|
Re: خبراء اقتصاديون يتوقعون ارتفاع قيمة الجن� (Re: ايمن الصادق)
|
حتى لو الكلام ده حصل وارتفعت قيمة الجنية حيكون تأثير وقتي .. وحيزول بسرعة مثله ومثل شائعات السوق .. فريثما تتضح الحقيقة يرجع السعر لمكانه القديم وربما يزيد أكثر .. بعدين لا تأثير اقتصادي ايجابي يرجح ميزان المدفوعات .. يعني شنو هي صادراتنا الكانت موقفاها امريكا بالعقوبات ؟؟ .. حتى في ظل العقوبات ظل الصمغ العربي يتم تصديره لامريكا .. ولم تستطيع حكومتنا جعله أداة ضغط .. لانه السلعة الوحيدة التي لم تشملها أمريكا بالعقوبات .. البترول ماشي ومستمر .. الذهب مثلاً .. ده أغلبه أصلا مافي يد الحكومة ولا تحت سيطرتها .. وبيدقش خلا غرب افريقيا وبيمرق بي غادي غادي .. بي رفع عقوبات او بدون رفع عقوبات .. الوضع مستمر .. الباقي من الذهب الجماعة الطيبين مفطسنة بي تحت تحت .. فيا مسلمي ماتنسى الفساااد ده الغول المانع لأي تقدم .. بل هو أسوأ من أي عقوبات أمريكية .. وأكيد الفساد ده مستمر وحيستمر مع العقوبات أو بدونها .. فضل لينا شنو .. المعونات والسلف والشحدة ودي تأثيرها مؤقت .. ومابتودي ليها اقتصاد بلد لي قدام .. اعتقد رفع العقوبات حيكون له تاثيرات ايجابية بعيدة المدى .. يعني مدخلات الانتاج وقطع الغيار للمصانع الكانت موقوفة .. حتبدأ في الدخول لكن التأثير الايجابي حيكون بعيد المدى .. الاثر الايجابي الاوفر حيكون لأمريكا والشركات الامريكية .. لانها حتستفيد فائدة قريبة المدى ..
كمان العقوبات ما حتترفع بالطريقة المتخيلاها الناس .. بل حتكون بالقدر التستفيد منه الشركات الامريكية .. بالذات في الفترة الاولى يعني حركة الصادر من ذهب ومحاصيل .. حيكون عليها برضو قيود .. وحتكون الغلبة للواردات .. يعني برضو ميزان المدفوعات حيكون موكوس بزيادة قيمة الواردات .. يعني ما حتتبهل بهلة يا مسلمي .. حتكون شوية شوية .. وبالسيسي .. شغل دربات وكده .. الزول العطشان وطول كان أدوهو موية كثيرة بموت .. نقطة نقطة ..
|
|
|
|
|
|
|
|
|