صفــــــــــــــوف العبيــــــــــــــــــــــــــــــــــــــــد

Quote: Abu Omar الاخ كاتب الموضوع لمن الموضوع يتوسع احيانا الرسالة ما بتصل كاملة انا غايتو عاجبني شديد الاسم الجديد العبيد او المستعبدون .. يا الله لو الاسم ده لقى رواج لانو المسألة اضحت مسألة تحرير وحرية وانعتاق .. انا عن نفسي وقفت في كل اشكال وانواع الصفوف .. صحيح صف الغاز هو اكثر صف اتمرمط فيه الانسان السوداني .. بس كمان صفوف المغتربين وكمان ايه؟ من اجل دفع الاتاواة! يعني بعد كل المضايقات التي يمارسها النظام وعدم اتاحت الفرص متساوية للجميع وخلق وضع طارد يصل لدرجة الحرب والقتل والتشريد .. وبعد ده يطول المشرد (المغترب) في غربته ويفرض عليه ان يدفع من جهده وعرقه .. يعني المغترب ما له نصيب من موارد بلاده الطبيعية وفوق كل هذا يساعد اسرة الاجدى في كل الاعراف على النظام القائم مساعدتها بتقسيم الموارد وكل انواع مداخيل الدولة بالعدل على كل الافراد .. يعني يستأثرو كل الثروة لانفسهم واتباعهم واغراضهم وفوق ده كلو يحصلو الزول الخلى ليهم البلد اكيد استعباد واسوء من التقليدي كمان. على فكرة والكل يعرف طبعا لو الاموال موظفة صح من اجل السلام والتمنمية العادلة في كل اتجاهات البلد اكيد النظرة تختلف والامر يختلف.