دينق موديل 2016 وإسلوب المقالات التي أخرست الأقلام التي تقول:"مَنْ يكتبُ باسم دينق"

طبعا اخوانا الشيوعيين والسلفيين والكيزان والنذير حجازي..طوالي عندهم رقابة (قبلية وبعدية) عشان كده بعملوا رايحين من الكلام الواضح..

هنا ما كتب صديقنا (حزنك يا وطني احزني) من الفيس بوك:

Quote: النذير طبعا جابا من الاخر عملا بمقولة الفى قلبو حرقص براهو برقص وقفز الى ان استهجان الناس لفهم وثقافة دينق على اساس انو جنوبى فهنا ممكن نسالك وين الكلام ده اتكتب ومن ياتو عضو ذكرا صراحة بانو امثال دينق من بتين بقو مثقفين كجنوبين؟؟ انا للامانه ماشفت واحد كتب حاجه كده خالص فليه انت عايز تدافع حتى بالباطل وتقول بلسان الناس مالم يقولوه؟؟ بعدين يااخ النذير الناس هنا مافى سباق معلوماتى او ثقافى والا اذا كل الناس لازم يبقو مثقفين او على درايه علميه كامله ابقى مافى داعى للمنبر ولكن المقياس هو بسيط جدا وهو احترامك للراى وللراى الاخر والبعد عن التجريح والاساءه للاعضاء بغض النظر عن فقر معينهم الثقافى او قلة فائدة مايكتبوه المهم تحترمهم ويحترموك فاذا كان (صديقك العزيز) يمتلك هذه الصفه تفتكر الناس حتهاجمو برضو على جنوبيتو؟؟ ولا عايز ناس المنبر كلهم من قراء وزوار يقطعو تزاكر ويمشو يحجو عند دينق ويتوددو ليهو عشان يتاكدو من ثقافتو البتحكى عنها ولو فرضنا انو ده حصل , فايه فائدة الثقافه بدون احترام ياعزيزى؟ هسا يعنى لو جيت انا كتبت ليك موضوع من الف سطر وافحمتكم بيهو عن مالم تسمعو به من قبل وانت كتبت اول رد وانتقدت الكلام وانا طوالى شتمتك بوصفك تافه او غبى او على الشاكله دى انت حتعديها لى وتتبسط بانو نبذّك زول مثقف وفاهم ومقطّعا وتمشى تنوم حامد شاكر؟؟؟ بعدين اتخيل لى فى جنوبين تانين بكتبو فى المنبر ده ودينقك ده لايملك ولو نقطه من بحر احترامهم لنفسهم ولغيرهم فهل حيشملهم وصفك المزعوم بان ثقافتهم لا تتماشى مع سحنتهم على حد وصفك واتهامك لللناس؟؟ ياعزيزى الموضوع واضح وساهل وصدقنى الاصطفاف الاعمى ده مابقدّم ولا بفيد فالاحسن تتعودو على كلمة حق حقيقيه وليس ليراد منها باطل وياريت تسعى فى ارض المنبر اقناعا للجميع بان الاحترام اول خطوه فى الاقناع وفى التغيير وفى السياسه وفى كلو وليس الصحوبيه وقاعدة ان احسنو وان اصابو برضو صح وتقبل احتراماتى.

كبر