|
Re: معاوية الزبير إلي برلين مستشفيا (Re: قسم الفضيل مضوي محمد)
|
بالسلامة والعافية والتعافي يا أخي معاوية هذا الإجماع يدلك على مكانتك في نفوس الناس ليس ذلك بهبة من أحد ... فهو كسبك المتأتي من الإستقامة في القول والصرامة في الرأي والتسامي عن الصغائر عد كما كنت نضراً ومفيداً لمن حولك وعد لأهلك الذين يحق لهم الإحتفاء بك
صحة وعافية يا زول يا جميل.
| |
|
|
|
|
|
|
Re: معاوية الزبير إلي برلين مستشفيا (Re: kamal omer)
|
=
أمنيات الشفاء العاجل للأخ الإنسان معاوية الزبير ونرفع أكف الرجاء بأن يعود العزيز معاوية بالسلامة معافى إلى أهله وأسرته في وطنه الكبير السودان وأن ينهض كعادته ويواصل قدلاته نشطاً خفيفاً وريفاً بين أحبابه في ربوع وطنه الصغير سودانيزاونلاين.
التحية لكم يا مدير ... .. .
| |
|
|
|
|
|
|
Re: معاوية الزبير إلي برلين مستشفيا (Re: راشد سيد أحمد الشيخ)
|
arسلام يا معاوية من القلب وكما الجميع في هيذا البوست الطيب اهله اتمني ليك رحلة استشفاء ناجحة مية المية المتلك قليل و الاحتياج ليك كتير و ان شاء الله انتظار اهلك و اصحابك ما يطول وترجع للكتابة و التواصل اليومي والدفع اليومي للتقدم و الصفاء و الجمال ترجع قريبا بالسلامة
| |
|
|
|
|
|
|
Re: معاوية الزبير إلي برلين مستشفيا (Re: راشد سيد أحمد الشيخ)
|
سلام يا معاوية من القلب وكما الجميع في هيذا البوست الطيب اهله اتمني ليك رحلة استشفاء ناجحة مية المية المتلك قليل و الاحتياج ليك كتير و ان شاء الله انتظار اهلك و اصحابك ما يطول وترجع للكتابة و التواصل اليومي والدفع اليومي للتقدم و الصفاء و الجمال ترجع قريبا بالسلامة
| |
|
|
|
|
|
|
Re: معاوية الزبير إلي برلين مستشفيا (Re: محمد محمد قاضي)
|
حبيبنا ود الزبير .. ياخي بعد الشر علييييييييييك .. وشرك مقسم فوووق الدقشم .. ولأباس علييييك . ونسأل الله ان يشفيك ويعافيك ويلبسك توب العافية . وعملية ناجحة باذن الله ..
اما بعد : لك التحية والتقدير واصدق الامنيات .
واخيرآ : نحن بنجبك عشان كدي الحبة ما بتجيك .
ودمت بدواح الصحة والعافية .
| |
|
|
|
|
|
|
Re: معاوية الزبير إلي برلين مستشفيا (Re: عبدالحفيظ ابوسن)
|
سلام يا عبد الحفيظ والتحايا لمعاوية
يبدو أن رسائلي لمعاوية لم تصل إليه.. بالإيميل وبالمسنجر الداخلي لسودانيز أونلاين. لو كانت لديك أرقام هاتف أرجو أن تكتبها لي في المسنجر فأنا أحاول الاتصال به ولم أفلح. أرقامي لديه ولكن يبدو أنه لم يتمكن من الاتصال بي لسبب من الأسباب.
ياسر
| |
|
|
|
|
|
|
Re: نعى اليم ...... سودانيز اون لاين دوت كم تحتسب (Re: محمد عبدالله مختار)
|
اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه اسـأل الله العظيم رب العرش العظيم أن يشفيه
| |
|
|
|
|
|
|
Re: معاوية الزبير إلي برلين مستشفيا (Re: محمد أبوجودة)
|
لقيت فرصة محدودة للدخول للنت اولا ثم المنبر ثانيا، فااا محتار انتهزها في شنو حسنا،، في رحلة الذهاب الى برلين شاهدت الفيلم ذاته مرتين و أعدت مشاهدة اجزاء منه عدة مرات، متعة التمثيل جسدتها الأميركية الستينية الرائعة جوليان موور في فيلمها الحائز على أوسكار احسن ممثلة غصبا عنهم Still alice
ما عرفت ليهو ترجمة ظابطة، لكنها قصة استاذة جامعية لها ثلاثة أبناء تصاب بزهايمر مبكّر وتجاهد باقي عمرها وباقي الفيلم ان تبقى كما هي اليس still alice وللاحتياط قبل ان تفقد ذاكرتها نهائيا تسجل لنفسها مقطع فيديو يذكرها كيف تنتحر حتى لا تجعل حياة اسرتها بائسة، عندما تسوء حالتها، لكنها تفشل في الانتحار القصة ما في القصة إنما التمثيل، الذي يفوق اي واقع اداء لا يوصف، يجعلك تتاكد انو الناس لو خلوها تختار طريقة حياتها براها اي بالطريقة التي أدت بها جوليان دورها التمثيلي وليس دورها الطبيعي في الحياة ستعيش كما تشتهي وتكون أفضل حالا بما لا يقاس من المرات مما تعيشه مجبورة بمعنى اننا سنكون اصدق اداء للحياة لو تركونا نمثل أدوارنا في الحياة، لا ان نعيشها كما كتبت لنا، الصدق ثم الصدق ثم الصدق
طبعا مسكنات الالم تجعل الواحد مشتت الذهن،، فمعذرة
الحاجة التانية العملتها بعد وصولي برلين و اثناء اجراء فحوصات التحضير للعملية اعدت قراءة رواية الخلود للأديب الفيلسوف التشيكي ميلان كونديرا للمرة الرابعة
فااا. البحب النبي اي نبي، أرجوه أرجوها مشاهدة الفيلم وقراءة الرواية
أشكركم بما يفوق حد الوصف لكتاباتكم الصادقة عن إنسان متخيل في أذهانكم الجميلة و ليس في الحقيقة
| |
|
|
|
|
|
|
Re: معاوية الزبير إلي برلين مستشفيا (Re: معاوية الزبير)
|
حمدلا بالسلامة يا صاحب افرز ياخ منو المتخيل لو عادت بي الايام للماضي لكنت اكثر تمردا لاستمتعت بمراهقتي كما يجب وارتكبت كل الموبقات التي يعزوها الناس ل جهلي شاهدت فلما غيره لا اذكر ابطاله مرة و راجل بحبو بعض صدفة . الرجل كان نزقا مغامرا وفي لحظة درامية يكتشف ان حبيبته مصابة بالسرطان كما هو ويقنعها بتلك الحياة البوهيمية رغم صرامتها في الحياة ف الحياة قصيرة فيفعلان كل ما رغبا فيه كالاطفال . بعض الرغبات كانت طفولية جدا االفلم ملئ بالمشاعر والاحاسيس المرهفة ملئ بالحب ف يا صاحبي كلنا مصابين بالسرطان سرطان الموت فلنعب من الحياة عبا ولنستغل هدية الحياة ان نفعل ما يروق لنا عشنا كل حياتنا محاطين بأسوار من صنع غيرنا وكثيرا من صنعنا ف شنو عد معافا سعيدا فرحا وسلام
| |
|
|
|
|
|
|
Re: معاوية الزبير إلي برلين مستشفيا (Re: ست البنات)
|
لا بأس طهور يا عزيز في البال نصلك بي قدمنا لكن " القدم ليو رافع" ومجتهدين مشكور ود أب سن على توفير المعلومة
ست البنات ركزي معانا "ود الزبير" يبدو إنك أو زول تاني دقس وخلط بين الزبير والمدير في مناسبة أخرى معذرة يا ود الزبير نرحب ب "ست البنات" إسم على مسمى مرة تانية ___ الحليلة
| |
|
|
|
|
|
|
Re: معاوية الزبير إلي برلين مستشفيا (Re: مني عمسيب)
|
اللهمّ اشفه شفاءً ليس بعده سقمٌ أبداً، اللهمّ خذ بيده ، اللهمّ احرسه بعينك التّي لا تنام ، واكفه بركنك الذي لا يرام ، واحفظه بعزّك الّذي لا يُضام ، واكلأه في الّليل وفي النّهار، وارحمه بقدرتك عليه أنت ثقته ورجاؤه ، يا كاشف الهمّ ، يا مُفرّج الكرب ، يا مُجيب دعوة المُضطرّين ، اللهمّ ألبسه ثوب الصّحة والعافية عاجلاً غير آجلٍ، يا أرحم الرّاحمين ، اللهمّ اشفه ، اللهمّ اشفه ، اللهمّ اشفه ، اللهمّ آمين ،
،،،
عزالدين عباس الفحل ابوظبي
| |
|
|
|
|
|
|
Re: معاوية الزبير إلي برلين مستشفيا (Re: عبدالحفيظ ابوسن)
|
Quote: دايرين سيلفي مع الممرضات عشان نشوف مستوي التمريض كيف |
هههههه .. العب غيرا .. أمبارح اتصل علي ود الزبير بعد كلمو جارا لي قريبو بأني متوعك شوية .. قتلو ياخي بعيد عنك عصرني ليك وجع بطن .. أيو والله وجع بطن الوااحد داك .. الكنا بنمشيبو لى بتاع الشفخانة يمدلنا كاسة بيضة صغيرونة .. ملانة مزيج لونو زي موية الغرض إلا حلو .. نكتحو ؤ نرجع نلعب عادي.. الوجع ساهر بي ؤ زنقني لامن جابو لي الطوارئ في البيت .. جني دكتورتين على قول كبر ( اسكت ساكت) .. قعدن جنبي واتزنقن علي يجسن بطني ويسألن .. المدام الله يديها العافية زي دخلت تشوفلهن ضيافة .. إلا أنا عارفا هربانه تشوف جنس السلفي دا .. مرقتن البطن دي التقول هبشا الخدر .. كان ما خايف على صيامك زيادة على البلاوي المحدوفة عليكم ـ ربنا يحفظكم .. كان سويتا ليك .. ود الزبير بإذن الله أمورو سلكت .. قادر يا كريم تتم ولادتو الجديد ؤ يرجع صاغ سليم لأهلو .. إلا كمان شايفو طمعان .. قال أيه عايز الجراح بالمرة يشطبلو خمستاشر سنة .
| |
|
|
|
|
|
|
Re: معاوية الزبير إلي برلين مستشفيا (Re: محمد على طه الملك)
|
Quote: دايرين سيلفي مع الممرضات عشان نشوف مستوي التمريض كيف |
سيلفي شنو كمان يا حفيظ اخوك خبرتو بالإسمارت فون ما تعدت أسبوعين، يا دوبك بتعلم في "قبول" المكالمة لكن من ناحية مستوى التمريض فهو عالي أحيانا ومنخفض حينا، حسب نوع الكشف
يا مولانا الملك الناس ديل صراحتهم تصل درجة الوقاحة قلت للدكتور ممكن أرجع "زي ما كنا أول" قال لي ولا تفكر YOU WILL NEVER BE THE SAME AGAIN
بالمناسبة سلامتك ياخ، وأنصحك باللجوء للدكتور الشعبي (على وزن الفنان الشعبي) حمد عبد الغفار "يمكن تلقى وصفة تنفع" جرثومة المعدة اللعييييينة .. حاجة تخفف الألم الفظييييع مع الاعتذار للأغنية
| |
|
|
|
|
|
|
Re: معاوية الزبير إلي برلين مستشفيا (Re: معاوية الزبير)
|
هههههه .. يا معاوية ناسنا ديل مشكلتم ما عندهم إن شاء الله .. يختوها ليك في وشك على بياض .. أتذكر قبال سنوات كان في لاجئ عراقي عندو مشكلة كلى وأتقررت ليهو عمليه .. بعد العملية العراقي شم العافيه .. هو لسه في المستشفى قعد يزن ليهم يكتبو ليهو تقرير عشان ما يرجع الكامب .. عايزم يخصصوا ليهو وأسرتو سكن منفصل .. لما غلبتو الحيلة قال للدكتور نظام تهديد ؤكدة .. إذا بترجعوني الكامب أنا برمي روحي من الشباك دا .. الدكتور أصلو ما كضب مشى على الشباك فتح الضلفتين وقال ليهو .. This is your wish. ..
ياخي دكتورنا الشعبي قاصرو الاختصاصيين قعد يرترت.. نشوفك طيبان ؤ رويان بإذن الله.
| |
|
|
|
|
|
|
|