أرجوزة عبد المعين دي برضك مهداة لتبارك؟ ياها الاستايل بتاعو ومطقمة مع المشية العسكرية بتاعتو
يعلم الله يا أحمد ياخوي الصورة بتاعة الفنان دا كل ما أفتح غوغول بتلاقيني، قايلو من الساسة والله، أو رجل من رجالات الدولة القدامى.
انت جادي؟ لو دايرني أقارن ليك المنيطيطة أم كمنجة أو بتنا سايدل غابوتيرو (Cydel Gabutero) مع الراجل المحترم دا ناس منى عمسيب وود المك وحافظ بشير ديلك بزعلوا ههههه. عليك الله هسع التركة الوجدانية العاطفية الثقيلة لقيتها من ياتم في الفوق البغنوا ديل؟ ناس بُمْ بُمْ كَشَوْ كَشَوْ ولا ناس لا لا؟
ما عندي مشكلة في الونسة الملحونة، مشكلتي في الموسيقى، يعجبني في الفنانين فترة الخمسينات الوستينات الذوق العالي في اللبس والثقافة، هسع الفنان دا في الدقيقة 1:45 زي البيقول (ذهب مع الريح) ضمن القافية، وفعلاً الأفلام زمان كانت بتصل الخرطوم في نفس أسبوع عرضها في العواصم العالمية.
نهديك أغنيات الزمن الجميل.
البنات يضووا كالبنور زي بنات الحور ... ____ كان دروا مندرو دي شكلها زي مقدمات المسلسلات الإذاعية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة