا كلها..!!
نحن ، الناس البتختلف مع حاتم ابراهيم..مش همنا التأهيل والوريقة البتمنحها مؤسسات ما..بقدر ما بيهمنا الإنسان التحت..الإنسان البيقول عننا ويكتبنا..ومش مهم سواءا كان يوسف الموصلي او استاذنا الجميل بتاع (حلوة عينيك )..!! عموما يا قريبي..ده مصطفى سيداحمد..ونحن الناس البعد مصطفى يا عمرنملة..ومعاك دكتور محمد الأمين موسى..! ياربي الحفلة بتاعة مصطفى سيد احمد ..كان فيها ناس منو عضوية المنبر؟؟؟.. غايتو انا بجيب ليكم سيرة العريبي بدر الدين الأمير...واخي الأصغر (الضلامي) معتز ابراهيم خلف الله القريش...!!! نحن يا عمر نملة ما بنعصر على حاتم ابراهيم.و.ياها دي معاييرنا يا قريبي..!! ياخي معتز القريش لو غالطناهو بنجيب ليهو اشغالو..خليك من الموصلي بتاع سنة دو داك..!! وألأغرب يا عمرنملة..الشاعر الكتب (حلوة عينيك زي صحابي) ..اهو حايم قدامك وقدامنا هنا في الخيط ده..ومافي زول قايل ليهو جيب مؤهلك البخليك عشان تكتب (حلوة عينيك)..!!!! ويبقى على قول حبيبنا ، الحبشي..دكتور محمد اي سليمان..المعيار شنو؟.. وحتى لا ننسي يا محمد حيدر المشرف..المنبر ده ..من بعض الأعضاء فيهو عاصم الطيب قرشي ، وليد يوسف ، محمد زكريا..ودكتور بشرى سليمان..!! وده شرطنا يا صديقي عمر نملة واصدقاؤونا عبد العظيم ومحمد موسى..نحن بنحاكم الناس بالتجربة العشناها وشفناها قدامنا عيانا بيانا..وحاتم ابراهيم ماشفنا ليهو التكتح..وعشان نثبت حجتنا...كل زول سوداني شفناهو قدامنا بنديكم نموذج من تجربتو..!!..والفارغة يتمها الله يا قرايبي..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست