قال اموت..!! طيب ونحن نموت وين يعني؟.. غايتو ناس امسودان امركم عجيب ، واحد يحجز ليهو حتة يموت فيها تجوا تزاحموهو..!!
مجاهد ..حبابك يا صديقي..
اختيار موفق ،
ولغاية الليلة عندي امنية مؤجلة ، لو حصل لاقيت استاذنا بشير عباس ، اول حاجة ح اقول ليهو اعمل لي حركة الصفارة دي..ياخي موباااااااااااالغة..وما اتكررت تب..!!
طبعا شغل العريبي عصام محمد نور برضك مو هين.. لأنو عصام ده جكة براها..
نديك الفيرشن الزغت منو..
وكتها كانت اميركا عندها ديانا روس واحدة فقط ، ونحن كان عندنا تلاتة حتة واحدة..
عارف يا صديقي ، لمن اتفرج في فيديوهات امسودان بتاعة زمان ، اكتر حاجة بقيف فيها ونسة الفنانين/الفنانات /العازفين مع بعضهم البعض..ودي الحتة البنشوفها في الفيرشن ده.. ناس كانت بتغني باخلاص ، وفن عشان الفن ، بيطربوا روحهم اول حاجة ، حتى بعد داك بيطربوا الجمهور..!!..حاجات ما بتتكرر تب..!
ولازلت ، وسأزال ، في رأي: بان البلابل اجمل اختراع سوداني..!!..واه صحي..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست