|
Re: هل تقبل بتسليم عمر البشير للمحكمه الجنائي (Re: محمد حيدر المشرف)
|
التحية لمفترع البوست وضيوفه الكرام
الاستفتاء في التواصل الاجتماعي لايجدي فتيلا ولو سألت اصحاب الوجعة (اهل دارفور) لنبؤك بالخبر اليقين...
في القانون في جاني (البشير) ومجنى عليه (ناس دارفور) وشهود(بقية السودانيين)
السؤال الافتراضي للشهود في قضية دارفور كالاتي:
هل تشهد بان المدعى عليه (البشير) مسؤول مسؤلية مباشرة عن قتل وتشريد مجموعات اثنية في دارفور (ما مهم كم نفر...هو غايتو معترف بي عشرة الف في تسجيل تلفزيوني اعتقد) نعم ولا لا
يلا يتحاكم وين ويحكم عليهو منو دي يحلوها ناس دارفور لانهم هم الفتحوا البلاغ والبشير عندو حق قبول ولا رفض المثول امام المحكمة والمحكمة عندها حق اتخاذ الاجراء المناسب حيال ذلك.
يلا ونستنا دي كشهود زي ناس البيت لمن ولدهم يسرق سرقة ولا يقتل زول...يمشو يتلمو قدام الحراسة بي عكاكيزهم...لا لا ولدنا ما بنسلمو للقاضي الفلانى او للمحكمة الفلانية
ياخي زول قتل ولا سرق ولا عمل ليهو مصيبة زمان ...خلوهو يمشي يتحلل ياخ عسى ولعل تبقى ليهو كفارة قبل الموت
زول مقر بارتكاب الجريمة (قتلنا اهل دارفور لاتفه الاسباب-يوتيوب) ما مفروض يكون عندو اهلية ولا سيادة ولا رمزية
ـــــــــــــــــــــــــــــــــ
في مسألة التحكيم لقضية حلايب عاااااادي بنمشي للكفار الماعادلين ديل ....
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: قلقو)
|
اتباع الإنقاذ البيقولو بنفديهو بالدم.. كضابين لما البشير زروهو في جنوب افريقيا.. ما طلعت مظاهرة واحدة تطالب بإطلاق سراحه.. بينما عمت العالم مظاهرات السودانيين المطالبة بإكمال تسليمه
يكونوا الجماعة في الوقت داك بدأوا يفكروا في وراثته أو مخارجة أنفسهم
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: كمال عباس)
|
..على تاج الدين على ~~ ومحاكم الداخل واللجوء والهروب من جحيم الانقاذ وقضاتها!! السيد علي تاج الدين لاجئ هرب من حكم قضائى ( الردة) ! نعم هرب من قانون وقضاء الانقاذ وحكومة الانقاذ هرب مستقويا ومستنجدا بالخارج خوفا علي حياته ~ من جور القانون والقضاء والحاكم! والمفارقة انه لم يجد ماوي سوى الغرب النصراني وهولندا مقر المحاكم الدولية الدولية ! بطبيعة الحال لم ينتظر سقوط الانقاذ وعودة دولة القانون والقضاء العادل والحاكم الشرعي ! و الان بعد ان امن علي حياته ونفسه عاد الخارج (عنده) جائرا وظالما وقضاء وقانون الانقاذ واحة للعدل والطمانينة ! لسان حال صاحبنا يقول انتظروا البشير فليستمرالبشير في قتل وتعذيب اهلكم وتشريدهم وانتظرو حتي يسقط نظامه او يموت وبعدين امشوا المحاكم ! واللا ما للا محاكم السودان هسي! اتركوا الجلاد د يشرع في القتل ويغمد سكينه في قلب الضحايا وانتظرو انتو مستعجليين ليه هي الناس بتكمل ؟ * علي تاج الدين انت غير مؤهل للحديث في هذه المسالة ! فانت تفتقر للاتساق وتتعدد موازينك فمن يحتمي ويستنجد بالخارج ~ هربا من قانون وحكام وقضاة الداخل الجائر غير مؤهل لمطالبة الضحايا واهلهم بعدم اللجوء لمحاكم لاهاي وعدم الثقة بمحاكم الداخل وحكامه وفوق مطالبة من تسل السكين وتصوب نحو عنقه بالانتظار حتي يسقط او يموت البشير !
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: aosman)
|
لا أقبل ولكن لا مانع لدي أن يمثل البشير أمام المحكمه وبرفقته كمتهمين ايضا" كل قيادات حركات دارفور المسلحه وكل ناشطي دارفور في الدياسبورا وكل من ساهم في تأجيج الصراع سواء كان بالتبرع او التأييد أو اتخاذ قضية دارفور كمطيه لتغيير النظام في الخرطوم وأخص هنا قيادة الحزب الشيوعي والحركة الشعبية شمال وجنوب بالإضافة لي قيادات جنوبيه ساهمت في إيواء وتسليح الحركات المسلحه .... كلهم قتله ويستحقون المثول أمام المحكمه الجنائية.
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: Mohamed Adam)
|
المصوتين ب نعم 1/ Mohamed Adam 2/ Hatim Alhwary 3/ محمد البشرى الخضر 4/ طه جعفر 5/ Haytham Ghaly 6/ علي دفع الله 7/ Osama Mohammed 8/ elsawi 9/ Nasser Amin 10/ Nasser Amin 11/ عبدالمنعم الطيب حسن 12/ Mohamed Suleiman 13/ Abdelaziz Yagoub 14/ خالد العبيد 15/ Khalid Kodi 16/ معاوية المدير 17/ الباقر ابوبكر ابراهيم 18/ Yasir Elsharif 19/ أيمن محمود 20/ علاء سيداحمد 21/ Saifaldin Fadlala 22/ مني عمسيب 23/Hasheem Karouri 24/ خالد حاكم 25/ عمر التاج 26/ عثمان الأمام 27/ كمال عباس 28/ محمد الامين محمد 29/ عادل الباهي عبدالرازق 30/ Elbagir Osman 31/ أنور أدم 32/ elhilayla 33/ جمعة هري بوش 34/ بله محمد الفاضل 35/ MOHAMMED ELSHEIKH 36/ Yousif AHMED 37/ Kostawi 38/ عادل البراري 39/ Ahmed Alim 40/ محمد حيدر المشرف 41/ قلقو
.......................................... المصوتين ب لا 1/ حسن حماد محمد 2/ ود الباوقة 3/ صديق مهدى على 4/ أحمد محمد عمر 5/ محمد الزبير محمود 6/ بدر المعارف محمد المساعد 7/ أمير محمد أحمد أبيض 8/ محمد جلال عبدالله 9/ أحمد علاء الدين 10/ محمد عبد الله الامين 11/ د احمد حمدان 12/ حماد الطاهر عبدالله 13/ لطفى العمده 14/ محمد الهادى عبد الرحيم 15/ التيجاني عبد الباقي 16/ Abdullah Idrees 17/ مامون المعتصم أحمد 18/ ghariba 19/ Gaafar Ismail 20/ Anas Babekr 21/ ادم شحوتاي 22/ aosman 23/Salah zubeir ..........................................
أشكر الإخوه علي ملاحظة ذلك الخطأ ولفت إنتباهي له في الوقت المناسب..
حدث ذلك، لأني وجدت صعوبه في ترقيم الأسماء باللغه العربيه والإنجليزيه في آنِ واحد، بالذات لما نسخت الأسماء من المداخلات الواحده تلو الأخري ثم وضعتها علي صفحه مخصصه بالواتساب وبعد ذلك حولتها للبوست هنا مما نتج عنه تلك الاخطاء والتي لم إكتشفها لولاهم.
نأمل ان تتقبلوا خالص إعتذاري لتلك الأخطاء التقنيه ... كما، اكرر شكري لإخواني الذين لفتوا إنتباهي.
من الجانب الآخر، نجد هذا الخطأ الغير مقصود ورصده من قبل الزملاء يعتبر دليل قاطع علي ان قنوات التواصل الإجتماعي تحمل قدر عالي من المسئولية والشفافيه وممكن الناس تعول عليها في ممارسة حق الخطأ والصواب(الديمقراطيه) حيث كل شيء مبذول امام الجميع. لا سر ولا أسرار كما انو مافي زول هنا يقدر يزور إرادة احد كل شيء واضح ودوقري(الصندوقين فاتحين علي الهواء الطلق) أضع صوتك حيث تشاء في خانة نعم او في خانة لا. والباب مفتوح للتنافس الحر برر للبشير قول عنه رمز وطني من رموز السياده او برر لوقول عنو زول متهم بقضايا إباده جماعيه او قول عنه، زول مجرم حرب وهارب من العداله الدوليه وبموجب الكلام دا هو مكنكش في السلطه لحماية نفسه وليس لحماية الوطن والمواطن. ..
هذا حق من حقوقك، فمارسه بحريه كامله. ولو حصل اي خطأ تأكد أنه غير مقصود وممكن معالجته بكل رحابة صدر. حتي الآن، ياريت أكون قد ضبطت تلك الأخطاء. الكل ممكن يشارك في عملية الإحصاء الناهئيه، لمحاكمة البشير او لبرائته!. بالذات الصديقين هيثم وحاتم لو سمحتو مطلوب منكما مراجعة الأصوات.
كل التقدير.
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: عماد الدين الطيب عمر)
|
السلام عليكم ... أهم عامل لاستطلاع الرأي حول قضية معينة ، مفقود في هذا الاستطلاع... وهو عامل السرية ... فمن المفترض أن لا أعرف ماذا صوت من قبلي ... ملاحظة أخرى أن الصوتين 9 و 10 مكررات لمجموعة المصوتين بنعم Nasser Amin ... أرجو مستقبلا من الاخوة اخضاع عملية التصويت حول أي قضية للسرية التامة حتى تتمتع عملية التصويت بالنزاهة ...
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: سامر دوشه)
|
يا محمد ادم ياخوي تخت ال "لاء" بتاعتي مع "لاءات " غريبة وود الباوقة في سرج واحد ؟
دي لاء مختلفة تماما ، تصنيفها براهو .. مش ممكن اقبل للبشير يتسجن في سجن آدمي تتوفر فيه كل احتياجاته ، يعني مركز ايواء مسنين او مستشفى 5 نجوم او شيء من هذا القبيل ، لو ناس لاهاي بوفروا لينا فيران وقمل وكراع كرسي في سجونهم ، نعم اوافق ..
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: Mohamed Adam)
|
التحية للجميع ..
وهذا بياننا بالعمل .
مسيرة هادرة توجهت ضهر الثلاثاء 11\4\2017 من لاهاي مقر المحكمة الدولية تطالب بالقبض علي السفاح مجرم الحرب عمر البشير .. ولا يهدأ لنا بال الا القبض عليه وطيلة ما نحن علي قيد الحياة سوف يكون هاجسنا الوحيد هو قبض مجرم الحرب البشير .
امام مقر البرلمان بلاهاي .. وتوجهنا للدولية حاملين لافتاتنا وهتافاتنا .
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: Mohamed Adam)
|
حتي تأريخ هذا اليوم المصوتين ب نعم 1/محمد ادم 2/هيثم الهواري 3/محمد البشرى الخضر 4/ طه جعفر 5/هيثم غالي 6/علي دفع الله 7/ اسامه محمد 8/الصاوي 9/ ناصر امين 10/ عبدالمنعم الطيب حسن ١1/ محمد سليمان 12/عبدالعزيز يعقوب 13/ خالد العبيد 14/ خالد كودي 15/ معاوية المدير 16/الباقر ابوبكر ابراهيم 17/ ياسر الشريف 18/ أيمن محمود 19/ علاء سيداحمد 20/ سيف الدين فضل الله 21/ مني عمسيب 22/ هاشم كاروري 23/ خالد حاكم 24/ عمر التاج 25/ عثمان الأمام 26/ كمال عباس 27/ محمد الامين محمد 28/ عادل الباهي عبدالرازق 29/ الباقر عثمان 30/ أنور أدم 31/ الحليله 32/ جمعة هري بوش 33/ بله محمد الفاضل 34/ محمد الشيخ 35/ يوسف احمد 36/ كوستاوي 37/ عادل البراري 38/ احمد امين 39/ محمد حيدر المشرف 40/ قلقو 41/ امجد ابراهيم 42/ عماد الدين الطيب عمر 43/ فرح الطاهر ابوروضه 44/ منتصر صلاح
........................................ والمصوتين ب لا
1/ حسن حماد محمد 2/ ود الباوقة 3/ صديق مهدى على 4/ أحمد محمد عمر 5/ محمد الزبير محمود 6/ بدر المعارف محمد المساعد 7/ أمير محمد أحمد أبيض 8/ محمد جلال عبدالله 9/ أحمد علاء الدين 10/ محمد عبد الله الامين 11/ د احمد حمدان 12/ حماد الطاهر عبدالله 13/ لطفى العمده 14/ محمد الهادى عبد الرحيم 15/ التيجاني عبد الباقي 16/ عبدالله ادريس 17/ مامون المعتصم أحمد 18/ غريبه 19/جعفر اسماعيل 20/أنس بابكر 21/ ادم شحوتاي 22/عثمان 23/صالح زبير 24/ سامر دوشه 25/عزالدين عباس الفحل
........ .... ... قابلتني صعوبه في ترقيم الأسماء باللغتين في آنِ واحد ودا خلاني لأكتبها باللغه العربيه وبس. .. تم ذلك وفقا لترتيب الأصوات من آخر صفحه.
تبقت ساعات قليله من نتيجة الإستفتاء..
| |
|
|
|
|
|
|
Re: هل تقبل بتسليم عمر البشير للمحكمه الجنائي (Re: Mohamed Adam)
|
اخونا احمد عبدالعاطي مشكور، لقد تم رصد صوتك. ننبه للتاخير: اخر مداخله لي كانت ببوست اخونا عادل أمين وبعديها حاولت ارفع هذا البوست و لم اتمكن من ذلك ... كل شيء جايز...
نتيجة الإستفتاء كانت واضحه منذ أيام خلت وهي لصالح محاكمة البشير بلاهاي...
النتيجه بها عبر ودروس ممكن الناس تستفيد منها..
تابعوا كمية الناس المطلعين علي البوست وكمية المصوتين!
لو تجاهلنا المطلعين عليها نجد ان هذه المساحه علي اقل تقدير عضويتها لاتقل عن الآلاف ومعظمهم تضرر من نظام عمر البشير بصوره واخري بل هنالك من تضرر بصوره مباشره من الإباده الجماعيه ولم يبالي خالص إذا عمر البشير يحاكم بلاهاي او يحاكم يوم "القيامه" وفي قرارة نفسه يقول "باركوها" فعلا نحن شعب طيب واصيل...
الخلاصه؛ نحن السودانين لايمكن نحل قضايانا بهذه الطريقه يجب ان نبحث عن أساليب اخري ولكنها تكون نابعه من صميم واقعنا... التغير يجب ان يأتي في شكل وعيّ لكن من جزور قواعدنا.
عمر البشير وعصابة الإنقاذ طلعوا من رحم الشعب السوداني ولم يطلعوا من رحم الشعب السويدي! يبقي تغير حالنا يتطلب تغير جزري في قاعدة الشعب نفسه الثمره الطيبه لابد وجدت أرضيه طيبه! الأمر هذا يتتطلب تضافر جهود كل سوداني خارج الوطن او داخله ولكن يجب ان نركز في التغير علي الداخل بصوره اكثر من غيره..
العداله العالميه لابد من الإعتراف بجدواها في المدي البعيد إلا انها بطيئه ومكلفه جدا(ماديا ومعنويا) وقد لا تلائم الشعوب المضطهده والمسحوقه في بيئه مثل بيئتنا.. لتعمل لمصلحة الجميع تحتاج لتجديد فوري.. لأن هذه العداله نشئت من خلال الإشكالات الغربيه(من وستفالي إلي مابعد الحرب البارده) فهي تناسب الشعوب الغربيه وتخدم قضاياها اكثر مما انها قد تخدم قضايانا وذلك بحكم تطورهم المكاني والزماني!! كمثال: النظم الغربيه والأفراد لايمكن يغطوا علي جريمه تمس سيادة الوطن والقانون وذلك بحكم تقدمهم عنا(الحضاره الغربيه قامت علي جماجم كثيره) ... الآن ما عندها كوابيس زي كوابيسنا، قبيله، جهويه، إدارات اهليه وغيره من تنظيماتنا الفاعله!!!!! .. لذا يجب ان نعترف بأنا مختلفين من حيث القضايا السياسيه، الإجتماعيه، العسكريه وغيرها.
مثال آخر، الآن لو عمر البشير قبض عليه من عنقرته قول بواسطة مظلومين من ضحاياهو ناس فتا برنو، فلاتدي الدنيا عجب لو قام والي الولايه، معتمدها او شراتي قبائل المنطقه لتحميه بكل قواها!!!
الدول الناميه وخصوصا دوله زي السودان يجب ان تعيد كل حساباتها من جديد وان ترجع لقواعدها وتعمل علي تغير واقعها علي المستويين الداخلي والخارجي.
الداخلي يجب ان تعمل وفقا لتقاليدها وأعرافها وبعد ذلك ترفع هذا التغير علي المستوي الخارجي للنظام العالمي كي يقبل به ويضمنه في مواثيقه... علي أساس يصوغ قوانين عالميه شامله لكل هذه التباينات. اللعب علي المستويين يكون مسئولية الوطن وحده... كيف يرتب اولوياته ليقنع مواطنيه وليقنع النظام العالمي بإختلافه التطوري من حيث الزمان والمكان بالنسبه لشعوب العالم الغربي. عندما قامت مؤتمرات وإتفاقيات كلفورنا و برتنوود وغيرها لم تكن الشعوب الناميه حاضره لتشارك بما تملك من خصائص وميزات تشكل إضافه لتعديل المواثيق العالميه لتخدم الجميع(المتطوره والناميه)...
في الختام الشعب السوداني شعب بتاع باركوها ودا شيء نابع من عاداتو وتقاليدو وما فارق وين المواطن ولد او وين تربي (غرب، شرق، شمال او جنوب).. الكل يعمل بمقولة علي الحاج (ياجماعه باركوها) ومعظمنا يمدح الزول الجاهل(عشان عين واحده نكرم ألف عين) وعليه نشاهد الآن نتيجة هذا الإستفتاء بالنسبه لتعداد عضوية المنبر وهي الأكثريه المتضرره من نظام عمر البشير أتت ضعيقه لأنها اخدت بمقولة باركوها ياجماعه وغيرها من مقولات محليه!!! يبقي نصل إلي خلاصه وقد اكون مخطيء فيما ذهبت إليه وهي: كعالم نامي، بالذات السودان جل مفاتيح مغاليق قضايانا بيد القاعده بالداخل. وشكرا.
| |
|
|
|
|
|
|
|