|
|
 Re: مشهد من تيتانيك (Re: اخلاص عبدالرحمن المشرف)
|
كانا جميلين عذبين وطفولة برئية
خسارة ترتبط في ذهن اي حد ب. وغد
ـــــــــــــــــــــــــــــــــــــــــــــــــــــــــــــــــ
سلام يادكتورة...
الفلم دا حضرتو زمان وتفاصيلو راحت من ذاكرتي إلآّ القليل..
أهم لقطة مازلت محتفظ بيها ،هي لقطة ناس الموسيقى البستمروا في العزف ومافي زول شغال بيهم الشغلة..
شايفين الناس بجّاروا للقوارب ،وعارفين نفسهم ح يغرقوا، لكن بعدا دا هم مستمرين في العزف..مع إنو الغرق مع
السفينة ليس من أدبيات مهنتم (كالقبطان مثلا)..
اللقطة دي أنا شفتها بعداك،في مواقف حقيقية كتيرة ،ومادار أبالغ وأقول ليك شفتها كمان في المنبر دا..
لدرجة إنها بقت أيقونة أصيلة لنظرتي وفهمي لدورة تكرار المآسي دون أي ثمن أو مقابل مكافئ،اللهم إلاّ الأوهام..
لكن برضو احتمال أكون أنا البتوهم ــــ لأنو الزمن طوّل زي ماقلتليك ــــــ واللقطة دي في الفلم،تكون مابنفس الكثافة الفي ذهني..
*بالنسبة للوغد والبراءة ــــ ولسّ ماعرفناك شايتة على وين ـــــ أنا فلسفتي الشخصية ،البراءة للبرئ ،والوغودية للوغدين..
يعني الجنس اللطيف احب فيهو البراءة،لكن الرجل كان مابقى وغد أحيانا،كيف ح يكافح الأوغاد؟
لكن الدهاء أحب لي من الوغودية هههه..أحب الدهاء عندما يطوع لتنفيذ الأفكار الشريفة..
مشكورة على المرور في البوست حقي دا هههههه
|
|
 
|
|
|
|
|
| |
عليش الريدة
فيس بوك
تويتر
انستقرام
يوتيوب
بنتيريست