الارزقي قور تعال ورينا بتفهم شنو في الفلسفة المسكينة البقت تخصصك !!

Quote: على كدا أنت نويت تجرجرنا للغريق .. ما دام فتحت باب الخرمجة المافي شنو يا قول قيقا ربنا يواليه بالعافية ويهديهو يبطل عنادو .. نعم الموت قانون طبيعي بس عايز أقول ليك هو الأصل وليس العكس .. بمعنى لو مافي موت ما كان بكون في ضرورة لتجسيم الوجود .. الموت في حد ذاته بوابة التطور الأولى للكائنات .. واهم وظيفة للموت إبادة داتا الكائن .. يعنى أقدر أقول الداتا الشغالا بيها شمسنا دي مختلفة تماما عن داتا النجم المات زمان .. كيف يعني ؟ الغازات والمواد الموجوده في شمسنا ما هي نفس الغازات والمواد الكانت مشكله للنجم الذي تولدت عنه .. شنو دليلي ؟ ما عندي دليل ولكن بعتقد حتى أصحاب التخصص العلمي قد يعجزون بسبب الاستحالة .. .لكن من خلال المنهج الفينومينولوجي لو افترضنا إنو النجم السابق الذي تولد عنه شمسنا .. كان يحمل نفس الخصائص التى يحملها نجمنا الآن .. فهذا قطعا يعنى أن هنالك حياة بلغت في تطورها مرحلة البشرية في ذلك النجم الفاني.. الوصول لفرضية كهذه يهدم فكرة التطور من اساسها كفكرة علمية.. ولكن قد تجد ما يسندها لو اعدنا النظر وجددنا تفسيرات المرويات الدينية