من النـافذة : Mohammed Eltaze ·
السلام عليكم
شكرا منتصر لرفع تعليقي لكن اسمح لي ازيدك من الشعر أبيات حتي تكون الصورة واضحه - وما يكفروني ساكت-
وياريت الحيرد مايرد لي بي حديث فحين يتكلم الله عز وجل الكل يسكت
العلاج بالقران حق أريد به باطل من الإسم باطل فإذا القران باب للعلاج فهو من أولي ان يكون شفاء وليس
علاج و الفرق بين العلاج و الشفاء كبيييير العلاج يحتمل إنك تشفي أو لأ و الشفاء مافي باب للمناقشه اساسا
حتشفي يعني حتشفي دي أول حاجه مفروض يكون الإسم الشفاء بالقران وليس العلاج بالقران . سؤال من طرف الدولاب
إذا ربنا قال في حق النحله "يخرج من بطونها شراب مختلف ألوانه فيه شفاء للناس " وفي الحديث "صدق الله وكذبت بطن أخيك "من المفروض يكون القران شفاء ؟!
نجي نشوف القران بيتناول موضوع الشفاء بالقران و السؤال الأنا طرحته هل ربنا نزل القران كتاب علاج وله نزل القران للهدايه ؟
الله عز وجل تكلم عن موضوع الشفاء في القران لكن الشفاء الفي القران هو شفاء لما في الصدور للأمراض الصدرية يعني ناس كحه
ونزله وسل ومويه في الرئة لأ طبعا ربنا تكلم عن القران عن شفاء لأمراض الفكر بي أسلوب عصرنا الحديث المفروض التكبر و التزمت
و الطغيان و النفاق والخ النوع ده من الأمراض برضو هو باب شفاء مجتمعي بي نفس الفكره القولتها هي تقويم لسلوك المجتمع
مس في لغة العرب يعني شنو ؟ [م س س]. (مص. مَسَّ، مُسَّ). أَصَابَهُ مَسٌّ: جُنُونٌ ده بتقدر تلقي الكلام ده في لسان العرب وله اي كتاب بتاع عربي
"لاَ يَقُومُونَ إلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ" الايه دي وهي واحدة من الركائز البيستدلو بيها في الخداع لكن عشان
عندنا القران بقي كتاب مطالعه الواحد همو يقراهو عشان يحصل يقول انا ختمت القران 10 مرات وله في رمضان نظام تسليه
وتقضية وقت لحدي المغرب وفقدنا تدبر القران وده ماموضوعنا نجي نشوف ياناس الجا أول الشيطان وله الجنون الجا أول؟!!!
أشرح الايه ربنا بيوصف في حال الراجل الماكل الربا زي المجنون البنقاد لي الشيطان عشان ماعندو عقل عشان كده الشيطان بيسوقو
- سمعتو يا ناس النقل قبل العقل - يبقي الشيطان لقي الراجل مجنون أساسا وساقو وربنا زي البقول ليك انت ماعندك عقل تمشي وري الشيطان يابليد دي نقطه
نجي نشوف موضوع الايه 102 سورة البقرة "واتبعوا ما تتلو الشياطين على ملك سليمان وما كفر سليمان ولكن الشياطين
كفروا يعلمون الناس السحر وما أنزل على الملكين ببابل هاروت وماروت وما يعلمان من أحد حتى يقولا إنما نحن فتنة فلا
تكفر فيتعلمون منهما ما يفرقون به بين المرء وزوجه وما هم بضارين به من أحد إلا بإذن الله ويتعلمون ما يضرهم ولا ينفعهم
ولقد علموا لمن اشتراه ما له في الآخرة من خلاق ولبئس ما شروا به أنفسهم لو كانوا يعلمون" الواو واو عطف علي ماقبلها لكن
ما حنمشي لي بعيد شدييييد ونرجع ايه نعمل زيهم نخشف في الايه وممكن جزو من الايه برضو عشان يدينا الزيت سحر في لغة
العرب سحَرَ يَسحَر ، سَحْرًا وسِحْرًا ، فهو ساحِر ، والمفعول مَسْحور سَحَرَ لُبَّهُ : اِسْتَمَالَهُ ، فَتَنَهُ ، سَلَبَهُ ، : لتصرفنا وتخدعنا ،
ومن هنا بنقدر نعرف يعني شنو الشياطين ديل كانو بيعلمو الناس شنو كان بعلموهم السحر وله كانو بيعلموهم الخداع والف
والدوران وما أنزل علي الملكين ببابل هاروت وماروت ده من هنا بدي موضوع جديد حق الملكين الحقيقه دي بتلقاها واضحه
في باقي الايه يعلمان هنا ده فعل الفاعل بتاعو اتنين ما زي الشياطين يعلمون الكان البعلموه لي الناس شنو طيب الملكين ديل
بتلقاها في القران فتش بتلقاها براحه هي النميمه و الحاجات دي ما أكتر من كده لو عاوز تعرف تاني وريني
بعدين لو الكلام ده زي مابيقولو كده هل ربنا بالظلم البيخلي شيطان يخليك تبقي زي المجنون مابتقدر تتصرف ولاتعمل
شي ويجي يحاسبك عليهو وله ربنا غلبوا يصرف ملكو ادي الشيطان يصرف فيهو - ربنا يقول البت بتعرس الشيطان
يقول لأ ماتعرس اعبد الشيطان احسن لي عشان هو الحيمشي لي أموري -
أنا تاني بكتب ليك يا منتصر باقي الحتات البيستدلو بيها عشان ياكلو أموال الناس بي أسم الرقيه الشرعيه -
هو بالمناسبه الشرعه منو وين مكتوبه البعرف انو الرسول صلي الله عليه وعلي اله وسلم نهي عن الرقيه الشرعيه
وحتي لمن وافق بيها كانت لي 3 حاجات هي الحمي و النمل و العين وبعدين كانت في الناس و الفلق بس ده حسب علمي
فياريت من شيخ قصي -ودي تريقه برضو ارجوا المسامحه - يورينا الشرعه منو وين وفي ياتو حته
و السلام عليكم
محـمد الـتازي