حصل جربت انك تحاول تتواصل مع الناس ، ويقيف فوق راسك ديدبان عشان يقول ليك: يلا ارح بلا تم تم ولا بطيخ..!! والله صحي يا كمال..!! كتبت خواطر ، ولو لقيت فرصة ح اضيفها في الخيط ده... مقارنات بين تقاليد القرعان ، الزاندي ، اسكو لقوري في جبال النوبة..!!ث م فكرة التم تم ، ونظريتي يا كمال انو التم تم ، ما عندو علاقة باشغال ام بشاير وام جباير ، والزاندي...!! وصدقني لو سمعت بهدوء لأيقاعات جبال النوبة المتنوعة ، ح تعرف من وين التم تم جا..!! كنت فاكر الونسة ، ح تسمح لينا بعرض الأشياء بالترتيب. ..القرعان في شمال تشاد..الزاندي ...اللقوري في جبال نوبة ثم ريتم الجوامعة (ديل اقرب الناس لأم بشاير واختها)..فهي ايقاعات يا صاحب ، جميلة وسمحة يااااااااااااااااااااااااااخ؟؟؟
أهديك الليجند عمنا قصاص كليبو ، يغني بلغة النمانج / جبال حول مدينة الدلنج..!!!ا لفكرة يا كمال ، انساك من اللغة ، وتابع الإيقاع ، يتطور ويتطور ، في الدقيقة 31 وانت ماشي ، ح تشوف كيف الريتم بقى نموذج التم تم الواحد ده ..التم تم البتعرفوا اذاعة هنا امدرمان,..!!
لو لقيت لي فرقة : ح اجيب ليك المواد وممكن تقارن بينها: قرعان ، نوبة ..الخ..يعني تم تم..يا صاحب..! كتر خيرك يا كمال ، وكنت الأسعد لأن اكتب هنا واكتب..ولكن..!الله غالب يا صاحب.... ونشوفك في برهة قادمة..!! كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة