** ويسألونك عن الحج قل هو فرصة لأكل أموال الناس بالباطل .. آآآه وجعي يا وطن **

Quote: 1- تصدقو او م تصدقو اقسم بالله الان في فنادق الحجاج في جده الحمراء فندق مجلس الخليج غرف الحجاج مكيفاتهم نصها عطلانه ومافي اكل الناس نائمين برا في الشارع مواعدنهم بكره الرحله 2- الحال يغني عن السؤال،،، ايضا فندق نوركم في جدة كيلو 3 اسوأ بكثير من فندق الخليج بتاع الحمرا عادي ممكن تلقي كم طاشر شخص في غرفة واحدة مخصصة لشخصين او 3 فقط 3- ناس الفنادق سبحان الله. .الله يهديهم هناك يقوليك الحج سياحي تدفع ملايين تجي ما يدوك أكل زي الناس هم نسو قروش اللي انت دفعتها بس نقول حسبي الله ونعم الوكيل. ربنا يتقبل منهم ويرجعو لي أهلهم سالمين 4- اديني رقم وزارة الحج الان... انا من الحجاج الذين يقيمون بهذا الفندق وكلما ذكر في البوست صحيح ذد علي حمام واحد لعشرين نفر وفندق وسخان ما في مويه فقط تلاجه صغيره اسسبنسر لخدمه تمانين شخص... هات الرقم 5- زمان أي حاج يجي بدو شيك يمشى يصرفو عشان لو أكل ما عجبك تمشي تأكل ما يعجبك هسي لا شيك ولا شريحة إتصل كل يوم يقوليك بكرة تجي بكر تانى يقوليك بكرة 6- المزعلني شي واحد ليه ماخلوهم يكملو الجمرات وليه يكونو متعجلين وليه يطوفو بعد رمي الجمرات علي طول المبيت في مني ورمي الجمرات بعد الظهر ومتعجلين ولي الآن هم في جده وين بدخل رأسك يامطوف والله ربنا يحاسبك في حق المظاليم ديل