07:33 PM December, 21 2016 سودانيز اون لاين محمد بشير عبادى-السودان/ولاية الخرطوم/أمبدة مكتبتى رابط مختصرهكذا تحدث جاري خوجلي بخصوص العصيان المزعوم يوم 19 المنصرم .. ففي صباح ذاك اليوم وأنا خارج من المنزل إلتقيت أبو الجاز وهو اللقب الذي أشتهر به جارنا خوجلي ، قلت له مداعباُ : شنو يا خينا ما سمعت بالعصيان ده شنو مارق بهكرتك دي من الصباحات ما تقعد في بيتك!! ..الشاهد أن أبو الجاز رجل مكافح يمتلك عربة داتسون استيشن من موديلات الثمانينيات يقوم بتعبئتها بضائع من كافة الاصناف ومن ثم يقوم بتوزيعها على البقالات والكناتين و يعود آخر اليوم محملا بالاكياس هي قوت عياله واخواته اللاتي يعولهن بعد وفاة والده قبل سنوات.. رد أبو الجاز على مداعبتي الصباحبة .. يا أستاذ كان اعتصمت ، منو البوفر لي حق الكهربا والغاز والاكل ومصاريف المدارس والجامعة للخشوم المفتوحة جوة البيت ديك ؟؟؟ ويواصل ابو الجاز حديثه العفوي وبذكاءه الفطري .. ثم يا خينا ناس الانقاذ ديل انت قايلهم شنو ما اي موظف يعتصم بقولوا ليهو امشي بيتكم واعتصم لي يوم يبعثون ويجيبوا بدله عشرة ، الخريحين على قفا من يشيل يا خينا.. هنا ضحكت حتى جلست أرضا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة