الكوز الذي حصل على اللجوء في هولندا بحنك انه ملحد

Quote: يا ود البشري الزول الف ليهو كيس لجوء سمين و في الغالب المسالة تمت بمعاونة الكيزان انفسهم. يبدو الكلام دا غريب لكن بشرح كيف بالقرائن و الدلائل الموجودة قدمنا و من التناقضات التى لمستها انت نفسك فى مداخلتك اعلاه. حول موضوع قضية الردة: صحيح كانت فى قضية مرفوعة ضده و الكلام دا اتذكر اكثر من مرة فى هذا البورد. لكن وينها هى الردة زاتها؟ الزول دا طوال مشاركتو فى المنبر دا قريت قضية فكرية ولا قضية فقهية فى المنابر دي؟ هو مواقفه متطابقة مع مواقف الكيزان فى احيان اظرط منهم اقراء كلام الذى اورده كمال عباس اعلاه. وينها هي القدرات الفكرية ذاتها البتجيب قضية ردة؟ قضية الردة حصلت لناس من عيار محمود محمد طه و نصر حامد ابو زيد و نحوه. ياخي علي دا تعبان ساكت. بعدين وين قضية الردة البتخرج من بيت عرس دي؟ عشان كده انا بقول ليك الحكاية تأليف و شتل. طبعا الخواجات ليهم بالظاهر. لمن مشي اتجرس ليهم ما بيقوا فى احتمال انو الزول دا يكون شغال لصالح الكيزان. الحكاية فى الغالب كلها شتل من قبل أجهزة الامن. و دي حكاية بتحصل كتير و ليس فى موضوع اللجوء فقط بل فى غيره. مثلا فى التغويص بعملوها. ممكن يعتقلوا شخص بقصد رفع اسهمه ليظهر كمعارض و من ثم تغويصه حيث يريدون. او اعتقاله لفترة لفتح الطريق له للحصول على طلب لجوء فى احدي الدول الاجنبية و من ثم يعمل لخدمته من الخارج. و دا كيس متكرر فى اكتر من بلد و بعض الجواسيس انتهوا فى المحاكم الاوربية. او دراما كيس ردة زي بتاع علي و ينتهي الي ناشط كيزاني فى هولندا. و فعليا اشتغل ليهم بنشاط ولا داسيها.