النهـــــــود الجمــــــــيلة ..

Quote: حضور ومتابعة ومستقبلين موكب صاحب القلم المبدع في جبل حيدوب لنستمتع بالحكي عن .الحياة الاجتماعية والاقتصادية في مدينتنا الرائعة في السبعينات والخريف والرحلات للسد و ود الحليو . وليالي الانس والسمر في رمال الخيران وظرفاء مدينة النهود

حيدوب لم يكن معلما وجبلا بشكل النهدين فقط بل هناك فريق لكرة القدم بذات الإسم( فريق حيدوب)
، عارف يا محمد ودشيخ الدين، سألت الجماعه هناك - ومنذ الأيام الأولى - لماذا يوجد فريق بإسم
الهلال ولايوجد آخر بإسم المريخ ، فقالوها لي عديييل إنو فريق حيدوب دا ما ياهو ذاتو المريخ،
إنت قايل شنو!! هسه لو جيت النادي وشكَّرت الهلال الناس ديل كلهم (يحمِّروا) ليك، وانت قايل الناس
ديل منو؟ هم حمزه قريوِد ومبارك الطيب (شمار) والأمين الخليفه (دبابه) وأبوضُلُف وأبَّا و (ود دُقُرشُم)
أبوالقاسم ( شُخمُت) وهم اللعيبه الأساسيين في الفريق واحتياطيهم أبوبكر الطيب (كالوت) ، يعني باختصار
يا أكون حيدوباوي يا أرجع أمدرمان..

سالت صديقي النذير مكي النذير لم لا تغيروا إسم النادي إلى (النهود) أو (النهيدات) فأجابني أنه
سمع تحت تحت أن هناك فكرة قديمة حا يحيوها تاني وهي تسمية الفريق المريخ وسيكون ذلك تطبيقا
لأمر واقع إضافة إلى أن ذلك سيجلب لهم دعما من الرئاسه هناك من العباقرة في أمدرمان وقد حدث.