زمان سمعنا كلام المسطول القال "ثلاث باءات هن نعم الدنيا: البيبسي والبنسون والبنز " وجار الزمان على مغتربي السعودية وبقى تفتح بيبسي وتخلي تلتو تاني مافي... لازم لاخر قطرة او تجرب تغيرلي "بي كولا" المحلي اللسا ارخص تطفي السجارة ولسا فيها باقي سنتمتر او بوصة على الفلتر ...مافي... تشرب لحد ما تحس بالسخانة في الشفة او تجرب سجاير البنقالة اللما مفهومة وما غلت خالص بالجد الناس بقت بتطلب من السودان سجاير وبي عيني شفت عند ناس مرسلين ليهم البنسون ابو عشرة حبات الصيني جاي من السودان يلا اذا الموضوع فات حدو حنشوف بدل الطلح والشاف باكويات البرنجي... وما بعيد يتهرب السجاير الما معروفة مهربة من وين وخشت السودان لا والاغرب انو التمباك برضو زاد بعد ما اكتسب الناس الراجعة ليهو بعد ما كانت هجرتو للسجاير الاجتماعي شوية طبعا كون انو الموضوع دا مقصود بيهو الصحة والامش عارف ايه اصلو ما خاشي راس الناس البتدخن واكلوها في حنانم وانطموا وفي ناس اسمهم "الدرباوية" هم المتضررين من موضوع مشروبات الطاقة ياكلوها في حنانم او بدل يسرقو كفرين في الاسبوع يخلوها اربعة محن ...بس ...بلدياتي قال : الواحد بعد دا يمشي اجازات السودان عشان يتجددددددع بالسجاير ويقول "اهو نحن احسن من السعودية في حاجة" التقيل زي ما بقولوا ورا ... بتاع البنزين ورسوم المرافقين ... الله يجيب العواقب سليمة
. . .
العنوان
الكاتب
Date
الناس ضحايا "الانتقائية" في السعودية بقو بطلبوا سجاير من السودان !!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طاهر بدر
فيس بوك
تويتر
انستقرام
يوتيوب
بنتيريست