|
Re: ناس الجمارك و خلايا الطاقة الشمسية (Re: عماد الدين الطيب عمر)
|
السلام عليكم الأخ عماد وضيوفه الكرام تتم حساب الطاقة الشمسية المطلوبة حسب معطيات تختلف من منطقة إلي منطقة ففي الخرطوم علي سبيل المثال متوسط الطاقة الشمسية هي 6 ساعات في اليوم - زمن الدمن غير الزمن بتاع من الشروق لي الغروب - ولمعرفة كيفية حساب الطاقة المطلوبه نأخذ علي سبيل المثال بيت به لمبه قوة 30 واط الساعة مروحة قوة 30 واط ساعة وتلفزيون 30 واط ساعة وشواحن وادوات بمقدار 10 واط ساعة كل الأجهزة تعمل علي مدار 24 ساعة متواصلة مقدار الطاقة =30+30+30+10=100 واط ساعة في الساعة الواحدة محتاجين حوالي 100 واط ساعة مقدار الطاقة في اليوم =100 × 24 ساعة =2400 في اليوم - لضمان استمرار عمل الأجهزة كاملة لحساب الألواح الشمسية المطلوبة =2400 / 6 ساعات ( مقدار الطاقة في اليوم ) = 400 واط لتوليد الطاقة خلال 6 ساعات محتاجين حوالي 400 واط لكل ساعة - في عوامل تانية ممكن تتدخل معاك الغيوم أو الكتاحه أو اي اسباب تانية بتضيف هامش علي حسب مقدار الإنت تراهو - في عامل يخت في الهامش قوة اللوح وده معناته لو اللوح مكتوب فيهو 100 واط ما حيديك 100 واط لأ بديك أقل من 100 واط دايما بنخت في حساب 20% - ده علي حسب جودة المصنع ممكن يصل لي 10% أو أقل تلقي مكتوب في الدباجة خلف اللوح - يبقي نضر 400×20%= 80 واط يبقي انا محتاج لي 480 واط ساعة لو سألتني انا بقول ليك تمها 500 واط يبقي انت محتاج لي لوحين 250 واط - طريقة وضعهم واختيار الزوايا دي مرحلة تانية بنجي ليها قدام - نخلص من الإحتياجات ونشوف محتاجين لي بطاريات عشان نحفظ الطاقة ونستهلكها خلال اليوم وما يكون في انقطاع لي التيار الكهربائي بنحسبها كيف حسب عوامل البتدخل معاك - مثلا لو في فترة الخريف والتوليد حيكون قليل عشان الغيوم مفروض انو البطاريه تكون شايلة لي الفترة دي ولو انو مثلا في ضباب برضو الخ من الأحوال الجويه - احنا في مثالنا ده نفترض فترة الخريف ومافي توليد ما معانا نحسب البطاريات كيف عندنا 24- 6= 18 ساعة دي البطاريه مفروض تكون شايلة الأجهزه و 6 ساعات هي بتشتغل من الألواح مباشرة يبقي انا محتاج لي بطاريه اخزن فيها 18 × 100 =1800 واط البطاريات دي عندها نسبه ماممكن انقص منها عشان احافظ عليها اطول فترة ممكنه يعني 20% دي اقل نسبة ممكن يقبل ليك بيها المصنع 1800+360 =2160 واط اهلنا زمان ناس الفيزيا قالو انو الواط = الأمبير × الفولت 2160 = الأمبير ×12 فولت ، الأمبير = 180 أمبير يبقي بطاريتي مفروض تكون 180 أمبير ساعة ودي الوحدة بتاعت البطاطير يبقي عشان انور البيت والمروحه و التلفزيون و الشواحن انا محتاج لي 2لوح طاقة شمسية مقدار 250 واط ومحتاج لي بطارية مقدارها 180 أمبير في حاجتين مهمات لي شديد الأولي لازمن من الشاحن بتاع البطاريه وهو مسؤل من الشحن و التفريغ ومحتاجين لي الإنفيرتر ودا المحول من DC لي AC وديل الإتنين ما مشكلة يعني حسابهم ساهل شديد انت محتاج لي محول في حدود 120 واط كدا تقريبا احنا نورنا البيت نجي لي موضوع القروش في انواع من الألواح الضوئية أشهرهم اتنين المونو و البولي المونو بتمتاز بي جودة عالية وشكل جميل و المونو هي جودة أقل وشكل الخطوط فيها ما منسق زي المونو وديل الإتنين هم البيشتغلو في البيوت و مزارع التوليد الصغيرة و المتوسطة بتتراوح اسعار الواط الواحد من 50 لي 70 سنت أمريكي أو اكتر البطاريات حسب المصنع وفترة الضمان وجودة التصنيع و الوكيل حقها هي بتفرق معاك النظام المتكامل لي توليد 5 كيلو واط ساعة في حدود تقريبا 9000 دولار ودا بيتحتاج لي 20 لوح 250 و 16 بطارية 200 أمبير ساعة ومحول وشاحن وبجي بي نظام حوامل لي الألواح و حاجاتو كاملة مع ضمان استمرار الكهرباء لمدة 4 ايام دون توليد - الألواح ما شغاله عديل كدا في نوعين من التوليد في توليد متصل و توليد منفصل كيف يعني حسب شبكة الكهرباء ممكن اني اخلي نظام الكهرباء قائم وشيل معاهو توليد الطاقة الشمسية أو أفصل الشبكة من الكهرباء الخارجيه الأحنا قولناهو كلو هو نظام منفصل تماما عن الكهرباء الحكومية عادة بندخل توليد الطاقة الرياح لي تقليل المنصرف يعني الهواء دا شغال بالليل و النهار بنركب مراوح أو طواحين تكون مساندة لي نظام الطاقة الشمسية ودا بقلل من استخدام الألواح الشمسية و البطاريات وبالتالي القروش بتنقص - حسب كمية وطبيعة المنطقة عشان تقدر تركب لازم تحسب حساب الطاقة الإنت محتاج ليها بالظبط كم و طريقة استهلاكك لي الكهرباء لأنو بتفرق
العيب الأساسي في الطاقة الشمسية هي انو قروش بتندفع كاش مقدما ما زي المولد و الحكومة مع انها ارخص من الإتنين كان توليد بواسطة مولدات بحساب قيمة الجاز و الخ أو الحكومة في الفترة المطلوبة
وفي الختام انا بواصل الشرح مع امثلة أكتر ولو في اي سؤال انا جاهز ماعندكم مشكلة بس قولو عوووووك و السلام عليكم
|
|
|
|
|
|
|
العنوان |
الكاتب |
Date |
ناس الجمارك و خلايا الطاقة الشمسية | عماد الدين الطيب عمر | 05-10-16, 06:43 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 06:43 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 06:44 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 06:44 AM |
Re: ناس الجمارك و خلايا الطاقة الشمسية | أيمن محمود | 05-10-16, 06:51 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 06:56 AM |
Re: ناس الجمارك و خلايا الطاقة الشمسية | مني عمسيب | 05-10-16, 07:14 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 09:23 AM |
Re: ناس الجمارك و خلايا الطاقة الشمسية | Mahamed Eltaze | 05-10-16, 07:14 AM |
Re: ناس الجمارك و خلايا الطاقة الشمسية | عماد الدين الطيب عمر | 05-10-16, 09:28 AM |
Re: ناس الجمارك و خلايا الطاقة الشمسية | الأمين عبد الرحمن عيسى | 05-10-16, 07:27 PM |
Re: ناس الجمارك و خلايا الطاقة الشمسية | عماد الدين الطيب عمر | 05-11-16, 05:57 AM |
Re: ناس الجمارك و خلايا الطاقة الشمسية | Haytham Ghaly | 05-11-16, 06:48 AM |
Re: ناس الجمارك و خلايا الطاقة الشمسية | عماد الدين الطيب عمر | 05-12-16, 07:02 AM |
Re: ناس الجمارك و خلايا الطاقة الشمسية | Mahamed Eltaze | 05-11-16, 07:27 AM |
Re: ناس الجمارك و خلايا الطاقة الشمسية | جمال خضر | 05-11-16, 07:28 PM |
Re: ناس الجمارك و خلايا الطاقة الشمسية | Haytham Ghaly | 05-12-16, 04:54 AM |
Re: ناس الجمارك و خلايا الطاقة الشمسية | محمد البشرى الخضر | 05-12-16, 05:49 AM |
Re: ناس الجمارك و خلايا الطاقة الشمسية | Haytham Ghaly | 05-12-16, 06:00 AM |
Re: ناس الجمارك و خلايا الطاقة الشمسية | صبري طه | 05-12-16, 06:48 AM |
Re: ناس الجمارك و خلايا الطاقة الشمسية | Frankly | 05-12-16, 07:34 AM |
Re: ناس الجمارك و خلايا الطاقة الشمسية | صبري طه | 05-12-16, 07:41 AM |
Re: ناس الجمارك و خلايا الطاقة الشمسية | Frankly | 05-12-16, 08:38 AM |
Re: ناس الجمارك و خلايا الطاقة الشمسية | صبري طه | 05-12-16, 08:55 AM |
Re: ناس الجمارك و خلايا الطاقة الشمسية | Frankly | 05-12-16, 09:03 AM |
Re: ناس الجمارك و خلايا الطاقة الشمسية | صبري طه | 05-12-16, 09:05 AM |
Re: ناس الجمارك و خلايا الطاقة الشمسية | صبري طه | 05-12-16, 09:14 AM |
Re: ناس الجمارك و خلايا الطاقة الشمسية | Frankly | 05-12-16, 09:25 AM |
Re: ناس الجمارك و خلايا الطاقة الشمسية | عماد الدين الطيب عمر | 05-12-16, 09:42 AM |
Re: ناس الجمارك و خلايا الطاقة الشمسية | عماد الدين الطيب عمر | 05-12-16, 07:16 AM |
Re: ناس الجمارك و خلايا الطاقة الشمسية | عماد الدين الطيب عمر | 05-12-16, 07:13 AM |
Re: ناس الجمارك و خلايا الطاقة الشمسية | عماد الدين الطيب عمر | 05-12-16, 07:11 AM |
Re: ناس الجمارك و خلايا الطاقة الشمسية | Mahamed Eltaze | 05-12-16, 10:52 PM |
Re: ناس الجمارك و خلايا الطاقة الشمسية | عماد الدين الطيب عمر | 05-14-16, 08:18 AM |
Re: ناس الجمارك و خلايا الطاقة الشمسية | Mahamed Eltaze | 05-26-16, 11:50 PM |
Re: ناس الجمارك و خلايا الطاقة الشمسية | أحمد الشايقي | 05-27-16, 07:03 AM |
|
|
|