|
|
 Re: قبل النعي تيقنوا من دقة الخبر رغم حتمية ال (Re: احمد الامين احمد)
|
مايسمى بالسوشال ميديا
عملت ربكة كبيرة في مواضيع المووت
يعني في جيلنا كان ارسال الخبر يتم عن طريق ارسال اشخاص لأهل المرحوم
نسبة لعدم توفر الاتصالات لكل القرى
وكنت متخصصا في حمل مثل هذه الأخبار وذلك بالسفر للقرى البعيدة
ولم اكن احمل الخبر الا بعد التأكد تماما من ان المرحوم تم دفنه
ولا أمل في عودته مرة أخرى الى البيت !!!!
ولم أكن احمل هذا الخبر حباً في المرحوم أو غيره
انما كانوا يعطوني مصاريف تكفي للذهاب والعودة
والجلوس بمطعم فخم قبل نقل الخبر
ومن ثم توفر لك مبلغاً من المال يكفي مصروفك الدراسي
ولم يتم اختياري عشوائياً لهذه المهمة الصعبة
فقد جربوني أكثر من مرة
ووجدوني اتريث في نقل الخبر للأسرة التي اسافر اليها
والعملية هذه بالنسبة لي شخصياً ليست من فراغ
فقد كنت ادرك تماماً أنني لو بلغت الأسرة التي اتيت لها بخبر موت والدهم او امهم
فإن البيت سيتحول في ثواني الى جحيم وبكاء وعويل وسكاليب
لهذا كنت اصل اليهم وانا انسان عادي جدا وبدون اي ملامح تراجيدية
وبعد ان اشرب العصير ومن ثم الافطار او الغداء
ومن بعدها افك فيهم الخبر وليكن ما يكون
وأذكر أن أحد اقاربي قد ذهب في ذات المهمة الى احدى القرى بالجزيرة
وبلغ الجماعة بخبر موت قريبهم فور وصوله
فتحول البيت في لحظة الى بكاء
وكان هناك خريف وامطار فاتوا الجماعة باللوري وامامهم تركتور ولم يصلوا الا بعد 24 ساعة
زولنا بتاع الخبر جاء وهو يكاد يموت من الجوع .. وهو بالطبع هو الغلطان
قلت ليهو والله انت طلعت اكبر حيوان
مفروض تفطر وتشرب الشاي والقهوة وبعدين تفك الخبر
المرحوم ودفنوه المستعجل ليها شنو ؟؟؟؟
هجمة مرتدة
قبل فترة اتصلوا علينا ان احدهم اخوه استشهد
لبسنا جلاليبنا وقطعنا نومتننا بتاعت العصر
ودخلت بيت العزاء
القى ليك المخاخيت سايلة
والجماعة يجعروا !!!
واخو الشهيد قدر ما طبطبناهو ابى يسكت
وفجأة قعد يجعر باعلى صوته لمن دخل واحد علينا وقرأ آية { ولا تحسبن اللذين قتلوا في سبيل الله ....
المهم بعد صلاة العشاء قاموا ناس { ابوفاطنة } على كراس الكشف وقالوا الشهيد مات صغير
معنى الكلام هذا على طريقة ياعمك صلح الفول
وقمنا صلحنا الكشف عليك امان الله دفعت 300 ريال
بعد يومين اتضح انو الشهيد على قيد الحياة وفي امان الله
انا ما زعلت عشان المخاخيت السايلة وقطع النومة
زعلت لأنهم ما رجعوا لينا قروش الكشف !!!!! آي والله !!!
هجمة مرتدة ثانية
قبل فترة عندي قريبي كان عيان شديد
وفجأة قعد يرفس
وعيونه جحظت في السماء
وبناته واولاده قعدوا يبكوا ونادوا على جدهم ابو امهم
طوالي جدهم قال ليهم ابوكم بيحتضر ادوني موية اكسر ليهو عيونو
اها بي تحت تحت الجماعة بتاعين الموبايلات الماعندهم شغلة بدأوا يتصلوا
زولنا العيان فجأة ختف كوز الموية وكشحوا فيهم
قال يحتضر قال !!! هسي حايم في الحلة
معليش ما نكون فتلنا ليكم البوست
|
|
  
|
|
|
|
|
| العنوان |
الكاتب |
Date |
| قبل النعي تيقنوا من دقة الخبر رغم حتمية الموت | احمد الامين احمد | 01-04-17, 10:43 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 10:52 AM |
| Re: قبل النعي تيقنوا من دقة الخبر رغم حتمية ال | Amira Hussien | 01-04-17, 10:53 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 10:59 AM |
| Re: قبل النعي تيقنوا من دقة الخبر رغم حتمية ال | ابوحراز | 01-04-17, 11:39 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 11:53 AM |
| Re: قبل النعي تيقنوا من دقة الخبر رغم حتمية ال | علي دفع الله | 01-04-17, 12:21 PM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 12:29 PM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 12:33 PM |
| Re: قبل النعي تيقنوا من دقة الخبر رغم حتمية ال | أحمد محمد عمر | 01-04-17, 12:40 PM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-04-17, 01:01 PM |
| Re: قبل النعي تيقنوا من دقة الخبر رغم حتمية ال | Hamid Elsawi | 01-05-17, 06:58 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 09:50 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 09:56 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 10:30 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 10:37 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 10:38 AM |
 Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 11:44 AM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 05:29 PM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-05-17, 05:43 PM |
| Re: قبل النعي تيقنوا من دقة الخبر رغم حتمية ال | Amira Hussien | 01-05-17, 05:56 PM |
| Re: قبل النعي تيقنوا من دقة الخبر رغم حتمية ال | احمد الامين احمد | 01-06-17, 12:29 PM |
|
| |
ابوحراز
فيس بوك
تويتر
انستقرام
يوتيوب
بنتيريست