|
|
 Re: “فجر السعيد” تطالب الرئيس السيسي بضم الس (Re: زهير عثمان حمد)
|
يا هو ده الفضل من الذهل والهوان...
والله انا قريت اسمها بالانجليزي " فاجر) وزدت ليها الهاء من عندي..
لأن كلامها كلام فجور ولا يقبله العقل ...
ونحن كمان عندنا أدلة قاطعة ، ومدعومة بشهادات علماء آثار من سويسرا
وكندا وامريكا ان فراعنة السودان كانوا يحكمون مصر... لكننا ما اتبجحنا
وطالبنا يضم مصر الى السودان.. .. فقط طالبنا بارجاع جزء من تراب الوطن
( حلايب وشلاتين ) لارض الوطن...
واذا كان المصريين بيتحججوا ان سكان حلايب وشلاتين اختاروا ان يكونوا مصريين
في استفتاء ، وأغروهم لالوعود البراقة.. فحلال عليكم السكان.. خذوا سكانكم معاكم
وسكنوهم في سيناء المهجورة .. وخلوا لينا ارضنا....
والحاجة الغريبة ان الحكومة المصرية اعادت جزيرتين في البحر الاحمر للسعودية
وعندما احتج بعض الوطنيين المصريين ، اخرجت الحكومة خرائط تدل على ان الجزيرتين
تابعة للسعودية... ونفس هذه الخرط تدل على ان حلايب وشلاتين تابعة للسودان...
.. والمصريين اساس بتاعين مصلحة ,, ولمن ما لقوا فائدة في الجزيرتين رجعوها للسعودية
ولكن هم متأكدين ان حلايب وشلاتين ربما فيها ذهب بالأطنان، وربما نفط، مين عارف،
وعشان كده متمسكين بهذا المثلث....
.. وبعدين الصحفية الكويتية دي مالها ومال حلايب وشلاتين ...والله يمكن ده انتقام عشان حكومة
السجم والرماد دي ساندت صدام حسين لمن ضم الكويت للعراق....
وانا آسفة بقول حكومة السجم والرماد .. لانها ما وقفت وقفة قوية لاسترداد جزء من ارض
الوطن.. وبيتحججوا بعدم اثارة المشاكل مع الجارة العزيزة مصر لأن لها مصالح هناك!!
ووين المصالح دي... واذا كانت جارة عزيزة كانت استجابت لمطالبة السودان واعادت
المثلث للسودان....
والحاجة الأغرب انه لمن مسك الأخوان المسلمين الحكم في مصر، ناس حكومتنا فرحوا
واطمأنوا ان حلايب وشلاتين خلاص رجعت.. ولمن رسلوا وفد هناك عشان
يتناقشوا في الموضوع ده، ناس مراسم القصر في مصر حذروهم ما يفتحوا الموضوع ده
مع الرئيس المصري ، الأخو مسلم، محمد مرسي، عشان هو ما داير يتكلم في الموضوع
ده لانه موضوع بيخص السيادة المصرية.....
وفي النهاية اخوان مصر طلعوا وطنيين اكثر من اخوان السودان ...
.....
وعندي سؤال انا ما فاهماه ، في عهد عبد الله خليل، وعهد ابراهيم عبود، وعهد الصادق المهدي وعهد النميري
المشكلة دي كانت وين؟؟؟؟هل هذه الحكومات كانت بتطالب بحلايب وشلاتين.... ام ان مصر احتلت حلايب
بعد 30 يونيو 1989م...؟؟نرجو من الناس الملمين بالتاريخ يورونا الحاصل شنو؟؟؟
والله يديكم الصحة والعافية
|
|
 
|
|
|
|
|
| العنوان |
الكاتب |
Date |
 “فجر السعيد” تطالب الرئيس السيسي بضم السودان لمصر | زهير عثمان حمد | 04-22-16, 10:42 AM |
| Re: “فجر السعيد” تطالب الرئيس السيسي بضم الس | Hani Arabi Mohamed | 04-22-16, 10:55 AM |
| Re: “فجر السعيد” تطالب الرئيس السيسي بضم الس | زهير عثمان حمد | 04-22-16, 11:19 AM |
| Re: “فجر السعيد” تطالب الرئيس السيسي بضم الس | اميرة السيد | 04-22-16, 02:08 PM |
| Re: “فجر السعيد” تطالب الرئيس السيسي بضم الس | aosman | 04-22-16, 02:17 PM |
| Re: “فجر السعيد” تطالب الرئيس السيسي بضم الس | Nasr | 04-22-16, 05:57 PM |
| Re: “فجر السعيد” تطالب الرئيس السيسي بضم الس | Frankly | 04-22-16, 06:35 PM |
| Re: “فجر السعيد” تطالب الرئيس السيسي بضم الس | Muna Khugali | 04-22-16, 06:39 PM |
| Re: “فجر السعيد” تطالب الرئيس السيسي بضم الس | Khalid Kodi | 04-22-16, 08:14 PM |
| Re: “فجر السعيد” تطالب الرئيس السيسي بضم الس | Nasr | 04-22-16, 08:16 PM |
|
| |
فيس بوك
تويتر
انستقرام
يوتيوب
بنتيريست